ୟୁପିରେ ଭୟଙ୍କର ଅଗ୍ନିକାଣ୍ଡ: ୫ ଜୀବନ୍ତ ଦଗ୍ଧ, ୨ ଗୁରୁତର

ମୋରଦାବାଦ: ଉତ୍ତରପ୍ରଦେଶର ମୋରଦାବାଦରେ ହୋଇଛି ଭୟଙ୍କର ଅଗ୍ନିକାଣ୍ଡ । ଏହି ଅଗ୍ନିକାଣ୍ଡରେ ୫ ଜଣ ଜୀଅନ୍ତା ଦଗ୍ଧ ହୋଇଥିବା ବେଳେ ୨ ଜଣ ଗୁରୁତର ଆହତ ହୋଇଛନ୍ତି । ମୋଦାବାଦର ଗାଲସାହିଦ ଅଞ୍ଚଳର ଏକ ୩ ମହଲା କୋଠାରେ ହୋଇଛି ଏହି ଅଗ୍ନିକାଣ୍ଡ ।

ସୂଚନା ପାଇ ୧୨ ଜଣଙ୍କୁ ଉଦ୍ଧାର କରିଛନ୍ତି ଅଗ୍ନିଶମ କର୍ମଚାରୀ । ୩ ଘଣ୍ଟାର ସଂଘର୍ଷ ପରେ ହୁତୁହୁତୁ ହୋଇ ଜଳୁଥିବା ନିଅାଁ ଶେଷରେ ଲିଭିଥିଲା । ମୋରଦାବାଦ ଜିଲ୍ଲାପାଳ ଓ ଏସପି ଘଟଣାସ୍ଥଳ ପରିଦର୍ଶନ କରିଛନ୍ତି । ମୃତକଙ୍କ ମଧ୍ୟରେ ୨ ମହିଳା ଓ ୩ ଶିଶୁ ଥିବା ସୂଚନା ମିଳିଛି ।