ଏକ ବର୍ଷ ପର୍ଯ୍ୟନ୍ତ ଫ୍ରି ମିଳିବ Prime Videoର ଆକ୍ସେସ, ଏହି କମ୍ପାନୀ ଲଞ୍ଚ କଲା ପ୍ଲାନ
ନୂଆଦିଲ୍ଲୀ: Vi ଭାରତୀୟ ଟେଲିକମ ମାର୍କେଟକୁ ଫେରିବାକୁ ଲଗାତାର ପ୍ରୟାସ କରିଆସୁଛି । କମ୍ପାନୀକୁ ଏହାର ଫାଇଦା ମଧ୍ୟ ମିଳୁଥିବାର ଦେଖାଯାଉଛି । କମ୍ପାନୀର ୟୁଜର ବେସରେ ଲାଭ ଦେଖିବାକୁ ମିଳିଛି ଯାହା ଲଗାତାର କମୁଥିଲା ।
ଭୋଡାଫୋନ ଆଇଡିଆ ନିଜ ପୋର୍ଟଫୋଲିୟୋରେ ଏକ ନୂଆ ପ୍ଲାନ ଯୋଡିଛି । ଯାହା ଏକ ବର୍ଷର ଭ୍ୟାଲିଡିଟି ସହ ଆସିଛି । ଏହା Vi ର ପ୍ରିପେଡ ପ୍ଲାନ ଅଟେ । କମ୍ପାନୀ ୩୧୯୯ ଟଙ୍କାର ନୂଆ ପ୍ଲାନ ଯୋଡିଛି, ଯାହା ବହୁତ ସାରା ବେନିଫିଟ୍ସ ସହ ଆସିଛି । ଏହି ସମସ୍ତ ବେନିଫିଟ୍ସ ଏକ ବର୍ଷ ପର୍ଯ୍ୟନ୍ତ ମିଳୁଛି । ଏଥିରେ କଲିଙ୍ଗ, ଡାଟା ବ୍ୟତୀତ ଅନ୍ୟ ଫାଇଦା ମଧ୍ୟ ମିଳୁଛି ।
ଭୋଡାଫୋନ ଆଇଡିଆର ଏହି ରିଚାର୍ଜରେ ଆପଣଙ୍କୁ ଡେଲି ୨ ଜିବି ଡାଟା ମିଳିବ । ଏହାବ୍ୟତୀତ ୟୁଜର୍ସଙ୍କୁ ଅନଲିମିଟେଡ କଲ୍ ଏବଂ ଡେଲୀ ୧୦୦ଟି ଏମଏମଏସର ମଧ୍ୟ ଆକ୍ସେସ ମିଳିବ । କମ୍ପାନୀ ଏକ ବର୍ଷର Prime Video Mobile ଏଡିସନ ଫ୍ରି ଦେଉଛି । କମ୍ପାନୀ ଏହି ରିଚାର୍ଜ ସହିତ ଡାଟା ଡିଲାଇଟର ମଧ୍ୟ ଅପସନ ଦେଉଛି । କମ୍ପାନୀ ୱିକେଣ୍ଡ ଡାଟା ରୋଲଓଭରର ମଧ୍ୟ ବେନିଫିଟ୍ସ ଦେଉଛି । ଏହାର ସାହାଯ୍ୟରେ ଆପଣ ସପ୍ତାହରେ ବଞ୍ଚିତ ହୋଇଥିବା ଡାଟାକୁ ମଧ୍ୟ ବ୍ୟବହାର କରିପାରିବେ ।
କମ୍ପାନୀ ‘ବିଞ୍ଜ ଅଲ୍ ନାଇଟ’ର ମଧ୍ୟ ଅଫର ଦେଉଛି । ଯାହା ଆପଣଙ୍କୁ ରାତି ୧୨ ରୁ ସକାଳ ୬ ପର୍ଯ୍ୟନ୍ତ ଡାଟା ଅଫର କରୁଛି । ଏହି ସମସ୍ତ ବେନିଫିଟ ଆପଣଙ୍କୁ ଗୋଟିଏ ପ୍ଲାନରେ ମିଳିବ । ଏହା ବ୍ୟତୀତ କମ୍ପାନୀ ଏକ ବର୍ଷର ଭ୍ୟାଲିଡିଟୀ ଯୁକ୍ତ ଅନ୍ୟ ଏକ ପ୍ଲାନ ଅଫର କରୁଛି । ଯାହାକି ୟୁଜର୍ସଙ୍କୁ ଏକ ବର୍ଷ ପର୍ଯ୍ୟନ୍ତ ଡିଜନୀ+ହଟଷ୍ଟାର ଏବଂ ୫୦ଜିବି ଏକ୍ସଟ୍ରା ଡାଟା ମିଳିବ । ଏହି ପ୍ଲାନର ମୂଲ୍ୟ ୩୦୯୯ ଟଙ୍କା । ଯେଉଁଥିରେ ଆପଣଙ୍କୁ ୩୬୫ ଦିନ ପାଇଁ ଅନଲିମିଟେଡ କଲିଙ୍ଗ, ଡେଲି ୨ଜିବି ଡାଟା ଏବଂ ଡେଲି ୧୦୦ଟି ଏସଏମଏସର ବେନିଫିଟ ମିଳିବ ।
