(Video): ସୀମା ଟପିଲେ କଂଗ୍ରେସ ସାଂସଦ, ପ୍ରଚାର ସମୟରେ ବୃଦ୍ଧଙ୍କୁ ମାରିଲେ ଗୋଇଠା
ଚଣ୍ଡିଗଡ଼: ପାଖେଇ ଆସୁଛି ହରିୟାଣା ବିଧାନସଭା ନିର୍ବାଚନ । ଏଥିପାଇଁ ବିଭିନ୍ନ ରାଜନୈତିକ ଦଳ ପକ୍ଷରୁ ଜୋରସୋର ପ୍ରସ୍ତୁତି ଚାଲିଛି । ମହିଳାଙ୍କ ବିରୋଧରେ ଭୁଲ ଟିପ୍ପଣୀ ଦେବା ମାମଲାରେ ଛନ୍ଦି ହୋଇଥିବା କଂଗ୍ରେସ ସାଂସଦ ଜୟ ପ୍ରକାଶ ପୁଣି ଏକ ନୂତନ ବିବାଦ ମଧ୍ୟରେ ଘେରି ହୋଇଛନ୍ତି । ନିର୍ବାଚନ ପ୍ରଚାର ସମୟରେ ଜଣେ ବୃଦ୍ଧଙ୍କ ପ୍ରତି ଅସଦାଚରଣ କରିଥିବା ଭିଡ଼ିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଶୁକ୍ରବାର ଚୀକା ସ୍ଥିତ ନୂତନ ଶସ୍ୟ ମଣ୍ଡିରେ କ୍ଷମତା ପରିବର୍ତ୍ତନ ରାଲି ଆୟୋଜନ କରାଯାଇଥିଲା । ଏଥିରେ ସାଂସଦ ଦୀପେନ୍ଦ୍ର ହୁଡା, ଗୁହଲାରୁ କଂଗ୍ରେସ ପ୍ରାର୍ଥୀ ଦେବେନ୍ଦ୍ର ହଂସଙ୍କ ସମର୍ଥନରେ ଭୋଟ୍ ଅପିଲ କରିବା ପାଇଁ ରାଲିରେ ପହଂଚିଥିଲେ । ଏହି ରାଲିରେ କଂଗ୍ରେସ ସାଂସଦ ଜୟ ପ୍ରକାଶ ମଧ୍ୟ ଉପସ୍ଥିତି ଥିଲେ । ଷ୍ଟେଜ୍ ଉପରେ ଛିଡ଼ା ହୋଇ ସାଧାରଣ ଜନତାଙ୍କୁ ସମ୍ବୋଧିତ କରିବା ସମୟରେ ଭିଡ଼ ଦେଖିବାକୁ ମିଳିଥିଲା । ଏଥିରୁ ବିରକ୍ତ ହୋଇ ସେ ପାଖରେ ଛିଡ଼ା ହୋଇଥିବା ଜଣେ ବୃଦ୍ଧଙ୍କୁ ଗୋଇଠା ମାରିଥିଲେ । ତେବେ ସୋସିଆଲ ମିଡିଆରେ ଭାଇରାଲ ହେଉଥିବା ସାଂସଦଙ୍କ ଏହି ଭିଡିଓକୁ ସମସ୍ତ ମହଲରୁ ନିନ୍ଦା କରାଯାଉଛି । ସାଂସଦ ଉକ୍ତ ବୃଦ୍ଧଙ୍କ ଠାରୁ କ୍ଷମାପ୍ରାର୍ଥନା କରିବା ନେଇ ସାଧାରଣରେ ଦାବି ହେଉଛି । ତେବେ ଏନେଇ ସାଂସଦଙ୍କ ପକ୍ଷରୁ ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ସାମ୍ନାକୁ ଆସି ନାହିଁ ।
बहन बेटियों को गाली दे रहे हैं, बुजर्गों को लात मार रहे हैं। इनका अहंकार चरम पर है।
कलायत के लोगों से अपील है कि ऐसे लोगों के परिवारवाद और अहंकार को इस बार खत्म करें। pic.twitter.com/nFk208uQsY
— Anurag Dhanda (@anuragdhanda) September 21, 2024
