(Video): ଶ୍ରୀ କଳକୀ ଧାମ୍ ଶିଳାନ୍ୟାସ ଉତ୍ସବ, ଆଚାର୍ଯ୍ୟ ପ୍ରମୋଦ କୃଷ୍ଣମଙ୍କ ପ୍ରଶଂସାରେ ଏମତି କିଛି କହିଲେ ପ୍ରଧାନମନ୍ତ୍ରୀ
ଲକ୍ଷ୍ନୌ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଉତ୍ତରପ୍ରଦେଶର ସମ୍ଭଳ ଜିଲ୍ଲାରେ ଏଚୋଡ଼ା କମ୍ବୋହ ସ୍ଥିତ ଶ୍ରୀ କଳକୀ ଧାମ୍ ମନ୍ଦିରର ଶିଳାନ୍ୟାସ କରିଛନ୍ତି । ଲୋକସଭା ନିର୍ବାଚନ ପୂର୍ବରୁ ଅଯୋଧ୍ୟାରେ ରାମ ମନ୍ଦିର ପରେ କଳକୀ ଧାମ୍ ହେଉଛି ଦ୍ୱିତୀୟ ଆଧ୍ୟାତ୍ମକ ସ୍ଥଳ । ଏହି ଅବସରରେ ପ୍ରଧାନମନ୍ତ୍ରୀ ଦେଶବାସୀଙ୍କୁ ସମ୍ବୋଧିତ କରିବା ସହ ପୂର୍ବ କଂଗ୍ରେସ ନେତା ଆଚାର୍ଯ୍ୟ ପ୍ରମୋଦ କୃଷ୍ଣମଙ୍କ ପ୍ରଶଂସା କରିଥିଲେ ।
ଉତ୍ତରପ୍ରଦେଶର ସମ୍ଭଳ ଜିଲ୍ଲାରେ ଶ୍ରୀ କଳକୀ ଧାମ୍ ମନ୍ଦିରର ଶିଳାନ୍ୟାସ ଅବସରରେ ପ୍ରଧାନମନ୍ତ୍ରୀ ଦେଶବାସୀଙ୍କୁ ସମ୍ବୋଧିତ କରି କହିଥିଲେ, ‘ଭକ୍ତି ଏବଂ ଆଧ୍ୟାତ୍ମିକତାର ଆଉ ଏକ ସ୍ରୋତ ପ୍ରବାହିତ ହେବାକୁ ଯାଉଛି । ଆଜି ଭବ୍ୟ କଳକୀ ଧାମର ଭିତ୍ତିପ୍ରସ୍ତର ସ୍ଥାପନ କରିବାର ସୌଭାଗ୍ୟ ମୋତେ ମିଳିଛି । ଏହା ଭାରତୀୟ ଆସ୍ଥାର ଆଉ ଏକ ବିରାଟ କେନ୍ଦ୍ର ଭାବରେ ଉଭା ହେବ । ଏଥିପାଇଁ ସମସ୍ତ ଦେଶବାସୀ ଓ ବିଶ୍ୱର ସମସ୍ତ ଶ୍ରଦ୍ଧାଳୁମାନଙ୍କୁ ଶୁଭକାମନା ଜଣାଉଛି ।’ ଅପରପକ୍ଷରେ ପ୍ରଧାନମନ୍ତ୍ରୀ ମୋଦୀ ଆଚାର୍ଯ୍ୟ ପ୍ରମୋଦ କୃଷ୍ଣମଙ୍କ ପ୍ରଶଂସା କରି କହିଥିଲେ, ‘ମୁଁ ପ୍ରମୋଦ କୃଷ୍ଣମଙ୍କୁ ଜଣେ ରାଜନୈତିକ ବ୍ୟକ୍ତିତ୍ୱ ଭାବରେ ଦୂରରୁ ଜାଣିଥିଲି । କିନ୍ତୁ କିଛି ଦିନ ପୂର୍ବରୁ ତାଙ୍କୁ ଭେଟିବା ପରେ ଜାଣଇବାକୁ ପାଇଲି ଯେ ସେ ଧାର୍ମିକ ଏବଂ ଆଧ୍ୟାତ୍ମିକ କାର୍ଯ୍ୟରେ କେତେ ପରିଶ୍ରମ କରୁଛନ୍ତି । ଏହା ପୂର୍ବରୁ କଳକୀ ମନ୍ଦିର ପାଇଁ ପୂର୍ବ ସରକାରଙ୍କୁ ଅନେକ ଥର କୋର୍ଟ ଦୌଡ଼ିବାକୁ ପଡ଼ିଥିଲା । ଆଜି ଆମ ସରକାର ନିଶ୍ଚିନ୍ତ ହୋଇ ଏହି କାର୍ଯ୍ୟ ଆରମ୍ଭ କରିପାରିଛି ।’
ଏହା ସହ ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ସମସ୍ତଙ୍କ ପାଖରେ କିଛି ନା କିଛି ଦେବା ପାଇଁ ଥାଏ କିନ୍ତୁ ମୋ ପାଖରେ କିଛି ନାହିଁ । ମୁଁ କେବଳ ମୋ ଭାବନା ବ୍ୟକ୍ତ କରିପାରିବି । ଭଲ ହୋଇଛି ମୁଁ କିଛି ଦେଇ ନାହିଁ ନଚେତ୍ ଆଜିକାଲି ଯୁଗ ଏପରି ବଦଳିଯାଇଛି ଯେ ସୁଦାମା ଶ୍ରୀ କୃଷ୍ଣଙ୍କୁ ଚାଉଳ ପୁଟୁଳି ଦେଲେ ବି ଭିଡ଼ିଓ ସାମ୍ନାକୁ ଆସିଥାନ୍ତା । ଏହା ସହ ସୁପ୍ରିମକୋର୍ଟରେ ଏକ PIL ଦାଖଲ ହୋଇଥାନ୍ତା ଏବଂ ଏହି ଫଇସଲା ଆସିଥାନ୍ତା ଯେ ଭଗବାନ ଶ୍ରୀ କୃଷ୍ଣଙ୍କୁ ଭ୍ରଷ୍ଟାଚାରରେ କିଛି ଦିଆଯାଇଛି ଏବଂ ଭଗବାନ କୃଷ୍ଣ ଭ୍ରଷ୍ଟାଚାର କରୁଥିଲେ ।
#WATCH प्रधानमंत्री नरेंद्र मोदी ने कहा, "…मैं प्रमोद कृष्णम को एक राजनैतिक व्यक्ति के रूप में दूर से जानता था लेकिन जब कुछ दिन पहले उनसे मुलाकात हुई तो पता चला कि वे ऐसे धार्मिक-अध्यात्मिक कार्यों में कितनी मेहनत से लगे रहते हैं। कल्कि मंदिर के लिए इन्हें पहले की सरकारों के… pic.twitter.com/h1caTnwJEy
— ANI_HindiNews (@AHindinews) February 19, 2024
