ଲୋକସଭାରେ ୱକଫ୍ ବିଲ ପାସ୍, ସପକ୍ଷରେ ୨୮୮ ବିପକ୍ଷରେ ୨୩୨ ଦେଲେ ମତ

ନୂଆଦିଲ୍ଲୀ: ଲୋକସଭାରେ ବହୁ ଚର୍ଚ୍ଚିତ ୱକଫ୍ (ସଂସୋଧନ) ବିଲ୍ ବୁଧବାର ପାରିତ ହୋଇଛି । ଦୀର୍ଘ ୧୨ ଘଣ୍ଟାର ଆଲୋଚନା ପରେ ଲୋକସଭାରେ ୱକଫ୍ ବିଲରେ ମୋହର ଲାଗିଛି । ସମ୍ବିଧାନ ଏବଂ ମୁସଲମାନଙ୍କ ଅଧିକାର ଉପରେ ଜବର ଦଖଲ କରିଥିବା ବିରୋଧୀଙ୍କୁ କାଉଣ୍ଟର କରିଥିଲେ କେନ୍ଦ୍ର ସରକାର ।

ବିଲକୁ ୨୮୮ ଜଣଙ୍କ ମଞ୍ଜୁରୀ ମିଳିଥିବାବେଳେ ୨୩୨ ଜଣ ଏହାକୁ ବିରୋଧ କରିଥିଲେ । ବିଲ ପାରିତ ହେବା ପରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ବିଲକୁ ସପୋର୍ଟ କରିଥିବା ସାଂସଦମାନଙ୍କୁ ଶୁଭେଚ୍ଛା ଓ କୃତଜ୍ଞତା ଜଣାଇଥିଲେ ।

ଗୁରୁବାର ରାଜ୍ୟ ସଭାରେ ମଧ୍ୟ ବିଲକୁ ମଞ୍ଜୁରୀ ମିଳିବା ନେଇ ଦଳ ଆଶାବାଦୀ ଥିବା ଜଣାପଡ଼ିଛି । ନାଗରିକତ୍ୱ ସଂଶୋଧନ ଆଇନ ଲାଗୁ କରିବାଠାରୁ ଆରମ୍ଭ କରି ମୁସଲମାନ ବିରୋଧୀ ଭାବେ ବିରୋଧୀ ସମାଲୋଚିତ ହେବା, ତିନି-ତଲାକ ଆଇନକୁ ଉଚ୍ଛେଦ କରିବା, ଉତ୍ତରାଖଣ୍ଡରେ ୟୁନିଫର୍ମ ସିଭିଲ୍ କୋଡ୍ ଲାଗୁ କରିବା ପର୍ଯ୍ୟନ୍ତ ଭାଜପା ଶାସନ କାଳରେ ବହୁ ଧାରା ସଂଶୋଧିକ ହେବା ସହ ଆଇନ ବଦଳିଛି ।

ଏହି କାରଣ ପାଇଁ ଅନେକ ସ୍ଥାନରେ ବିଜେପିର ସିଟ୍ କମିଛି ହେଲେ ଦଳୀୟ ମେଣ୍ଟ କରି ବିଜେପି ପୁଣି ଶାସନ କ୍ଷମତାକୁ ଆସିବାରେ ସଫଳ ହୋଇଥିବା ଅମିତ ଶାହା କହିଛନ୍ତି ।

ଲୋକସଭାରେ ୱକଫ୍ ବିଲ୍ ସଂଶୋଧନ ନେଇ କେନ୍ଦ୍ର ସରକାରଙ୍କ ଉପରେ ବର୍ଷିଥିଲେ ବିରୋଧୀ ଦଳ ଉପସଭାପତି ଗୌରବ ଗୋଗୋଇ, ସେ କହିଥିଲେ ୱକଫ୍ ବିଲ୍ ସଂଶୋଧନ ପ୍ରସ୍ଥାବ ସମ୍ବିଧାନର ଆଧାର ଉପରେ ଆକ୍ରମଣ ସଦୃଶ । ଅଳ୍ପସଂଖ୍ୟକଙ୍କ ସଂହାର କରି ସମାଜକୁ ଭାଗ ଭାଗ କରିବାକୁ ଚାହୁଛନ୍ତି କେନ୍ଦ୍ର ସରକାର । ଗୋଗୋଇଙ୍କ ମନ୍ତବ୍ୟକୁ କେନ୍ଦ୍ରମନ୍ତ୍ରୀ କିରେନ ରିଜିଜୁ ଖଣ୍ଡନ କରିଥିଲେ ।

ରିଜିଜୁ କହିଥିଲେ, ପ୍ରସ୍ତାବିତ ଆଇନ୍ ଧାର୍ମିକ ମାମାଲରେ ସାମ୍ବିଧାନିକ ଭାବେ ସ୍ୱତନ୍ତ୍ରତାରେ ହସ୍ତକ୍ଷେପ । ଧର୍ମ ସହିତ ବିଲର କୌଣସି ସମ୍ବନ୍ଧ ନାହିଁ, ଏହା କେବଳ ସମ୍ପତି ଉପରେ ପର୍ଯ୍ୟବସିତ । ପୂର୍ବ ସରକାର ୱକଫ୍ ବିଲ୍କୁ ଅତିଶୟ ରଞ୍ଜିତ କରିଥିଲା । ଯେଉଁଥିରେ ସଂଶୋଧନର ଆବଶ୍ୟକତା ନିହାତି ଭାବେ ଆବଶ୍ୟକ ।

ସମାଜବାଦୀ ପାର୍ଟି ଅଖିଳେଶ ଯାଦବ ୱକଫ୍ ବିଲକୁ ବିରୋଧ କରି କହିଥିଲେ, ବିଲରେ ସଂଶୋଧନ ବିଶ୍ୱକୁ ଏକ ଖରାପ ବାର୍ତ୍ତା ଦେବ । ଦେଶର ଚିତ୍ର ଧୂଳିତ ହେବ । ଏହି ବିଲ୍ ବିଜେପିର ପରାଜୟ, କିଛି ମେଣ୍ଟ ଦଳ ହୁଏତ ବିଲ ସଂଶୋଧନକୁ ସମର୍ଥନ କରୁଛନ୍ତି, କିନ୍ତୁ ମେସାନେ ଭିତରେ ଖୁସି ନାହାନ୍ତି ।

ରାଜନୈତିକ ଲିଡରଙ୍କ ବିରୋଧ ପରେ ଗୃହମନ୍ତ୍ରୀ ୱକଫ୍ ବିଲ୍ ସଂଶୋଧନ ନେଇ ନିଜର ବିବୃତି ଲୋକସଭାରେ ରଖିଥିଲେ ।

ବହୁ ବିରୋଧ ପରେ ପୂର୍ବତନ କେନ୍ଦ୍ରମନ୍ତ୍ରୀ ରବି ଶଙ୍କର ପ୍ରସାଦ କହିଥିଲେ, କଂଗ୍ରେସ ଲଘୁ ସମ୍ପ୍ରଦାୟଙ୍କ ପାଇଁ କୌଣସି ବିକାଶ ମୂଳକ କାର୍ଯ୍ୟ କରିନାହିଁ । ସେ କେବଳ ସେମାନଙ୍କୁ ଠକି ଆସିଛି । ଯେତେବେଳେ ସୁପ୍ରିମକୋର୍ଟ ଶାହା ବାନୋ କେସରେ ତାଙ୍କ ସପୋର୍ଟ କରିଥିଲେ, ସେ ସମୟରେ ରାଜୀବଗାନ୍ଧୀ ସରକାର ଭୋଟବ୍ୟାଙ୍କ ପରିଟିକ୍ସ କରିଥିଲା । ସେତେବେଳେ କଂଗ୍ରେସ ୪୦୦ ସିଟ୍ ଜିତିଥିଲା କିନ୍ତୁ ସେ ମାମଲା ପରଠାରୁ କଂଗ୍ରେସ କେବେ ସତ୍ତାକୁ ଫେରିପାରି ନାହିଁ ବୋଲି ରବି ପ୍ରସାଦ କହିଥିଲେ ।