(Video) ‘We Love Modi’ ନାରାରେ କମ୍ପିଲା ଜାକର୍ତ୍ତା ସହର: ପ୍ରଧାନମନ୍ତ୍ରୀଙ୍କୁ ଦେଖିବାକୁ ଇଣ୍ଡୋନେସିଆ ନାଗରିକଙ୍କର ପ୍ରବଳ ଭିଡ଼
ନୂଆଦିଲ୍ଲୀ: ୨୦ତମ ଆସିଆନ- ଭାରତ ଶିଖର ସମ୍ମିଳନୀ ଓ ୧୮ତମ ପୂର୍ବ ଏସିଆ ଶିଖର ସମ୍ମିଳନୀରେ ଅଂଶଗ୍ରହଣ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇଣ୍ଡୋନେସିଆର ଜାକର୍ତ୍ତା ଗସ୍ତ କରିଛନ୍ତି । ସେଠାରେ ପହଞ୍ଚିବା ପରେ ମୋଦୀଙ୍କୁ ଭବ୍ୟ ସ୍ୱାଗତ କରାଯାଇଥିଲା । ଛୋଟ ପିଲାଙ୍କଠାରୁ ଆରମ୍ଭ କରି ବୃଦ୍ଧଙ୍କ ପର୍ଯ୍ୟନ୍ତ ସମସ୍ତେ ମୋଦୀଙ୍କୁ ଦେଖିବାକୁ ଭିଡ଼ ଜମାଇଥିଲେ । ଏହି ଅବସରରେ ବିମାନ ବନ୍ଦରରେ ‘ଆଇ ଲଭ୍ ମୋଦୀ’, ‘ଭାରତ ମାତା କୀ ଜୟ’ ନାରାରେ ସାରା ସହର ପ୍ରକମ୍ପିତ ହୋଇ ଉଠିଥିଲା ।
ମୋଦୀଙ୍କୁ ସ୍ୱାଗତ କରିବା ପାଇଁ ଲୋକମାନେ ପାରମ୍ପରିକ ବେଶରେ ସଜ୍ଜିତ ହୋଇ ଯାଇଥିଲେ । ଏହି ଅବସରରେ ମୋଦୀ ପ୍ରବାସୀ ଭାରତୀୟଙ୍କ ସହ ସାକ୍ଷାତ କରିବା ସହ ଅଭିବାଦନ ଜଣାଇଥିଲେ । ପିଏମ୍ ମୋଦୀ ଇଣ୍ଡୋନେସିଆ ଗସ୍ତ ସେମାନଙ୍କୁ ବହୁତ ଖୁସି ଦେଇଥିବା ଲୋକମାନେ କହିଥିଲେ । ଏହାପରେ ମୋଦୀ ଜାକର୍ତ୍ତାର ଏକ ହୋଟେଲରେ ପହଞ୍ଚିଥିଲେ । ସେଠାରେ ଭାରତୀୟ ଓ ଇଣ୍ଡୋନେସିଆ ସମ୍ପ୍ରଦାୟର ଲୋକମାନେ ସାଂସ୍କୃତିକ ନୃତ୍ୟ ମାନଙ୍କରେ ମୋଦୀଙ୍କର ସ୍ୱାଗତ କରିଥିଲେ ।
ପ୍ରବାସୀ ଭାରତୀୟଙ୍କ ହାତରେ ଗୋଟିଏ ଗୋଟିଏ ତ୍ରିରଙ୍ଗା ପତାକା ଦେଖିବାକୁ ମିଳିଥିଲା । ପ୍ରଧାନମନ୍ତ୍ରୀଙ୍କ ସହିତ ହାତ ମିଳାଇବାକୁ ସମସ୍ତଙ୍କ ମଧ୍ୟରେ ଏକ ଅଦ୍ଭୂତପୂର୍ବ ଉତ୍ସାହ ଦେଖିବାକୁ ମିଳିଥିଲା । ହୋଟେଲରେ ଏକତ୍ର ହୋଇଥିବା ପ୍ରବାସୀ ଭାରତୀୟଙ୍କୁ ମୋଦୀ ଅଭିବାଦନ ଜଣାଇଥିଲେ । ମୋଦୀଙ୍କୁ ଦେଖି ଇଣ୍ଡୋନୋସିଆର ଲୋକଙ୍କ ମଧ୍ୟରେ ମଧ୍ୟ ଉତ୍ସାହ ଦେଖିବାକୁ ମିଳିଥିଲା । ସେମାନେ ଇଣ୍ଡୋନୋସିଆର ନାଗରିକ ହେଲେ ମଧ୍ୟ ଭାରତ ପ୍ରତି ତାଙ୍କର ଭଲ ପାଇବା ରହିଥିବା କହିଥିଲେ । ଏହି ଅବସରରେ ସେମାନେ ‘ୱି ଲଭ୍ ମୋଦୀ’ ନାରା ଦେଇଥିଲେ ।
#WATCH | Prime Minister Narendra Modi met members of the Indian Diaspora, before attending the 20th ASEAN-India Summit and 18th East Asia Summit, earlier today. pic.twitter.com/jzw0jG0cWl
— ANI (@ANI) September 7, 2023
#WATCH | Members of the Indonesian community welcomed Prime Minister Narendra Modi as he arrived at a hotel in Jakarta, earlier today.
"We are here from the Indonesian Community that loves India. We are excited to meet PM Modi and to welcome him to Indonesia," said members of… pic.twitter.com/MTuZMrKzsU
— ANI (@ANI) September 7, 2023
