ଗୃହରେ ଉଠିଲା ଗହମ ପ୍ରସଙ୍ଗ, “ନବୀନ ଚିଠି ଲେଖି ବନ୍ଦ କରିଥିଲେ ଗହମ”!

ଭୁବନେଶ୍ୱର: “ଓଡ଼ିଶା ଚାଉଳ ଖିଆ ରାଜ୍ୟ”। କେନ୍ଦ୍ରକୁ ଲେଖିଥିବା ଚିଠିରେ ଏପରି କିଛି ଲେଖିଥିଲେ ପୂର୍ବତନ ମୁଖ୍ୟମନ୍ତ୍ରୀ ତଥା ତତକାଳୀନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଯେତେବେଳେ ବିଜେଡି ରାଜ୍ୟରେ କ୍ଷମତାରେ ଥିଲା। ସେତେବେଳେ ଗହମ ବନ୍ଦ ହୋଇଥିଲା।

ଆଉ ଗହମ ବଦଳରେ ଚାଉଳ ଦେବାକୁ ତତ୍କାଳୀନ ବିଜେଡି ସରକାର କେନ୍ଦ୍ରକୁ ଜଣାଇଥିଲେ ବୋଲି ଆଜି ଗୃହରେ ସୂଚନା ଦେଇଛନ୍ତି ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର।

ହଁ ଏବେ ଚାଲିଛି ଗୃହରେ ଶୂନ୍ୟକାଳ। ଆଉ ଆଜି ଶୂନ୍ୟକାଳରେ କୃଷ୍ଣଚନ୍ଦ୍ର ପାତ୍ର କହିଛନ୍ତି- ପୂର୍ବ ବିଜେଡି ସରକାର କେନ୍ଦ୍ରକୁ ଏକ ଚିଠି କରିଥିଲେ। ସେଥିରେ ଉଲ୍ଲେଖ କରିଥିଲେଯେ, ଆମର ଚାଉଳ ଖିଆ ରାଜ୍ୟ। ଆମକୁ କେବଳ ଚାଉଳ ଦିଆଯାଉ।

ଆଉ ଗହମ ବନ୍ଦ କରିଦିଆଯାଉ। ସେଥିପାଇଁ କେନ୍ଦ୍ର ଓଡିଶାକୁ ଗହମ ବନ୍ଦ କରିଦେଲା। ଆଉ ବିଜେପି ରାଜ୍ୟରେ କ୍ଷମତାକୁ ଆସିବା ପରେ ଗହମ ଦେବା ପାଇଁ ଖାଦ୍ୟ ମନ୍ତ୍ରୀଙ୍କୁ ଚିଠି କରିଥିଲି। ସେ ଗହମ ଯୋଗେଇ ଦେବେ ବୋଲି କହିଥିଲେ, ଆଉ ଦେଇଥିଲେ ମଧ୍ୟ।

ପ୍ରଥମ ଇନଷ୍ଟଲ ମେଣ୍ଟରେ ଗହମ ଆସିଥିଲା। ହେଲେ ଗହମକୁ ରଖିବାକୁ ଗୋଦାମ ଓ ଗହମକୁ ପରିବହନରେ ସମସ୍ୟା ଦେଖାଗଲା। ଏହି ସମାଧାନ ପାଇଁ ଏବେ କାର୍ଯ୍ୟ ଜାରି ରହିଛି।