କପିଲ ଶର୍ମା ଶୋରେ ପଡିଲା ତାଲା, ଅର୍ଚ୍ଚନାଙ୍କୁ ଛାଡି ଟିମ୍ ର ଅନ୍ୟ ସଦସ୍ୟଙ୍କୁୁ ଧରି କେଉଁଆଡେ ଗଲେ କପିଲ
ମୁମ୍ବାଇ:କପିଲ ଶର୍ମା ଶୋର ଦର୍ଶକଙ୍କ ଲାଗି ଏବେ ଏକ ଖରାପ ଖବର ଆସିଛି । କପିଲ ନିଜ ଶୋରେ ତାଲା ଲଗାଇ ଦେଇଛନ୍ତି । ଗତ ରାତିରେ ସେ ନିଜ ଟିମ୍ ସହ ଆମେରିକା ବାହାରିଛନ୍ତିି । କପିଲ ଏବଂ ତାଙ୍କ ଟିମ୍ ଆମେରିକାର ଅଲଗା ଅଲଗା ସହରରେ ପ୍ରଦର୍ଶନ କରିବେ । ବିମାନ ବନ୍ଦରରୁ ଯେଉଁ ଚିତ୍ର ସାମ୍ନାକୁ ଆସିଛି ସେଥିରେ କପିଲ ଓ ତାଙ୍କ ଟିମ୍ ବେଶ୍ ଉତ୍ସାହିତ ନଜର ଆସୁଛନ୍ତି ।
କପିଲଙ୍କର ନିଜ ଟିମ୍ ସହ ଏକ ଭିଡିଓ ଭାଇରାଲ୍ ହେବାରେ ଲାଗିଛି ଯେଉଁଥିରେ କିକୁ ସାରଦା, ବିକଳ୍ପ ମେହେଟ୍ଟା, ରାଜୀବ ଠାକୁର ପଞ୍ଜାବୀ ଗୀତରେ ଝୁମୁଥିବାର ନଜର ଆସୁଛନ୍ତି । ଆମେରିକା ଯାଉଥିବାରୁ ସମସ୍ତେ ଅତି ଉତ୍ସାହିତ ଅଛନ୍ତି । ସମସ୍ତଙ୍କ ଖୁସି ସେମାନଙ୍କ ଚେହେରାରେ ସ୍ପଷ୍ଟ ନଜର ଆସୁଛି । ବିମାନ ବନ୍ଦରରେ ସମସ୍ତେ ଧମାଲ ମଚାଇଛନ୍ତି । ତେବେ କପିଲଙ୍କ ଟିମ୍ ଏହି ଟୁରକୁ ନେଇ ଯେତିକି ଉତ୍ସାହିତ ଅଛନ୍ତି ତାହାଠାରୁ ଅଧିକ ଉତ୍ସାହିତ ଅଛନ୍ତି ଆମେରିକାରେ ଥିବା କପିଲଙ୍କ ଫ୍ୟାନ୍ ।
ଏହି ଅବସରରେ ଏୟାରପୋର୍ଟରେ କପିଲ ଅଲ୍ ବ୍ଲାକ୍ ଆଉଟଫିଟ୍ ରେ ନଜର ଆସିଛନ୍ତି । ତାଙ୍କୁ ଦେଖିବା ମାତ୍ରେ ଏୟାରପୋର୍ଟରେ ଭିଡ ଜମି ଯାଇଥିଲା ଓ ସମସ୍ତେ କପିଲଙ୍କ ସହ ସେଲଫି ନେବା ଲାଗି ଜମା ହୋଇଯାଇଥିଲେ । ଜୁଲାଇ ୧୫ରେ ନ୍ୟୁଜର୍ସିରେ କପିଲଙ୍କ ଟିମର ଶୋ ରହିଛି । ଗତ ବର୍ଷ ବି କପିଲ ଶୋରୁ ବ୍ରେକ୍ ନେଇ ଟୁରରେ ଯାଇଥିଲେ । ତେବେ କପିଲ ଟିଭି ଦର୍ଶକଙ୍କୁ ନିରାଶ ନ କରିବା ଲାଗି ବ୍ୟାକଅପ୍ ରେ ଶୋ ଶୁଟିଂ କରିଛନ୍ତି । ତେଣୁ ଏବେ ଆପଣମାନେ ଟିଭିରେ କପିଲଙ୍କ ଶୋ ଦେଖିପାରିବେ । କିନ୍ତୁ କପିଲଙ୍କ ଏହି ଟୁରରୁ ଅର୍ଚ୍ଚନା ପୁରଣ ସିଂ ବାଦ ପଡିଛନ୍ତି ।
