ବିଜେପି ଏବଂ ଶିବସେନା ସହ କାହିଁକି ହାତ ମିଳାଇଲେ ? ଅଜିତ ପାୱାରଙ୍କ ବଡ଼ ଖୁଲାସା
ମୁମ୍ବାଇ: ମହାରାଷ୍ଟ୍ରର ଡେପୁଟି ସିଏମ୍ ଅଜିତ ପାୱାର ବିଜେପି ଏବଂ ଶିବସେନା ସହ ହାତ ମିଳାଇବାର କାରଣ ସ୍ପଷ୍ଟ କରିଛନ୍ତି । ଫେବୃଆରୀ ୨୫ ବିଳମ୍ବିତ ରାତିରେ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଏକ ବିବୃତ୍ତି ପ୍ରକାଶ କରି ଲେଖିଛନ୍ତି, ‘ମୁଁ ବିନା କୌଣସି ବୁଝାମଣା କରି ବିଚାରଧାରା ଏବଂ ଉଦ୍ଦେଶ୍ୟ ସହ ବିକାଶ କାର୍ଯ୍ୟକୁ ପୂର୍ଣ୍ଣ କରିବା ଦିଗରେ ମୋର ଭୂମିକା ତୁଲାଇଛି । ଦେଶରେ ପ୍ରଧାନମନ୍ତ୍ରୀ ମୋଦୀ ଏବଂ ଗୃହ ମନ୍ତ୍ରୀ ଅମିତ ଶାହଙ୍କ ନେତୃତ୍ୱରେ ଗୁରୁତ୍ୱପୂର୍ଣ୍ଣ ବିକାଶ କାର୍ଯ୍ୟ ଜାରି ରହିଛି । ସେମାନଙ୍କ ନେତୃତ୍ୱ ଏବଂ ନିଷ୍ପତ୍ତି ନେବା କରିବା ପ୍ରକ୍ରିୟା ଭଳି ଗୁଣ ମୋତେ ପସନ୍ଦ ଆସିଛି । ମୋର ଏବଂ ସେମାନଙ୍କ କାର୍ଯ୍ୟଶୈଳୀ ସମାନ ଅଟେ । ଗୁରୁଜନଙ୍କ ଅନାଦର କରିବା ମୋର କୌଣସି ଉଦ୍ଦେଶ୍ୟ ନାହିଁ ।’
୨୦୨୩ ଜୁଲାଇରେ ଏନସିପିର ୮ ଜଣ ବିଧାୟକଙ୍କ ସହ ମହାରାଷ୍ଟ୍ରର ଏକନାଥ ଶିନ୍ଦେ ସରକାରରେ ସାମିଲ ହୋଇଥିଲେ । ଏହା ପରେ ଶରଦ ପାୱାର ଦଳ ବିଧାନସଭା ବାଚସ୍ପତି ରାହୁଲ ନାର୍ଭେକରଙ୍କୁ ଦଳ ଭାଙ୍ଗିଥିବା ବିଧାୟକଙ୍କୁ ଅଯୋଗ୍ୟ ଘୋଷଣା କରିବା ନେଇ ଦାବି କରିଥିଲେ । ଚଳିତ ବର୍ଷ ଫେବୃଆରୀ ୧୫ରେ ବାଚସ୍ପତି ନିଜ ରାୟରେ ଅଜିତ ଦଳକୁ ପ୍ରକୃତ ଏନସିପି ଭାବେ ଘୋଷଣା କରିଥିଲେ ଏବଂ ତାଙ୍କ ଦଳର ୪୧ ଜଣ ବିଧାୟକଙ୍କୁ ଅଯୋଗ୍ୟ ଘୋଷଣା କରିଥିଲେ । ଏହା ପରେ ଶରଦ ପାୱାର ନିଜ ଦଳର ନୂତନ ନାମ ‘ନ୍ୟାସନାଲିଷ୍ଟ ପାର୍ଟି ଶରଦ ଚନ୍ଦ୍ର ପାୱାର’ ରଖିଥିଲେ । ତାଙ୍କ ଦଳର ଚିହ୍ନ ହେଉଛି ‘ତୁରୀ’ ବଜାଉଥିବା ଲୋକ ।
राष्ट्रवादी काँग्रेस पक्षानं भारतीय जनता पक्ष आणि शिवसेना यांच्यासोबत जाताना वेगळा विचार केला, त्याबाबत अनेक माध्यमांतून विविध प्रकारे आजही चर्चा होत आहे. याविषयीची माझी नेमकी भूमिका राज्यातील सन्माननीय नागरिकांपर्यंत पोहोचावी या उद्देशानं केलेला हा पत्रप्रपंच… pic.twitter.com/3fIlE1DFQU
— Ajit Pawar (@AjitPawarSpeaks) February 25, 2024
