କାହିଁକି କୁକୁରମାନେ ବାଇକ୍ କିମ୍ବା କାର ପଛରେ ଗୋଡ଼ାନ୍ତି? ଜାଣନ୍ତୁ ଏହାକୁ ନେଇ କଣ କହୁଛନ୍ତି ପଶୁ ବିଶେଷଜ୍ଞ
ନୂଆଦିଲ୍ଲୀ:ଏହା କୌଣସି ନୂଆ କଥା ନୁହେଁ। ପ୍ରାୟତଃ ଏହି ଘଟଣା ତୁମ ସହିତ ମଧ୍ୟ ଘଟିଥିବ। ଯେତେବେଳେ ତୁମେ ଆରାମରେ ଗାଡି ଚଳାଉ ଥିବା ଏବଂ ତା’ପରେ ଚାରିପାଖରେ ଥିବା କୁକୁରମାନେ ଜୋରରେ ପାଟି କରିବା ଆରମ୍ଭ କରି ତୁମର ମୋଟରସାଇକେଲ କିମ୍ବା କାର ପଛରେ ଦୌ ଡ଼ିବା ଆରମ୍ଭ କରନ୍ତି। ଅନେକ ଥର ଏହି କାରଣରୁ, ଅନେକ ଲୋକଙ୍କ ସନ୍ତୁଳନ ହରାଇ ବସନ୍ତି ଆଉ ଦୁର୍ଘଟଣା ମଧ୍ୟ ଘଟେ। କିନ୍ତୁ ଆପଣ ଜାଣନ୍ତି କି କୁକୁରମାନେ ଏହା କାହିଁକି କରନ୍ତି? ସାଧାରଣତଃ ମଣିଷ ପ୍ରତି ବିଶ୍ୱସ୍ତ ଏବଂ ବନ୍ଧୁତ୍ୱପୂର୍ଣ୍ଣ ବିବେଚନା କରାଯାଉଥିବା କୁକୁରମାନେ ହଠାତ୍ ଏକ ଗାଡି ଚାଳକଙ୍କ ପାଇଁ କଠୋର ଶତ୍ରୁରେ ପରିଣତ ହୁଅନ୍ତି କିପରି?
ତେବେ ଏହା କୁ ନେଇ କୁକୁର ବିଶେଷଜ୍ଞଙ୍କ ତାଙ୍କ ମତ ପ୍ରକାଶ କରିଛନ୍ତି । ତାଙ୍କ ତଥ୍ୟ ଅନୁଯାୟୀ, କୁକୁରମାନଙ୍କର ଶତ୍ରୁତା ଆପଣଙ୍କ ସହିତ ନୁହେଁ, ବରଂ ଅନ୍ୟ କୁକୁରମାନଙ୍କ ସହିତ, ଯେଉଁମାନେ ଆପଣଙ୍କ କାରର ଟାୟାରରେ ନିଜର ଗନ୍ଧ ଛାଡି ଥାଛନ୍ତି। କୁକୁରମାନଙ୍କର ଗନ୍ଧ ବାରିବାରେ ବହୁତ ଶକ୍ତିଶାଳୀ । ଯେଉଁଥିପାଇଁ ସେମାନେ ତୁରନ୍ତ ଅନ୍ୟ କୁକୁରର ଗନ୍ଧକୁ ଚିହ୍ନନ୍ତି। ବେଳେବେଳେ କୁକୁରମାନେ କାର କିମ୍ବା ଏହାର ଟାୟାରରେ ପରିସ୍ରା କରନ୍ତି। ଏପରି ପରିସ୍ଥିତିରେ, ଯେତେବେଳେ କାରଟି ଏକ କଲୋନୀ କିମ୍ବା ରାସ୍ତା ଦେଇଯାଏ , ସେଠାରେ ଥିବା କୁକୁରମାନେ ଅନ୍ୟ କୁକୁରମାନଙ୍କ ଗନ୍ଧକୁ ଶୁଙ୍ଘି ନିଅନ୍ତି , ଯେଉଁମାନେ କାରର ଟାୟାରରେ ନିଜର ଗନ୍ଧ ଛାଡିଛନ୍ତି । ଯେଉଁଥିପାଇଁ ସେମାନେ କାର ପଛରେ ଭୁକିବା ଆରମ୍ଭ କରନ୍ତି।
ଏହା ସହିତ ଆପଣ ଦେଖିଥିବେ ଯଦି କୌଣସି କଲୋନୀରେ ଏକ ନୂତନ କୁକୁର ଆସେ, ତେବେ ସମଗ୍ର କଲୋନୀର କୁକୁରମାନେ ଏକତ୍ରିତ ହୋଇ ତାଙ୍କୁ ଘଉଡାଇ ଦିଅନ୍ତି। ବାସ୍ତବରେ, କୁକୁରମାନଙ୍କର ନିଜସ୍ୱ ଅଞ୍ଚଳ ଅଛି ।ଯେଉଁଥିରେ ସେମାନେ ଅନ୍ୟ କୌଣସି କୁକୁରକୁ ଆଦୋୖ ଦେଖିବାକୁ ପସନ୍ଦ କରନ୍ତି ନାହିଁ। ସେହିଭଳି, ଯେତେବେଳେ ସେମାନେ କାର୍ କିମ୍ବା ବାଇକ୍ ଟାୟାରରୁ ଅନ୍ୟ କୁକୁରର ଗନ୍ଧ ପାଆନ୍ତି, ସେତେବେଳେ ସେମାନେ ନିଜ ଅଞ୍ଚଳରେ ଏକ ନୂତନ କୁକୁରର ଆଗମନ ଅନୁଭବ କରନ୍ତି। ସେଥିପାଇଁ ସେମାନେ ତୁମ ଉପରେ ଆକ୍ରମଣ କରନ୍ତି।
ତେବେ କୁକୁର ମାନେ ଏଭଳି ଭୁକିବା କିମ୍ବା ଗୋଡ଼େଇବା ଦ୍ୱାରା ଅନେକ ଲୋକ ନର୍ଭସ ହୋଇ କାର୍ କିମ୍ବା ବାଇକ୍ ଶୀଘ୍ର ଚଳାଇବା ଆରମ୍ଭ କରନ୍ତି । ଯେଉଁଥିପାଇଁ କୁକୁରମାନଙ୍କ ସନ୍ଦେହ ଆତ୍ମବିଶ୍ୱାସରେ ପରିଣତ ହୁଏ ଏବଂ ସେମାନେ ଆହୁରି ଆକ୍ରମଣାତ୍ମକ ହୁଅନ୍ତି। ବିଶେଷଜ୍ଞମାନେ କହିଛନ୍ତି ଯେ ଏଭଳି ପରିସ୍ଥିତିରେ ନର୍ଭସ ନହେବା ବୁଦ୍ଧିମାନ ଅଟେ। ଏପରି ସମୟରେ କୁକୁରମାନଙ୍କୁ ନିଶ୍ଚିତ କରିବା ଆବଶ୍ୟକ ଯେ ସେମାନଙ୍କ ପାଇଁ କୌଣସି ବିପଦ ନାହିଁ।
ତେବେ ଏହା ଦ୍ୱାରା ଆପଣ ନିଜକୁ ତାଙ୍କ ଆକ୍ରମଣ ଠାରୁ ଦୁରେଇ ପାରିବେ ନଚେତ ଆପଣ କୁକୁର କାମୁଡ଼ାର ଶିକାର ହେବେ । ବର୍ତ୍ତମାନ ସମୟରେ କୁକୁର ମାନଙ୍କ ଏହି କାର୍ଯ୍ୟକଳାପ ବହୁ ମାତ୍ରାରେ ବଢ଼ିବାରେ ଲାଗିଲାଣି ଯାହା ପାଇଁ ଲୋକ ଏବେ କୁକୁର ଙ୍କୁ ଦେଖିଲା ମାନେ ଭୟ କରୁଛନ୍ତି ।
