(Video) ୧୪ ମିନିଟ ମୃତ ବୋଲି ଘୋଷଣା ପରେ ପୁଣି ଜୀବିତ ହେଇ ଉଠିଲେ ମହିଳା, ବଖାଣିଲେ ସ୍ୱର୍ଗର କଥା
ଆମେ ମରିବା ପରେ ସ୍ୱର୍ଗ ଯିବା କଥା ଭାବୁ କିନ୍ତୁ ଏହା ମଧ୍ୟ ସତ୍ୟ ମରିବା ପରେ ଆପଣଙ୍କୁ ସ୍ଵର୍ଗରେ ସ୍ଥାନ ମିଳିବ ନା ନର୍କରେ ଏହା କେବଳ ଆପଣ ଜାଣିବେ। କିନ୍ତୁ ଥରେ ମୃତ୍ୟ ହେବା ପରେ ପୁଣି ଜୀବିତ ହେବା ଅସମ୍ଭବ । କିନ୍ତୁ ଜଣେ ମହିଳା ସ୍ୱର୍ଗ ବିଷୟରେ ଏକ ବଡ଼ ଦାବି କରିଛନ୍ତି। ସେ କହିଛନ୍ତି ଯେ ସେ ସେଠାକୁ ଯାଇଥିଲେ ଏବଂ ପାଞ୍ଚ ବର୍ଷ ରହି ଆସିଛନ୍ତି। ତଥାପି, ତାଙ୍କ ଦାବିରେ କେତେ ସତ୍ୟ ଅଛି, ଏହା ଉପରେ କିଛି କୁହାଯାଇପାରିବ ନାହିଁ । ମିରରର ରିପୋର୍ଟ ଅନୁଯାୟୀ, ଲିଣ୍ଡା କ୍ରାମର ନାମକ ଏହି ମହିଳା ୧୪ ମିନିଟରୁ ଅଧିକ ସମୟ ଧରି ଚିକିତ୍ସାଳୟରେ ମୃତ ଥିଲେ। ସେ କହିଛନ୍ତି ଯେ ସେ ଏଭରେଷ୍ଟ ପର୍ବତଠାରୁ ୩୦,୦୦୦ ଗୁଣ ବଡ ପର୍ବତ ସୀମା ଦେଖିଛନ୍ତି। କ୍ରାମର ପରବର୍ତ୍ତୀ ଜୀବନ ସହିତ ଜଡିତ ଅନୁଭୂତି ବାଣ୍ଟିଥିଲେ। ମୃତ୍ୟୁ ପରେ ଜୀବନ କଣ ତାହା ସେ ବର୍ଣ୍ଣନା କରିଛନ୍ତି ।
ରିପୋର୍ଟ ଅନୁଯାୟୀ, ଏହା ହେଉଛି ମେ ୬, ୨୦୦୧ ର ଘଟଣା। ସକାଳେ ବାଥରୁମକୁ ଯାଉଥିଲେ ତା’ପରେ ହଠାତ୍ ତାଙ୍କର ମୃତ୍ୟୁ ହେଲା। କ୍ରାମର କହିଛନ୍ତି ଯେ ତାଙ୍କର ଯାତ୍ରା ସେଠାରେ ଅଟକି ନଥିଲା। ଡାକ୍ତରମାନେ ତାଙ୍କୁ ଉଦ୍ଧାର କରୁଥିବାବେଳେ ସେ ସ୍ୱର୍ଗକୁ ଯାଇଥିଲେ। ନିଶ୍ୱାସ ନେବା ପରେ କ୍ରାମର ତାଙ୍କ ଅନୁଭୂତି ବାଣ୍ଟିଥିଲେ । ସେ କହିଥିଲେ ଯେ ସେ ଯେତେବେଳେ ସ୍ୱର୍ଗରେ ରହିଲେ, ସେହି ସମୟ ତାଙ୍କୁ ପାଞ୍ଚ ବର୍ଷ ପରି ଲାଗୁଥିଲା। ଡାକ୍ତରମାନେ ତାଙ୍କ ଶରୀରରେ କାମ କରୁଥିବାବେଳେ କ୍ରାମର ଏହି ସବୁ କଥା ବର୍ଣ୍ଣନା କରିଛନ୍ତି ।
ସୂଚାନମୂତାବକଏକ ୟୁଟ୍ୟୁବ ଚ୍ୟାନେଲକୁ ଦେଇଥିବା ଏକ ସାକ୍ଷାତକାରରେ ସେ ଏହି କଥା ଦାବି କରିଛନ୍ତି। ଏହା ପରେ ସେ ପରବର୍ତ୍ତୀ ଜୀବନକୁ ଦେଖିଲେ। କ୍ରାମର ଏପରି ଅନେକ ଜିନିଷ ବିଷୟରେ ଉଲ୍ଲେଖ କରିଛନ୍ତି, ଯାହା ପୃଥିବୀରେ ନାହିଁ । ସେ କହିଥିଲେ, ‘ମୁଁ ନିଜକୁ ସେହି ଫୁଲ କ୍ଷେତରେ ଠିଆ ହେବାର ଦେଖିଲି। ମୁଁ ମାଉଣ୍ଟ ଏଭରେଷ୍ଟ ଠାରୁ ୩୦,୦୦୦ ଗୁଣ ବଡ ଏକ ପର୍ବତ ସୀମାକୁ ଦେଖୁଥିଲି। ମୁଁ ଯେଉଁଠାରେ ଥିଲି, ଏହା ପଛରେ ଏକ ବିରାଟ ପର୍ବତ ଥିଲା । ମୁଁ ହ୍ରଦ ଦେଖିଲି, ସୁନ୍ଦର ଦୃଶ୍ୟ ଦେଖିପାରିଲି। ‘ ଏହି ସମୟରେ, ସ୍ନାୟୁବିଜ୍ଞାନ ଅନୁସନ୍ଧାନରୁ ଜଣାପଡିଛି ଯେ NDEs (ନିକଟ ମୃତ୍ୟୁ ଅନୁଭୂତି) ହେଉଛି ଏକ ଘଟଣା ଯାହା ‘ଶାରୀରିକ ମଲ୍ଟିସେନ୍ସୋରୀ ଇଣ୍ଟିଗ୍ରେସନ୍’ରେ ବ୍ୟାଘାତ ସୃଷ୍ଟି କରେ ଯାହା କୌଣସି କାରଣରୁ ଜୀବନ ବିପଦରେ ପଡ଼େ। ଲୋକମାନେ ବିଭିନ୍ନ ପ୍ରକାରର ଅନୁଭୂତି ଅନୁଭବ କରିବା ବିଷୟରେ ସୂଚନା ଦେବାବେଳେ କିଛି ସକାରାତ୍ମକ ଏବଂ କିଛି ନକାରାତ୍ମକ କଥା କୁହନ୍ତି । ଏହି ସମୟରେ, ଲୋକମାନେ ସାଧାରଣତଃ ମୃତ ସମ୍ପର୍କୀୟ, ଧାର୍ମିକ ବ୍ୟକ୍ତିବିଶେଷ ଏବଂ ଶରୀର ବାହାରେ ଏକ ଆତ୍ମା ଭାବରେ ଅନୁଭୂତି କରୁଥିବା ରିପୋର୍ଟରେ ପ୍ରକାଶ ଅଛି ।
