ଜିମ୍ ରେ ମହିଳା ଉଠାଇଲେ ୧୮୦ କେଜି ୱେଟ୍, ଅସମ୍ଭାଳ ହୋଇ ଦବିଯିବାରୁ କିଛି ସେକେଣ୍ଡରେ ଚାଲିଗଲା ପ୍ରାଣ; ଭିଡିଓ…
ନୂଆଦିଲ୍ଲୀ: ଏକ ସୁସ୍ଥ ଶରୀର ପାଇଁ କସରତ ନିହାତି ଆବଶ୍ୟକ । ଏପରି ସ୍ଥଳେ ଶରୀରକୁ ଫିଟ୍ ରଖିବା ପାଇଁ ଲୋକାମାନେ ଜିମ୍ ଯାଇଥାନ୍ତି । ହେଲେ ଜିମ୍ ରେ ସାବଧାନତା ଅବଲମ୍ବନ କରିବା ନିହାତି ଜରୁରୀ । ନଚେତ୍ ଜୀବନ ବି ଚାଲି ଯାଇପାରେ । ଆଗରୁ ଅନେକଙ୍କ ସହିତ ଏପରି ହୋଇଥିବା ବେଳେ ଏବେ ଜଣେ ମହିଳା ମଧ୍ୟ ଏହାର ଶିକାର ହୋଇଛନ୍ତି । ଏହାର ଭିଡିଓ ବି ସାମନାକୁ ଆସିଛି ।
ମେକ୍ସିକୋରେ ରହୁଥିବା ଜଣେ ମହିଳା ଜିମ୍ ରେ ୱର୍କଆଉଟ୍ କରିବାକୁ ଯାଇଥିଲେ । ଏହି ସମୟରେ ସେ ଜୋସ୍ ରେ ଆସି ଅଧିକ ଓଜନ ଉଠାଇବାକୁ ଲାଗିଥିଲେ । ଯାହାଫଳରେ କଣ୍ଟ୍ରୋଲ୍ କରି ନପାରି ତାଙ୍କ ଜୀବନ ଚାଲିଯାଇଛି । ୧୮୦ କେଜି ଓଜନର ବାରବେଲ୍ ତଳେ ଦବି ହୋଇ ତାଙ୍କ ପ୍ରାଣବାୟୂ ଉଡ଼ିଯାଇଛି । ଦୁଃଖର ବିଷୟ ହେଉଛି ଏହି ଘଟଣା ତାଙ୍କ ଝିଅ ସାମନାରେ ହୋଇଛି ।
Mum's attempt to lift 180kg barbell the weight of a gorilla ends in tragic deathhttps://t.co/OlsJtI2iHV pic.twitter.com/tq2Q3jId6X
— Daily Star (@dailystar) February 23, 2022
ଡେଲି ଷ୍ଟାର୍ ର ଏକ ରିପୋର୍ଟ ମୁତାବକ, ମହିଳା ଜଣକ ନିଜ ଝିଅ ସହିତ ଜିମ୍ କୁ ଯାଇଥିଲେ । ଜିମ୍ ରେ ସେ ୧୮୦ କେଜି ଓନଜର ବାରବେଲ୍ ଉଠାଇବାକୁ ପ୍ରୟାସ କରିଥିଲେ । ହେଲେ ନିୟନ୍ତ୍ରଣ ବାହାରେ ହେବାରୁ ବାରବେଲ୍ ତଳେ ଦବି ହୋଇଯାଇଥିଲେ । ବାରବେଲ୍ ଟି ସିଧା ତାଙ୍କ ତଣ୍ଟି ଉପରେ ଆସି ପଡିଯାଇଥିଲା । ଫଳରେ ମାତ୍ର କିଛି ସେକେଣ୍ଡରେ ତାଙ୍କ ମୃତ୍ୟୁ ହୋଇଯାଇଥିଲା ।
