ଇତିହାସ ରଚିଲା ଭାରତୀୟ ଟିମ୍: ୩୪ ରନ୍ରେ ଅଟକିଲା ହଙ୍ଗକଙ୍ଗ, ମାତ୍ର ୩୨ ବଲ୍ରେ ହାସଲ କଲା ବିଜୟ
ନୂଆଦିଲ୍ଲୀ: ହଙ୍ଗକଙ୍ଗରେ ଖେଳାଯାଉଥିବା ଏସୀୟ ମହିଳା ଏମର୍ଜିଂ କପ୍ ଏକ ମ୍ୟାଚ୍ରେ ଭାରତ ରେକର୍ଡ ବିଜୟ ହାସଲ କରିଛି । ଯେଉଁଥିରେ ଭାରତୀୟ ମହିଳା ଏ ଦଳ ଏକ ଚମତ୍କାର ଢଙ୍ଗରେ ହଂକଂ ମହିଳା କ୍ରିକେଟ୍ ଦଳକୁ ପରାସ୍ତ କରିଛି । ଏହି ମ୍ୟାଚ୍ରେ ହଙ୍ଗକଙ୍ଗ ଟିମ୍ ପ୍ରଥମେ ବ୍ୟାଟିଂ କରି ମାତ୍ର ୩୪ ରନ୍ରେ ଅଲଆଉଟ୍ ହୋଇଯାଇଥିଲା । ଭାରତ ପାଇଁ ଯୁବ ବୋଲର ଶ୍ରେୟଙ୍କା ପାଟିଲ ମାତ୍ର ୨ ଓଭରରେ ପାଭିଲିୟନକୁ ଅଧା ଦଳ ପଠାଇ ଦେଇଥିଲେ ।
ଟିମ୍ ଇଣ୍ଡିଆ ୧୪ ଓଭରରେ ମାତ୍ର ୩୪ ରନ୍ ପାଇଁ ସମଗ୍ର ହଙ୍ଗକଙ୍ଗ ଦଳକୁ ଅଲଆଉଟ୍ କରି ଦେଇଥିଲା । ଟିମ୍ ଇଣ୍ଡିଆର ସ୍ପିନ୍ ବୋଲର ଶ୍ରେୟଙ୍କା ପାଟିଲ ଶ୍ରେଷ୍ଠ ପ୍ରଦର୍ଶନ କରିଥିଲେ । ସେ ୩ ଓଭରରେ ୨ ରନ୍ ଦେଇ ୫ଟି ୱିକେଟ୍ ନେଇଥିଲେ । ଶ୍ରେୟଙ୍କାଙ୍କ ବ୍ୟତୀତ ପାରସ୍ୱୀ ଚୋପ୍ରା ଏବଂ ମନ୍ନତ କାଶ୍ୟପ ୨-୨ ୱିକେଟ୍ ନେଇଥିବାବେଳେ ଟାଇଟାସ ସିଦ୍ଧୁ ତାଙ୍କ ଆକାଉଣ୍ଟରେ ୧ ଟି ସଫଳତା ପାଇଛନ୍ତି ।
3️⃣ Overs
1️⃣ Maiden
2️⃣ Runs
5️⃣ WicketsFor her outstanding bowling display, @shreyanka_patil bagged the Player of the Match award as India 'A' sealed a comprehensive win over Hong Kong 👍 👍
Scorecard ▶️ https://t.co/vG0hagfIBr#WomensEmergingTeamsAsiaCup | #ACC pic.twitter.com/7UTRtO7Tcd
— BCCI Women (@BCCIWomen) June 13, 2023
୩୪ ରନ୍ ବିଜୟ ଲକ୍ଷ୍ୟକୁ ପିଛା କରି ମାତ୍ର ୫.୨ ଓଭରରେ ୧ ୱିକେଟ୍ ହରାଇବା ପରେ ମ୍ୟାଚ୍ ଜିତି ନେଇଥିଲା । ଟିମ୍ ଇଣ୍ଡିଆରୁ ଅଧିନାୟକ ଶ୍ୱେତା ସେହରାୱତ ଏବଂ ୟୁ ଛତ୍ରୀଙ୍କ ଯୋଡି ଖୋଲିବାକୁ ଆସିଥିଲେ । ଏହି ଲୋ ସ୍କୋରିଂ ମ୍ୟାଚ୍ ରେ କ୍ୟାପଟେନ୍ ଶ୍ୱେତା ସେହରାୱତ୍ ଅଧିକ କିଛି କରିପାରି ନଥିଲେ ଏବଂ ମାତ୍ର ୨ ରନ୍ ସ୍କୋର କରିବା ପରେ ପାଭିଲିୟନକୁ ଫେରିଥିଲେ । ୟୁ ଛେଟ୍ରି ୨ ଚୌକା ସହାୟତାରେ ୧୫ ବଲରୁ ଅପରାଜିତ ୧୬ ରନ୍ କରିଥିଲେ । ଅନ୍ୟପକ୍ଷରେ, ତିନି ନମ୍ବରରେ ବ୍ୟାଟିଂ କରିବାକୁ ଆସିଥିବା ଗୋଙ୍ଗାଡି ତ୍ରିଶା ଟିମ୍ ଚାରିଟି ଏବଂ ୧ ଛକା ସହାୟତାରେ ୧୩ ଟି ବଲରେ ଅପରାଜିତ ୧୯ ରନ୍ ଇନିଂସ ଖେଳି ଟିମ୍ ଇଣ୍ଡିଆ ପାଇଁ ମ୍ୟାଚ୍ ବିଜୟ ହାସଲ କରିଥିଲେ ।