ଦୁନିଆର ସବୁଠୁ ଦାମୀ ଚାଉଳ, ବୃଦ୍ଧମାନେ ଖାଇଲେ ରୁହନ୍ତି ଯବାନ ! ମୂଲ୍ୟ ଜାଣି ହେଇଯିବେ ଆଶ୍ଚର୍ଯ୍ୟ

ନୂଆଦିଲ୍ଲୀ :ଚାଉଳ କାହାକୁ ବା ଖାଇବା ପସନ୍ଦ ନୁହେଁ । ସମସ୍ତେ ଭାତ ଖେଇବାକୁ ରୁଚି ରଖନ୍ତି ।ଚାଉଳ ଦ୍ୱାରା ଆମ ଶରୀରକୁ ଶ୍ୱେତସାର ମିଳିଥାଏ । ଯାହା ଆମ ଶରୀର ପାଇଁ ବହୁତ ଉପଯୋଗୀ ହେଇଥାଏ ।  ବର୍ତ୍ତମାନ ପର୍ଯ୍ୟନ୍ତ ଆପଣ ଭାବୁ ଥିବେ ଯେ ଭାରତରେ ଉତ୍ପାଦିତ ବାସୁମତି ଚାଉଳ ସବୁଠାରୁ ମହଙ୍ଗା ଚାଉଳ ମଧ୍ୟରେ ଗଣାଯାଏ। କିନ୍ତୁ ଦୁନିଆରେ ଏପରି ଏକ ଦେଶ ଅଛି ଯେଉଁଠାରେ ଗ୍ରୀଷ୍ମ ଏବଂ ମରୁଭୂମି ଅଞ୍ଚଳରେ ଚାଉଳ ଚାଷ କରାଯାଏ।  ଏପରି ଦେଶରେ ଚାଉଳ ଉତ୍ପାଦିତ ହେବ କଥା ଆପଣ ଶୁଣିଲେ ଆଶ୍ଚର୍ଯ୍ୟ ହେବେ।

ଏହାର ମୂଲ୍ୟ ବିଷୟରେ କହିବାକୁ ଗଲେ, ଏହି ଚାଉଳ କିଲୋଗ୍ରାମରେ ୫୦ ସାଉଦି ରିୟାଲ୍ । ଯଦି ଏହାକୁ ଭାରତୀୟ ଟଙ୍କା ରେ ପରିଣତ କରାଯାଏ, ତେବେ ଏହାର ମୂଲ୍ୟ ୧୦୦୦ ରୁ ୧୧୦୦ ଟଙ୍କା ମଧ୍ୟରେ ଆସିବ। ଅବଶ୍ୟ, କିଛି ହାସାଭି ଚାଉଳ ମଧ୍ୟମ ଗୁଣର, ଯାହାକୁ ଲୋକମାନେ ୩୦-୪୦ ରିୟାଲ୍ (ପ୍ରାୟ ୮୦୦ ଟଙ୍କା) ରେ କିଣନ୍ତି ।

ତେବେ ଏହି ଚାଉଳକୁ ଗ୍ରୀଷ୍ମ ଋତୁରେ ରୋପଣ କରାଯାଏ ଏବଂ ତା’ପରେ ନଭେମ୍ବର-ଡିସେମ୍ବରରେ ଏହାର ଫସଲ ଅମଳ କରାଯାଏ । ଏହି ଚାଉଳର ରଙ୍ଗ ଲାଲ ଏବଂ ଲୋକମାନେ ଏହାକୁ ନାଲି ଚାଉଳ ମଧ୍ୟ ବୋଲି କୁହନ୍ତି। ଏହା ଆରବରେ ବିରିୟାନି ତିଆରିରେ ମଧ୍ୟ ବ୍ୟବହୃତ ହୁଏ।

କୁହାଯାଏ ଯେ ଯଦି ବୃଦ୍ଧ ମାନେ ଏହି ଚାଉଳ ଖାଆନ୍ତି, ତେବେ ସେମାନେ ଯୁବକ ପରି ଅନୁଭବ କରନ୍ତି। ଯଦି ଆମେ ଏହାର ଜଳସେଚନ ବିଷୟରେ କହିବା, ତେବେ ସପ୍ତାହରେ ପାଞ୍ଚ ଦିନ ଜଳ ଆବଶ୍ୟକ। ଏହି ଚାଉଳର ଅମଳ ଭାରତୀୟ କୃଷି ସହିତ ସମାନ, କିନ୍ତୁ ଏଥିପାଇଁ ବହୁ ପରିଶ୍ରମ ଏବଂ ଯତ୍ନ ଆବଶ୍ୟକ ।

ସୂଚନାମୁତାବକ ଏହି ଚାଉଳକୁ ହାସାୱି ଚାଉଳ କୁହାଯାଏ। ଏହା ୪୮ ଡିଗ୍ରୀ ସେଲସିୟସରେ ଉତ୍ପାଦିତ ହୁଏ ଏବଂ ଏହାର ଚେର ସବୁବେଳେ ପାଣିରେ ବୁଡିବା ଉଚିତ୍ ।ସାଉଦି ଆରବରେ ଏହା ଚାଷ କରାଯାଏ ଏବଂ ଏଠାରେ ଥିବା ଶେଖ ଲୋକମାନେ ଏହି ଚାଉଳକୁ ବହୁତ ପସନ୍ଦ କରନ୍ତି । ମରୁଭୂମିରେ ବଢୁଥିବା ଏହି ଚାଉଳ ଅତ୍ୟନ୍ତ ସ୍ୱାଦିଷ୍ଟ ଏବଂ ପୁଷ୍ଟିକର ଖାଦ୍ୟରେ ପରିପୂର୍ଣ୍ଣ ବୋଲି ଦାବି କରାଯାଇଛି। ସମଗ୍ର ବିଶ୍ୱରେ ଧନୀ ଲୋକମାନେ ଏହି ଚାଉଳକୁ ବହୁତ ଆଗ୍ରହରେ ଖାଆନ୍ତି । ଏହି ଚାଉଳ ମରୁଭୂମି ମାଟିରେ ଏବଂ ପ୍ରବଳ ଉତ୍ତାପରେ ପ୍ରସ୍ତୁତ ।