Breaking: ଦାଉ ସାଜିଲାଣି ଫସଲ କ୍ଷୟକ୍ଷତି… ପ୍ରାଣ ହରାଇଲେ ଆଉ ଦୁଇ ଚାଷୀ
ରଣପୁର: ନୟାଗଡ଼ ଜିଲ୍ଲା ରଣପୁର ବ୍ଲକରେ ଏକାଥରକେ ୨ ଜଣ ଚାଷୀଙ୍କ ମୃତ୍ୟୁ ଘଟିଛି । ବଳଭଦ୍ରପୁର ପଞ୍ଚାୟତ ବାସୁଦିଆ ଗାଁର ୨ ଚାଷୀଙ୍କ ମୃତ୍ୟୁ ଘଟିଛି ।
ମୃତ କୁଷକଙ୍କ ମଧ୍ୟରୁ ଜଣଙ୍କର ହୃଦଘାତରେ ମୃତ୍ୟୁ ହୋଇଥିବାବେଳେ ଅନ୍ୟ ଜଣଙ୍କର ବ୍ରେନ୍ ଷ୍ଟ୍ରୋକରେ ମୃତ୍ୟୁ ହୋଇଥିବା ଜଣାପଡ଼ିଛି ।
ଫସଲ କ୍ଷତିକୁ ନେଇ ମୃତ କୃଷକ ଦ୍ୱୟ ଚିନ୍ତାରେ ଥିବା କହିଛନ୍ତି, ଉଭୟଙ୍କ ପରିବାର ଲୋକ । ରାଜ୍ୟରେ ବର୍ତ୍ତମାନ ସୁଦ୍ଧା ଏକାଧିକ କୃଷକ ଆତ୍ମହତ୍ୟା କରିସାରିଲେଣି ।
ଅଦିନିଆ ବର୍ଷା କାରଣରୁ କୃଷକଙ୍କୁ ବହୁ କ୍ଷତି ସହିବାକୁ ପଡ଼ିଛି । ବର୍ଷା ପାଇଁ ଧାନ ବିକ୍ରି ହୋଇପାରି ନଥିବାବେଳେ ଧାନ କଟା ମଧ୍ୟ ହୋଇ ନଥିଲା । ଯେଉଁ କାରଣରୁ କୃଷକଙ୍କୁ ବହୁ କ୍ଷତି ସହିବାକୁ ପଡ଼ିଛି । ଯାହାକୁ ନେଇ ରାଜ୍ୟର ଚାଷୀ ଏବେ ଚିନ୍ତାରେ ।
ଅନ୍ୟପଟେ କୃଷକମାନଙ୍କୁ ଫସଲ କ୍ଷତି ଜନିତ ସହାୟତା ରାଶି ପ୍ରଦାନ କରିବା ଲାଗି ସରକାରଙ୍କ ଆକଳନ ସରିଛି । ଖୁବ୍ ଶୀଘ୍ର ଚାଷୀଙ୍କୁ କ୍ଷତିପୂରଣ ବାବଦକୁ ଆର୍ଥିକ ସହାୟତା ପ୍ରଦାନ କରିବେ ବୋଲି ମୁଖ୍ୟମନ୍ତ୍ରୀ ମୋହନ ଚରଣ ମାଝି ପ୍ରତିଶ୍ରୁତି ଦେଇଛନ୍ତି ।