ଆରମ୍ଭ ହେଲା ରଂଗଭାରତୀ

ଭୁବନେଶ୍ୱର(ଓଡ଼ିଶା ଭାସ୍କର):ଆଜି ଉତ୍ତରପୁରୁଷ ଦ୍ୱାରା ଆୟୋଜିତ 21 ଦିନିଆ ନାଟ୍ୟ କର୍ମଶାଳା ରଙ୍ଗଭାରତୀ-14ର ଉଦଘାଟନୀ ଉତ୍ସବ ଅନୁଷ୍ଠିତ ହୋଇଯାଇଛି। ପ୍ରତିବର୍ଷ ପରି ଚଳିତ ବର୍ଷ ଉତ୍ତରପୁରୁଷ 15 ଜଣ ଯୁବ ପ୍ରଶିକ୍ଷୁ ଯୋଗ ଦେଇଛନ୍ତି। 21 ଦିନ ଧରି ଚାଲିବାକୁ ଥିବା ଏହି ନାଟ୍ୟ କର୍ମଶାଳାକୁ ଚର୍ଚ୍ଚିତ ନାଟ୍ୟ ବ୍ୟକ୍ତିତ୍ୱ ଚୌଧୁରୀ ଜୟପ୍ରକାଶ ଦାସ ପରିଚାଳନା କରିବେ। ଆଜିର ଉଦ୍ଘାଟନୀ ଉତ୍ସବରେ ସିନେ ଅଭିନେତା ଦୁଷ୍ମନ୍ତ, ନାଟ୍ୟ ନିର୍ଦ୍ଦେଶକ ପ୍ରସନ୍ନ ମିଶ୍ର, କର୍ମଶାଳା ପରିଚାଳକ ଚୌଧୁରୀ ଜୟପ୍ରକାଶ ଦାସ ଓ ନାଟ୍ୟ ସଂଘର ସଭାପତି ହରେନ ସାହୁ ଯୋଗଦେଇଥିଲେ। ନାଟକ ବ୍ୟକ୍ତିତ୍ୱର ବିକାଶରେ ସହାୟକ ହୁଏ ବୋଲି ଅଭିନେତା ଦୁଷ୍ମନ୍ତ ସାହୁ କହିଥିଲେ।
ଅପରପକ୍ଷରେ ନାଟକ ଭଲ ମଣିଷ ତିଆରି କରିଥାଏ। ନାଟକ ବ୍ୟକ୍ତିର ବହୁ ଆୟମି ପ୍ରତିଭା କୁ ବିକଶିତ କରିଥାଏ ବୋଲି ନାଟ୍ୟ ସଂଘର ସଭାପତି ହରେନ ସାହୁ କହିଥିଲେ। ଉତ୍ତରପୁରୁଷ ଦୀର୍ଘ 50 ବର୍ଷ ଧରି ନାଟକ ପ୍ରଦର୍ଶନ କରିବା ସହିତ ଶହ ଶହ ଅଭିନେତା ସୃଷ୍ଟି କରିଛି। ଉତ୍ତର ପୁରୁଷ ଯଥାର୍ତରେ ଅଭିନେତା ତିଆରି କାରଖାନା ବୋଲି ନିର୍ଦେଶକ ପ୍ରସନ୍ନ ମିଶ୍ର କହିଥିଲେ। ସମ୍ପାଦକ ପ୍ରସନ୍ନ ମିଶ୍ର ସଂସ୍ଥାର ଆଭିମୁଖ୍ୟ ସମ୍ବାଧରେ ଆଲୋକପାତ କରିଥିଲେ। ଯୁଗ୍ମ ସମ୍ପାଦକ ଦେବଦତ୍ତ ପତି ସଭା ପରିଚାଳନା କରିଥିବା ବେଳେ ସଭ୍ୟ ଚକ୍ରଧର ପାତ୍ର ଧନ୍ୟବାଦ ଅର୍ପଣ କରିଥିଲେ।