ଭାରତର ୨୫୪ କୋଟିପତି ବିଦେଶକୁ ସିଫ୍ଟ ହେବା ପାଇଁ ଆପଣାଇଛନ୍ତି ଏହି ଫଣ୍ଡା, ଜାଣନ୍ତୁ କଣ

ନୂଆଦିଲ୍ଲୀ: ଭାରତର କୋଟିପତିମାନେ କିପରି ବିଦେଶ ଯାଇ ସେଠାରେ ସହଜରେ ବସିଗଲେ ଜାଣିଛନ୍ତି କି? ଏକ ଆନ୍ତର୍ଜାତୀୟ ରିପୋର୍ଟ ମାଧ୍ୟମରେ ଏହା ପ୍ରକାଶ ପାଇଛି । ରିପୋର୍ଟରେ ଦର୍ଶାଯାଇଛି ଯେ ଭାରତରେ ପ୍ରାୟ ୨୫୪ କୋଟିପତି ତଥାକଥିତ “ଗୋଲ୍ଡେନ୍ ଭିସା” ସାହାଯ୍ୟରେ ବ୍ରିଟେନକୁ ସ୍ଥାନାନ୍ତର ହୋଇଛନ୍ତି । ସେମାନେ ସେହି ଦେଶରେ ବିପୁଳ ପୁଞ୍ଜି ବିନିଯୋଗ କରିବା ଦର୍ଶାଇ ସ୍ଥାନାନ୍ତର ହୋଇଯାଇଛନ୍ତି । ବାସ୍ତବରେ ବ୍ରିଟେନରେ ଥିବା ଦୁର୍ନୀତି ନିବାରଣ ସଂସ୍ଥା ସୋମବାର ଏକ ନୂଆ ରିପୋର୍ଟ ପ୍ରକାଶ କରିଛି । ଏହି ରିପୋର୍ଟରେ କୁହାଯାଇଛି ଯେ ୨୦୦୮ ରେ ଏହି ମାର୍ଗ ଖୋଲିବା ପରଠାରୁ ଭାରତର ପ୍ରାୟ ୨୫୪ ନିୟୁତ ବ୍ୟକ୍ତି ଦେଶରେ ବୃହତ ପୁଞ୍ଜି ବିନିଯୋଗ ମାଧ୍ୟମରେ ବ୍ରିଟେନରେ ବସବାସ କରିବା ପାଇଁ ଗୋଲ୍ଡେନ୍ ଭିସା ବ୍ୟବହାର କରିଛନ୍ତି ।

ଡର୍ଟି ମନି ପାଇଁ ରେଡ୍ କାର୍ପେଟ୍ ନାମକ ଏକ ରିପୋର୍ଟ ଅନୁଯାୟୀ, ଯଦି ଧନୀ ବ୍ୟକ୍ତିମାନେ ଗୋଲ୍ଡେନ ଭିସା ମାଧ୍ୟମରେ ବ୍ରିଟେନ-ପଞ୍ଜୀକୃତ କମ୍ପାନୀଗୁଡିକରେ ବିନିଯୋଗ କରନ୍ତି, ତେବେ ସେମାନେ ସେହି ଦେଶରେ ରହିବାର ଅଧିକାର ପାଇବେ। ଯଦି ଜଣେ କୋଟିପତି ସେଠାରେ ଥିବା ଏକ କମ୍ପାନୀରେ ୨ ମିଲିୟନ୍ ବିନିଯୋଗ କରନ୍ତି, ତେବେ ସେମାନେ ତିନି ବର୍ଷ ପର୍ୟ୍ୟନ୍ତ ବ୍ରିଟେନରେ ରହିବାର ଅଧିକାର ପାଇବେ ଏବଂ ତା’ପରେ ଦୁଇ ବର୍ଷ ବୃଦ୍ଧି ହୋଇଥାଏ । ରିପୋର୍ଟରେ ଏହା ମଧ୍ୟ କୁହାଯାଇଛି ଯେ, ଯେଉଁମାନେ ୧୦ ମିଲିୟନ୍ ବିନିଯୋଗ କରନ୍ତି ତେବେ ସେମାନେ ଅଧିକ ଲାଭ ମଧ୍ୟ ପାଆନ୍ତି।