ବାଣ କାରଖାନାରେ ଭୟଙ୍କର ବିସ୍ଫୋରଣ, ଚାଲିଗଲା 6ଜଣଙ୍କ ପ୍ରାଣ

ନୂଆଦିଲ୍ଲୀ: ଚେନ୍ନାଇର ବାଣ କାରଖାନାରେ ଭୟଙ୍କର ବିସ୍ଫୋରଣ । ପ୍ରାଣ ହରାଇଲେ 6ଜଣ ଶ୍ରମିକ । ତାମିଲନାଡୁର ବିରୁଧୁନଗରରେ ଥିବା କାରଖାନାରେ ଏହି ବିସ୍ଫୋରଣ ହୋଇଛି ।

ଏହି ବିସ୍ଫୋରଣରେ 6ଜଣଙ୍କ ମୃତ୍ୟୁ ହୋଇଥିବା ବେଳେ ଏକାଧିକ ଆହତ ହୋଇଛନ୍ତି । ତେବେ ବାଣ ବିସ୍ଫୋରଣର ପ୍ରକୃତ କାରଣ ବର୍ତ୍ତମାନ ସୁଦ୍ଧା ସ୍ପଷ୍ଚ ହୋଇପାରି ନାହିଁ ।

ବାଣ ତିଆରି କରିବା ବେଳେ କେମିକାଲ ବ୍ୟବହୃତ କାରଣରୁ ଏହି ବ୍ଲାଷ୍ଟ ହୋଇଥାଇ ପାରେ ବୋଲି ଆଶଙ୍କା କରାଯାଉଛି । ବର୍ତ୍ତମାନ ନିଆଁକୁ ସମ୍ପୁର୍ଣ୍ଣରୂପେ ଆୟତ କରାଯାଇଛି ।

ଖବର ପାଇ ପୋଲିସ ଘଟଣାସ୍ଥଳରେ ଆହତଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ନିକଟରେ ତାମିଲନାଡୁ ମୁଖ୍ୟମନ୍ତ୍ରୀ ଏମ କେ ଷ୍ଟାଲିନ ବିରୁଧୁନଗର ଯାଇ କାରଖାନା ମାଲିକଙ୍କ ସହିତ କଥା ହୋଇଥିଲେ । ସମସ୍ତ ପ୍ରକାର ପଦକ୍ଷେପ ନେବାକୁ ନିର୍ଦ୍ଦେଶ ଦେଇଥିଲେ ।