୭ ବର୍ଷୀୟ ବାଳିକାର ହତ୍ୟା: ବଳତ୍କାର କରିବା ପାଇଁ ଚେଷ୍ଟା କରିଥିଲେ ସଂପର୍କୀୟ ମାମୁଁ
ନୂଆଦିଲ୍ଲୀ: ଉତ୍ତରପ୍ରଦେଶର ଗାଜିଆବାଦରେ ଜଣେ ୭ ବର୍ଷର ନିରୀହ ଝିଅକୁ ହତ୍ୟା କରାଯିବା ଖବର ସାମ୍ନାକୁ ଆସିଛି। ଝିଅଟିକୁ ଘରୁ ଅପହରଣ କରାଯାଇଥିବା କଥା ଜଣାପଡିଛି। ଏହାପରେ ତାଙ୍କୁ ବଳାତ୍କାର କରିବାକୁ ଚେଷ୍ଟା କରାଯାଇଛି। ଯେତେବେଳେ ଏହି ପ୍ରତିବାଦରେ ଝିଅଟି ଚିତ୍କାର କଲା, ସେତେବେଳେ ତାଙ୍କୁ ପାଟି କରି ହତ୍ୟା କରାଯାଇଛି। ଏହା ପରେ ତାଙ୍କ ମୃତଦେହ ଝିଅର ଘର ଛାତ ଉପରେ ଫିଙ୍ଗି ଦିଆଯାଇଛି। ଏହି ମାମଲାରେ ପୋଲିସ ଝିଅର ସମ୍ପର୍କୀୟ ମାମୁଁ ଇମ୍ରାନଙ୍କୁ ଗିରଫ କରିଛି।
ସୂଚନା ଅନୁଯାୟୀ, ଶୁକ୍ରବାର ରାତି ପ୍ରାୟ ୧୨ ଟା ବେଳେ ଝିଅର ମା ଘରକୁ ଫେରିଥିଲେ, ହେଲେ ଝିଅଟି ଘରେ ନଥିଲା। ପରିବାର ଲୋକେ ପୁରା ଘର ଖୋଜିଥିଲେ ହେଲେ ତାଙ୍କୁ ପାଇଲେ ନାହିଁ। ଏହା ପରେ ପରିବାର ଲୋକେ ଝିଅର ନିଖୋଜ ସମ୍ପର୍କରେ ପୋଲିସକୁ ସୂଚନା ଦେଇଥିଲେ। ପରିବାର ସଦସ୍ୟ କହିଥିଲେ ଯେ, ଆମ ଝିଅ ତା ଚପଲକୁ ବହୁତ ଭଲପାଏ। ସେ ଚପଲ ନ ପିନ୍ଧି ଗୋଟିଏ ପାଦ ମଧ୍ୟ ଚାଲେନାହିଁ। ତେଣୁ, ଆମର ସମ୍ପୂର୍ଣ୍ଣ ସନ୍ଦେହ ଥିଲା ଯେ, ଯେଉଁଠାରେ ଝିଅର ଚପଲ ମିଳିବ, ସେଠାରେ ସେ ଥିବ। ଏହାପରେ ରାତି ପ୍ରାୟ ୩ ଟା ବେଳେ ପୋଲିସ ନିକଟସ୍ଥ ଘରେ ସର୍ଚ୍ଚ ଅପରେସନ ଆରମ୍ଭ କରିଥିଲା ଏବଂ ଇମ୍ରାନଙ୍କ ଘରର ଉପର ମହଲାରେ ଝିଅର ଚପଲ ଦେଖିବାକୁ ମିଳିଥିଲା। ନାବାଳିକାକୁ ହତ୍ୟା କରିବା ପରେ ତାଙ୍କ ମୃତଦେହକୁ ଛାତ ଉପରେ ଫିଙ୍ଗି ଦିଆଯାଇଛି। ଏହା ପରେ ଇମ୍ରାନଙ୍କୁ ପୋଲିସ ଗିରଫ କରିଥିଲା।
ଇମ୍ରାନ ସେହି ଝିଅର ପଡୋଶୀ ଭାବେ ରୁହନ୍ତି । ସେ କହିଛନ୍ତି ଯେ, ‘ସେ ଏପରି ଦୁଷ୍କର୍ମ କରିବା କଥା ତାଙ୍କ ପରିବାର ଲୋକଙ୍କୁ ଜଣାଇବାକୁ ଚେଷ୍ଟା କରିଥିଲେ ହେଲେ ଏଥିରେ ସେ ଭୟଭୀତ ହୋଇପଡିଥିଲେ । ଧରାପଡିଯିବା ଭୟରେ ମୁଁ ସେ ଝିଅ ମୁହଁରେ ହାଥ ରଖିଦେଇଥିଲି । ଏଥିରେ ଶିଶୁର ଶ୍ୱାସରୁଦ୍ଧ ହୋଇ ସେ ପ୍ରାଣ ହରାଇଲା । ଏହାପରେ ଝିଅର ମୃତହେହକୁ ମୁଁ ତାଙ୍କ ଛାତ ଉପରେ ରଖିଆସିଥିଲି ।’
