ଆମେରିକାର ଚିକାଗୋରେ ଗୁଳିକାଣ୍ଡ: ୮ ମୃତ
ଚିକାଗୋ: ଆମେରିକାରେ ଗୁଳିକାଣ୍ଡ ଘଟଣା ଥମିବାର ନାଁ ନେଉନାହିଁ । ଏବେ ଚିକାଗୋରେ ବଡ଼ ଧରଣର ଗୁଳିକାଣ୍ଡର ମାମଲା ସାମ୍ନାକୁ ଆସିଛି, ଯେଉଁଥିରେ ଶିଶୁ ସମେତ ୮ ଜଣଙ୍କର ମୃତ୍ୟୁ ହୋଇଛି । ଆମେରିକାର ମିଡିଆ ଅନୁସାରେ, ଚିକାଗୋ ସହରର ଭିନ୍ନ ଭିନ୍ନ ସ୍ଥାନରେ ଗୁଳିକାଣ୍ଡ ହୋଇଛି । ସପ୍ତାହକ ଭିତରେ ଗୁଳିକାଣ୍ଡରେ ୮ ଜଣଙ୍କର ମୃତ୍ୟୁ ହୋଇଥିବା ବେଳେ ୧୬ ଜଣ ଗୁରୁତର ଆହତ ହୋଇଛନ୍ତି ।
ମୃତକଙ୍କ ମଧ୍ୟରେ ନାବାଳକ ସହ ଜଣେ ୬୯ ବର୍ଷୀୟ ବୃଦ୍ଧ ମଧ୍ୟ ସାମିଲ ଅଛନ୍ତି । ବ୍ରାଇଟନ ପାର୍କ, ସାଉଥ ଇଣ୍ଡିଆନ୍ ସମେତ ଭିନ୍ନ ଭିନ୍ନ ସ୍ଥାନରେ ଗୁଳିକାଣ୍ଡ ହୋଇଛି । ଗୁଳିକାଣ୍ଡର ପ୍ରଥମ ମାମଲା ଶୁକ୍ରବାର ସନ୍ଧ୍ୟା ୫ଟା ୪୫ରେ ହୋଇଥିଲା ।
ଏହାର ପୂର୍ବ ସପ୍ତାହରେ ବି ଗୁଳିମାଡ଼ରେ ୮ ଜଣଙ୍କର ମୃତ୍ୟୁ ହୋଇଥିଲା ଓ ୪୨ ଜଣ ଗୁରୁତର ଆହତ ହୋଇଥିଲେ । ଆମେରିକାର ଛିଟପୁଟ ଫାୟାରିଂ ସହ ସାମୂହିକ ଗୁଳିକାଣ୍ଡର ସମସ୍ୟା ଦିନକୁ ଦିନ ବଢ଼ିବାରେ ଲାଗିଛି ।
