ହେଲିକାପ୍ଟର କ୍ରାସ୍: ଥଣ୍ଡା ପାଣିରେ ୧୨ ଘଣ୍ଟା ପହଁରି ଜୀବନ ବଞ୍ଚାଇଲେ ମନ୍ତ୍ରୀ ଓ ବାୟୁସେନାର ଅଧିକାରୀ, ଦେଖନ୍ତୁ ଭିଡିଓ
ନୂଆଦିଲ୍ଲୀ: ଦୁନିଆରେ ପ୍ରତିଦିନ କିଛି ନା କିଛି ଦୁର୍ଘଟଣା ମାମଲା ସାମ୍ନାକୁ ଆସୁଛି । ଏହାରି ମଧ୍ୟରେ ମଧ୍ୟରେ ଆଫ୍ରିକୀୟ ଦେଶ ମାଡାଗାସ୍କରର ପୋଲିସ ମନ୍ତ୍ରୀ ଓ ଜଣେ ବାୟୁସେନାର ଅଧିକାରୀ ଜବରଦସ୍ତ ସାହସର ପରିଚୟ ଦେଇଛନ୍ତି । ନିକଟରେ ଭାରତ ମହାସାଗରରେ ନିଜର ହେଲିକାପ୍ଟର କ୍ରାସ ହେବା ପରେ ଦୁହେଁ ସମୁଦ୍ରର ବରଫ ଜଳରେ ୧୨ ଘଣ୍ଟା ପହଁରି ଜୀବନ ବଞ୍ଚାଇବାରେ ସଫଳ ହୋଇଥିଲେ ।
ଅଧିକାରୀଙ୍କ କହିବା ମୁତାବକ, ଦେଶର ଉତ୍ତର-ପୂର୍ବ ଉପକୂଳରେ ଏକ ଯାତ୍ରୀ ଜାହାଜ ବୁଡ଼ିଯିବା ପରେ ସୋମବାର ଉଦ୍ଧାର କାର୍ଯ୍ୟ ପାଇଁ ୫୭ ବର୍ଷୀୟ ପୋଲିସ ମନ୍ତ୍ରୀ ସର୍ଜ ଗେଲ ଓ ମୁଖ୍ୟ ୱାରେଣ୍ଟ ଜିମି ଲୈଟସାରା ଦୁର୍ଘଟଣା ପରେ ପହଁରି ପହଁରି ଅଲଗା ଅଲଗା ସମୟରେ ମାମ୍ବୋ କୂଳରେ ପହଞ୍ଚିଥିଲେ ।
ମାଡାଗାସ୍କର ପ୍ରତିରକ୍ଷା ମନ୍ତ୍ରଣାଳୟ ଦ୍ୱାରା ଜାରି ହୋଇଥିବା ଏକ ଭିଡିଓରେ ଗେଲ କହିଛନ୍ତି ଯେ, ‘ଭଗବାନଙ୍କ ଆର୍ଶିବାଦରୁ ମୁଁ ବଞ୍ଚିଯାଇଛି । ମୋର ମରିବାର ସମୟ ଆସିନାହିଁ । ମୋତେ ଥଣ୍ଡା ହୋଇଛି, କିନ୍ତୁ ମୁଁ ଆଘାତ ହୋଇନାହିଁ ।’
ଗେଲ ଓ ତାଙ୍କ ସାଥୀଙ୍କ ଏହି ସାହସ ପରେ ସାରାଦେଶରେ ତାଙ୍କର ପ୍ରଶଂସା କରାଯାଉଛି । ସୋସିଆଲ ମିଡିଆରେ ବି ଲୋକମାନେ ତାଙ୍କୁ ହିରୋ ବୋଲି କହୁଛନ୍ତି । ଅଧିକାରୀଙ୍କ କହିବା ମୁତାବକ, ହେଲିକାପ୍ଟରରେ ଥିବା ଅନ୍ୟ ୨ ଲୋକଙ୍କର ପତ୍ତା ମିଳୁନି । ଏବେ ବି ଖୋଜାଖୋଜି ଚାଲିଛି ।
♦️Le GDI Serge GELLE, un des passagers de l'hélicoptère accidenté hier a été retrouvé sain et sauf ce matin du côté de Mahambo.
☑️ Les sapeurs sauveteurs de la #4°UPC ont également retrouvé le carcasse de l'hélicoptère au fond de la mer. pic.twitter.com/sP2abwTMwB— Ministère de la Défense Nationale Madagascar (@MDN_Madagascar) December 21, 2021
