ଯୁଦ୍ଧର ଚତୁର୍ଥ ଦିନ: ଏବେ ତୃତୀୟ ବିଶ୍ୱଯୁଦ୍ଧ ହିଁ ବିକଳ୍ପ- ବାଇଡେନ୍
ନୂଆଦିଲ୍ଲୀ: ୟୁକ୍ରେନ ଉପରେ ରୁଷ ଲଗାତର ଆକ୍ରମଣ କରି ଚାଲିଛି । ଆକାଶ ମାର୍ଗରୁ ରୁଷର ଲଗାତର ଆକ୍ରମଣ ଫଳରେ ୟୁକ୍ରେନ ଧ୍ୱସ୍ତବିଧ୍ୱସ୍ତ ହେବାରେ ଲାଗିଛି । ଏହା ଭିତରେ ୧୯୮ ଜଣ ପ୍ରାଣ ହରାଇସାରିଲେଣି । ଆଜି ଅର୍ଥାତ୍ ରବିବାର ହେଉଛି ଯୁଦ୍ଧର ଚତୁର୍ଥ ଦିନ । ରାଜଧାନୀ କିଭ୍ କୁ ଅକ୍ତିଆର କରିବା ପାଇଁ ରୁଷ ନିଜର ସବୁ ଚେଷ୍ଟା କରିବାରେ ଲାଗିଛି । ସେପଟେ ରାଷ୍ଟ୍ରପତି ଜେଲେନସ୍କି, ଆମେରିକାରେ ଦେଶ ଛାଡ଼ିବା ପ୍ରସ୍ତାବକୁ ଫେରାଇ ଦେଇଛନ୍ତି ।
ଆମେରିକା ଓ ୟୁରୋପୀୟ ୟୁନିଅନ୍ ପକ୍ଷରୁ ରୁଷ ଉପରେ ଅନେକ ପ୍ରତିବନ୍ଧକ ଲଗାଇଛନ୍ତି । ଏହା ଭିତରେ ଆମେରିକା ରାଷ୍ଟ୍ରପତି ଜୋ ବାଇଡେନ୍ ଙ୍କ ବଡ଼ ବୟାନ ସାମନାକୁ ଆସିଛି । ସେ କହିଛନ୍ତି ଯେ, ଏହି ସବୁ ପ୍ରତିବନ୍ଧକର ଏକ ମାତ୍ର ବିକଳ୍ପ ହେଉଛି ତୃତୀୟ ବିଶ୍ୱଯୁଦ୍ଧ । ଏକ ଇଣ୍ଟରଭିୟୁରେ ବାଇଡେନ୍ କହିଛନ୍ତି ଯେ, ରୁଷ ବିରୋଧରେ ଯୁଦ୍ଧ ଲଢ଼ିବା ଦରକାର । ଏହା ସହ ସେ କହିଛନ୍ତି ଯେ, ଯେଉଁ ଦେଶ ଅନ୍ତରାଷ୍ଟ୍ରୀୟ ଆଇନ୍ କୁ ପାଳନ କରୁନାହାନ୍ତି ସେମାନଙ୍କୁ ବିରୋଧରେ କଠୋର ପଦକ୍ଷେପ ଗ୍ରହଣ କରାଯିବ ।
ତେବେ ଚତୁର୍ଥ ଦିନ ଅର୍ଥାତ୍ ଆଜି ବି ସମାନ ପରିସ୍ଥିତି ଦେଖିବାକୁ ମିଳିଛି । ଆଜି ରୁଷ ସେନା ମାନେ ଏକ ବଡ଼ ଧରଣର ଧମାକା କରିଛନ୍ତି । ଦ୍ୱିତୀୟ ସବୁଠୁ ବଡ଼ ସହର ଖାରକିଭ୍ ରେ ଥିବା ଗ୍ୟାସପାଇପ୍ ଲାଇନ୍ କୁ ଉଡାଇ ଦେଇଛନ୍ତି । ଯାହାର ପରିଣାମସ୍ୱରୂପ ଚାରିପଟେ ଧୂଆ ବ୍ୟାପିଯାଇଛି । ପରିବେଶ ସମ୍ପୂର୍ଣ୍ଣ ଭାବରେ ଦୂଷିତ ହୋଇଯାଇଛି । ଲୋକଙ୍କ ନିଶ୍ୱାସ ନେବାରେ ସମସ୍ୟା ଅନୂଭବ କରୁଛନ୍ତି । ବିଷାକ୍ତ ଧୂଆଁ ବ୍ୟାପିବା କାରଣରୁ ନାଗରିକ ମାନେ ଏବେ ଗଭୀର ସଙ୍କଟ ଦେଇ ଗତି କରୁଛନ୍ତି ।
The footage shows a gas pipeline on fire in Kharkiv after a Russian attack.
Video: State Special Communications Service of Ukraine pic.twitter.com/owuSoKqoFA
— The Kyiv Independent (@KyivIndependent) February 27, 2022
