ଗାଁ ଦାଣ୍ଡ ହେଲା ରକ୍ତରଞ୍ଜିତ: ଭାଇକୁ ଗୋଡ଼େଇ ଗୋଡ଼େଇ କଟୁରୀରେ ହାଣିଲା ଭାଇ

ଗାଁ ଦାଣ୍ଡ ପାଲଟିଲା ରଣକ୍ଷେତ୍ର । ଭାଇକୁ ଗୋଡ଼େଇ ଗୋଡ଼େଇ ହାଣିଲା ଭାଇ । ପୁରୀ ଜିଲ୍ଲା ବଳଙ୍ଗା ଥାନା ଦାସପାଟଣା ଗ୍ରାମରେ ଦେଖିବାକୁ ମିଳିଛି ଏଭଳି ଘଟଣା । ପୂର୍ବ ଶତ୍ରୁତାକୁ କେନ୍ଦ୍ର କରି ବଡ଼ବାପା ପୁଅ ଭାଇକୁ ଗୋଡ଼େଇ ଗୋଡ଼େଇ କଟୁରୀରେ ହାଣିଲା ଦାଦା ପୁଅ  ।

ଦାସପାଟଣା ଗ୍ରାମର ଦୟାନିଧି ଭୂୟାଁ ଘରେ ବସି ଖାଉଥିବା ବେଳେ ତାଙ୍କର ଦାଦା ପୁଅ ମାଗା ଭୂୟାଁ କୌଣସି କାରଣ ନଥାଇ ପୂର୍ବ ବିବାଦର ରାଗ ରଖି ଗାଳିଗୁଲଜ କରି ଘରେ ଭିତରେ ପଶି କଟୁରୀରେ ଆକ୍ରମଣ କରିଥିଲା । ତାଙ୍କ ଅସହ ଅନ୍ୟ ୩ରୁ ୪ଜଣ ମଧ୍ୟ ଆକ୍ରମଣ କରିଥିଲେ । ଦୟାନିଧିଙ୍କ ପତ୍ନୀ କସ୍ତୁରୀ ସ୍ୱାମୀଙ୍କୁ ରକ୍ଷା କରିବାକୁ ଆସିଲା ବେଳେ ଆକ୍ରମଣକାରୀମାନେ ମହିଳାଙ୍କୁ ଉଲଗ୍ନ କରି ଗାଁ ଦାଣ୍ଡରେ ଘୋଷାଡ଼ିଥିଲେ । ଗୁରୁତର ଅବସ୍ଥାରେ ସ୍ଥାନୀୟ ଲୋକମାନେ ପତିପତ୍ନୀଙ୍କୁ ଚିକିତ୍ସା ପାଇଁ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି । କସ୍ତୁରୀଙ୍କ ଅଭିଯୋଗ ଆଧାରରେ ପୋଲିସ ତଦନ୍ତ ଜାରି ରଖିଛି ।