ଅବିଶ୍ୱାସ ଭୋଟ କରିବାକୁ ପୁଣି ମନା କଲେ ବାଚସ୍ପତି, କହିଲେ ମୁଁ ଇମ୍ରାନ ଖାନଙ୍କ ସହିତ ଧୋକା କରିପାରିବି ନାହିଁ
ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନଙ୍କ ବିରୁଦ୍ଧରେ ଆଗତ ହୋଇଥିବା ଅବିଶ୍ୱାସ ଭୋଟ ପୁର୍ବରୁ ସଂସଦରେ ତର୍କ ବିତର୍କ ଜାରି ରହିଛି । ଆଜି ଏହି ପ୍ରସ୍ତାବ ଉପରେ ଭୋଟ ହେବାର ଅଛି । ତେବେ ଜାତୀୟ ସଂସଦର ବାଚସ୍ପତି ଅସଦ କେସିଆର୍ ଭୋଟିଂ କରିବାକୁ ମନା କରି ଦେଇଛନ୍ତି । ସେ କହିଛନ୍ତି ଯେ ମୁଁ ଇମ୍ରାନ୍ ଖାନଙ୍କ ସହିତ ବିିଶ୍ୱାସ ଘାତ୍ କରି ପାରିବି ନାହିଁ । ଏଥି ପାଇଁ ମୋତେ ଯାହା ସଜା ମିଳିବ ତାହାକୁ ମୁଁ ଭୋଗିବାକୁ ପ୍ରସ୍ତୁତ ।
ଏହା ପୁର୍ବରୁ ଆଜି ସନ୍ଧ୍ୟାରେ ଇମ୍ରାନ୍ ଦେଶକୁ ସମ୍ବୋଧନ କରିଥିଲେ । ଏହି ସମୟରେ ସେ କହିଥିଲେ ଯେ ସେ ପାକିସ୍ତାନ ପାଇଁ ଶେଷ ବଲ୍ ପର୍ଯ୍ୟନ୍ତ ଲଢେଇ କରିଛନ୍ତି ଏବଂ ଆଗକୁ ମଧ୍ୟ ସେ ଏହା କରିବେ । ସୂଚନାଯୋଗ୍ୟ ପାକିସ୍ତାନରେ ଲାଗି ରହିଥିବା ରାଜନୈତିକ ସଂଙ୍କଟ ମଧ୍ୟରେ ଇମ୍ରାନ ଖାନଙ୍କୁ ସୁପ୍ରିମକୋର୍ଟ ଜବରଦସ୍ତ ଝଟକା ଦେଇଥିଲେ । କୋର୍ଟ ସଂସଦର କାର୍ଯ୍ୟଶୈଳୀକୁ ଭୁଲ ଦର୍ଶାଇ ସଂସଦରେ ଇମ୍ରାନ ସରକାରଙ୍କ ବିରୁଦ୍ଧରେ ଅବିଶ୍ୱାସ ପ୍ରସ୍ତାବ ଉପରେ ଭୋଟ କରିବାକୁ ନିର୍ଦ୍ଦେଶ ଦେଇଥିଲେ । ଆଜି ବିଳମ୍ବିତ ରାତିକୁ ଅବିଶ୍ୱସ ପ୍ରସ୍ତାବ ଉପରେ ଭୋଟିଂ ହେବାର ସମ୍ଭାବନା ରହିଛି ।