ଜାଣନ୍ତୁ ପ୍ଲେଅଫରେ ୪ ଦଳର କଣ ହୋଇପାରେ ସୁପରହିଟ ପ୍ଲେଇଙ୍ଗ ୧୧: କିଏ ହେବେ ଅଧିନାୟକ

ନୂଆଦିଲ୍ଲୀ: ଶେଷ ପର୍ଯ୍ୟାୟରେ ପହଞ୍ଚିଛି ର ୧୫ତମ ସିଜନ । ଆଉ ହାତରେ ମାତ୍ର ୪ଟି ମ୍ୟାଚ ବାକି । ଅର୍ଥାତ ପ୍ଲେଅଫ ପାଇଁ ପ୍ରସ୍ତୁତ ସିଜନର ୪ଟି ଶକ୍ତିଶାଳୀ ଦଳ । ଗୁଜୁରାଟ ଟାଇଟନ୍ସ, ରାଜସ୍ଥାନ ରୋୟଲ୍ସ, ଲକ୍ଷ୍ନୌ ସୁପର ଜିଆଣ୍ଟସ ଏବଂ ରୋୟଲ ଚାଲେଞ୍ଜର୍ସ ବାଙ୍ଗାଲୋର ଏବେ ଲଢିବେ ଟ୍ରଫି ପାଇଁ । ତେବେ ଆସନ୍ତୁ ଜାଣିବା ଏହି ୪ଟି ଦଳର ସର୍ବଶ୍ରେଷ୍ଠ ପ୍ଲେଇଙ୍ଗ ୧୧ ।

ଚଳିତ ସିଜନରେ ନିଜ ଦଳକୁ ପ୍ଲେଅଫରେ ପହଞ୍ଚାଇଥିବା ଖେଳାଳିମାନଙ୍କୁ ନେଇ ସୁପରହିଟ ପ୍ଲେଇଙ୍ଗ ୧୧ ତିଆରି କରାଯାଇଛି । ତେବେ ଏହି ତାଲିକାରେ ଓପନର ଭାବରେ ନିଃସନ୍ଦେହ ଜୋସ ବଟଲର ସ୍ଥାନ ପାଇଛନ୍ତି । ତେବେ ତାଙ୍କ ସହିତ କ୍ୱିଣ୍ଟନ ଡିକକ୍ଙ୍କୁ ସାଥୀ ଖେଳାଳିଭାବେ ପାଳି ଆରମ୍ଭ କରିବା ପାଇଁ ଦାୟିତ୍ୱ ଦିଆଯାଇଛି । ଏହାପରେ କେ.ଏଲ ରାହୁଲଙ୍କୁ ତୃତୀୟ ସ୍ଥାନ ପାଇଛନ୍ତି । ଷ୍ଟ୍ରାଇକ ରେଟ ଯୋଗୁଁ ସେ ଓପନର ଭାବେ ଖେଳିଥିଲେ ବି ତୃତୀୟ ସ୍ଥାନ ଦିଆଯାଇଛି । ତାଙ୍କ ପରେ ନମ୍ବର ୪ରେ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କୁ ସ୍ଥାନ ମିଳିଛି । ୧୩ ମ୍ୟାଚରୁ ୯ଟି ମ୍ୟାଚରେ ଦଳକୁ ବିଜୟୀ କରାଇଛନ୍ତି ହାର୍ଦ୍ଦିକ । ତାଙ୍କ ପରେ ଦୀପକ ହୁଡ୍ଡା ଏବଂ ମ୍ୟାଚ ଫିନିଶରର ଦାୟିତ୍ୱ ନେବେ ଦିନେଶ କାର୍ତ୍ତିକ ।

ତେବେ ଏହି ସୁପରହିଟ ପ୍ଲେଇଙ୍ଗ ୧୧ରେ ବୋଲର ମାନଙ୍କ ଖୁବ ଦବବା ରହିଛି । ଦଳରେ ରାଶିଦ ଖାନ ଏବଂ ୱାନିନ୍ଦୁ ହସରଙ୍ଗାଙ୍କ ବ୍ୟତୀତ ୟୁଜବେନ୍ଦ୍ର ଚହଲ, ମହମ୍ମଦ ଶାମୀ, ହର୍ଷଲ ପଟେଲ ଏହି ଦଳରେ ସ୍ଥାନ ପାଇଛନ୍ତି । ତେବେ ଏହି ସୁପରହିଟ ପ୍ଲେଇଙ୍ଗ ୧୧ର ଅଧିନାୟକ ଭାର ନେଇଛନ୍ତି ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା । ଦେଖନ୍ତୁ କଣ ରହିପାରେ ପ୍ଲେଇଙ୍ଗ ୧୧:-

ଜୋସ ବଟଲର
କ୍ୱିଣ୍ଟନ ଡିକକ୍(ୱିକେଟ କିପର)
କେ.ଏଲ ରାହୁଲ
ହାର୍ଦ୍ଦିକ ପାଣ୍ଡ୍ୟା(ଅଧିନାୟକ)
ଦୀପକ ହୁଡ୍ଡା
ଦିନେଶ କାର୍ତ୍ତିକ
ରାଶିଦ ଖାନ
ୱାନିନ୍ଦୁ ହସରଙ୍ଗା
ମହମ୍ମଦ ଶାମୀ
ହର୍ଷଲ ପଟେଲ
ୟୁଜବେନ୍ଦ୍ର ଚହଲ