ଶବ ବ୍ୟବଛେଦ ନିମନ୍ତେ ୫ କିମି କାନ୍ଧରେ ବୋହିକି ନେଲେ ପରିବାର ଲୋକେ
ରାୟଗଡ଼ା: ଶବ ବ୍ୟବଛେଦ ନିମନ୍ତେ କାନ୍ଧରେ ବୋହିକି ନେଲେ ପରିବାର ଲୋକେ । ଏପରି ଅଭାବନୀୟ ଘଟଣା ଘଟିଛି ରାୟଗଡ଼ା ଜିଲ୍ଲା କାଶୀପୁର ବ୍ଲକ ଟିକିରି ଥାନା ଅନ୍ତର୍ଗତ ଦୁଡୁକାବାହଲ ଗାଁରେ । ଗତ ମାସ ୪ ତାରିଖରୁ ବାବୁଲା ଗୌଡ଼ ନାମକ ମାନସିକ ବିକୃତ ଯୁବକ ନିଖୋଜ ଥିଲେ, ଏନେଇ ଗତ ମାସ ୪ ତାରିଖରେ ଟିକିରି ଥାନରେ ଏତଲା ହୋଇଥିଲା। ଗତକାଲି ନିକଟସ୍ତ ଜଙ୍ଗଲରୁ ଶବ ଠାବ ହୋଇଥିଲା।
ଘଟଣା ସ୍ଥଳରେ ଫରେନସିକ ଟିମ୍ ସହିତ ପୋଲିସ ପହଞ୍ଚି ଶୁଖି ଯାଇଥିବା ମରଶରୀରକୁ ଜବତ କରି ବ୍ୟବଛେଦ ନିମନ୍ତେ କୋରାପୁଟ ନେବାକୁ ପଡ଼ିବ ବୋଲି କହିଥିଲେ । ଫଳରେ କୋରାପୁଟ ନେବା ବ୍ୟବସ୍ତା ପୋଲିସ ନକରି ପାରିବାର ବର୍ଗଙ୍କୁ ନେବାକୁ ପରାମର୍ଶ ଦେଇଥିଲା।
ଅର୍ଥ ଅଭାବରୁ ପରିବାର ଲୋକେ ମୃତଦେହକୁ ବୋହି ଟିକିରି ନେଉଥିଲେ। ଏମିତିକି ପ୍ରାୟ ୫ କିମି ନେବାପରେ ପୋଲିସ ହସ୍ତକ୍ଷେପ କରି କୋରାପୁଟ ନେବା ବ୍ୟବସ୍ଥା କରିଥିଲେ। ବର୍ତ୍ତମାନ ପୋଲିସ କୋରାପୁଟ ନେବା ପାଇଁ ନିଷ୍ପତ୍ତି ନେଇଛି ବୋଲି ରାୟଗଡ଼ା ଏସଡିପିଓ ଦେବଜ୍ୟତି ଦାସ କହିଛନ୍ତି।