ଉପସ୍ଥାନକୁ ନେଇ ସ୍କୁଲରେ ହଙ୍ଗାମା: ଛୁଆଙ୍କ ସାମ୍ନାରେ ଶିକ୍ଷୟିତ୍ରୀଙ୍କୁ ଚପଲରେ ପିଟିଲେ ପ୍ରଧାନଶିକ୍ଷକ, Video ଭାଇରାଲ
ନୂଆଦିଲ୍ଲୀ: ସ୍କୁଲକୁ ଶିକ୍ଷାର ମନ୍ଦିର କୁହାଯାଏ । କିନ୍ତୁ ଗୋଟିଏ ସ୍କୁଲରୁ ଏଭଳି ଏକ ଲଜ୍ଜାଜନକ ଘଟଣା ସାମ୍ନାକୁ ଆସିଛି, ଯାହାକୁ ଶୁଣି ଆପଣ ବି ଆଶ୍ଚର୍ଯ୍ୟ ହୋଇଯିବେ । ପିଲାଙ୍କ ସାମ୍ନାରେ ପ୍ରଧାନଶିକ୍ଷକ ଜଣେ ଶିକ୍ଷୟିତ୍ରୀଙ୍କୁ ଚପଲରେ ମାଡ କାରିଥିଲେ, ଯାହାର ଭିଡିଓ ଏବେ ଭାଇରାଲ ହେବାରେ ଲାଗିଛି ।
ଯାହାକୁ ପିଟିଲେ, ସେ ଜଣେ ମହିଳା ହୋଇଥିଲେ ବି ପ୍ରଧାନଶିକ୍ଷକ ଟିକେ ବି ଲଜ୍ଜା ଅନୁଭବ କରିନଥିଲେ । ସମସ୍ତଙ୍କ ସାମ୍ନାରେ ଅପମାନର ଶିକାର ହେବା ପରେ ଶିକ୍ଷୟିତ୍ରୀ ମଧ୍ୟ ପ୍ରଧାନଶିକ୍ଷକଙ୍କୁ ଚପଲରେ ମାଡ଼ ମାରିବାକୁ ଚେଷ୍ଟା କରିଥିଲେ । ଏହି ଘଟଣାର କେହି ଜଣେ ଭିଡିଓ କରି ସୋସିଆଲ ମିଡିଆରେ ପୋଷ୍ଟ କରିଥିଲା । ଏହି ଭିଡିଓ ତୀବ୍ର ଭାବେ ଭାଇରାଲ ହେବାରେ ଲାଗିଛି । ଘଟଣାଟି ଲଖିମପୁରର ସଦର ବ୍ଲକରେ ଥିବା ମହଙ୍ଗୁଖେଡା ପ୍ରାଥମିକ ସ୍କୁଲରେ ଘଟିଛି । ପ୍ରଧାନଶିକ୍ଷକଙ୍କ କାରନାମାରେ ଶିକ୍ଷାମିତ୍ର ସଂଘ ମଧ୍ୟ କ୍ରୋଧିତ ହୋଇ ଧାରଣା ଦେଇଛି ।
କୁହାଯାଉଛି ଯେ ଲଖିମପୁର ସଦର ବ୍ଲକର ମହଙ୍ଗୁଖେଡା ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ଏକ ଦିନ ପୂର୍ବରୁ ଶିକ୍ଷୟିତ୍ରୀ ଅନୁପସ୍ଥିତ ଥିବା ରେଜିଷ୍ଟରରେ ପକାଇଥିଲେ । ପରଦିନ ଯେତେବେଳେ ରେଜିଷ୍ଟରରେ ନିଜକୁ ଅନୁପସ୍ଥିତ ଥିବା ଦେଖି ପ୍ରଧାନଶିକ୍ଷକଙ୍କ ପାଖକୁ ଯାଇଥିଲେ ଶିକ୍ଷୟିତ୍ରୀ । ତାଙ୍କ ଅଭିଯୋଗ ଶୁଣି ପ୍ରଧାନଶିକ୍ଷକ ରାଗିଯାଇଥିଲେ ଓ ପିଲାଙ୍କ ସାମ୍ନାରେ ଶିକ୍ଷୟିତ୍ରୀଙ୍କୁ ଚପଲରେ ପିଟିଥିଲେ । ଘଟଣା ଏବେ ପୋଲିସ ନିକଟରେ ପହଞ୍ଚିଛି ।
यूपी के लखीमपुर में एक प्रिंसिपल की शर्मनाक करतूत सामने आई है। हाजिरी के विवाद में उसने बच्चों के सामने ही महिला शिक्षामित्र की चप्पलों से पिटाई कर दी। घटना से आक्रोशित शिक्षामित्र बीएसए दफ्तर घेरेंगे।#up pic.twitter.com/lBQxTLPROH
— Hindustan UP-Bihar (@HindustanUPBH) June 24, 2022
