ଆବାସିକ ଅଞ୍ଚଳରେ ମାହୋଲ ଖରାପ କରୁଛି ‘ଓୟୋ ହୋଟେଲ’, ଆନ୍ଦୋଳନ ଚେତାବନୀ ଦେଲେ ଆରଡବ୍ଲୁଏ ଅଧିକାରୀ
ନୂଆଦିଲ୍ଲୀ: ‘ଓୟୋ ହୋଟେଲ’ ଏକ ଏପରି ସଂସ୍ଥା ଯାହା ସହରାଞ୍ଚଳରେ ନୂତନ କରି ଆସିଥିବା ଯାତ୍ର୍ରୀମାନଙ୍କୁ ଅତି କମ୍ ମୂଲ୍ୟରେ ଭଲ ହୋଟେଲରେ ସାମୟୀକ ରହଣି ପାଇଁ ସେବା ଯୋଗାଇଥାଏ । ତେବେ ଧିରେ ଧିରେ ‘ଓୟୋ ହୋଟେଲ’ର ଲୋକପ୍ରିୟତା ବଢିଥିଲା । ଏବଂ ଧୀରେ ଧୀରେ ମାର୍କେଟ ଅଞ୍ଚଳରୁ ଆବାସିକ କ୍ଷେତ୍ରରେ ମଧ୍ୟ ଏହାର ଉପସ୍ଥିତି ବୃଦ୍ଧି କରିଥିଲା । ଆବାସିକ ସ୍ଥାନ ମାନଙ୍କରେ ଓୟୋର ଉପସ୍ଥିତି ବଢିବା ପରେ ବିବାଦ ଏହା ଏକ ପ୍ରକାର ବଦନାମ୍ ହେବାକୁ ଲାଗିଲା ବୋଲି କୁହାଯାଏ। ଆବାସିକ ଲୋକମାନଙ୍କ ଅଭିଯୋଗ ହେଲା ଯେ ଏଠାରେ ଯୁବକ ଯୁବତୀମାନେ ଆସି ଅନୈତିକ କାର୍ଯ୍ୟରେ ଲିପ୍ତ ରହୁଛନ୍ତି ।
ଆବାସିକ ଅଞ୍ଚଳରେ ଚାଲୁଥିବା ଓୟୋ ହୋଟେଲଗୁଡିକ ଗୋଟିଏ ସପ୍ତାହ ମଧ୍ୟରେ ବନ୍ଦ ନହୁଏ, ତେବେ ଆରଡବ୍ଲୁଏ ଅଧିକାରୀମାନେ କର୍ତ୍ତୃପକ୍ଷଙ୍କ ବିରୋଧରେ ଆନ୍ଦୋଳନ ଆରମ୍ଭ କରିବେ। ବୈଠକ ପରେ ଆରଡବ୍ଲ୍ୟୁ ଅଧିକାରୀମାନେ ଏନେଇ ଚେତାବନୀ ଦେଇଛନ୍ତି। ସେ କହିଛନ୍ତି ଯେ କୌଣସି ପରିସ୍ଥିତିରେ ଅଞ୍ଚଳର ପରିବେଶ ଖରାପ ହେବାକୁ ଦିଆଯିବ ନାହିଁ। ଯଦି ସେକ୍ଟରରେ ଚାଲୁଥିବା ଓୟୋ ହୋଟେଲଗୁଡିକ ଗୋଟିଏ ସପ୍ତାହ ମଧ୍ୟରେ ବନ୍ଦ ନହୁଏ, ତେବେ ଆନ୍ଦୋଳନ ହେବ ।
ପ୍ରତ୍ୟେକ ଆବାସିକ ଅଧିକାରୀମାନେ ସହରର ଆବାସିକ ସେକ୍ଟରରେ ଥିବା ଘର ଭିତରେ ବେଆଇନ ଭାବେ କାର୍ଯ୍ୟ କରୁଥିବାରୁ ଓୟୋ ହୋଟେଲ ବନ୍ଦ କରିବାକୁ ଦାବି କରିଛନ୍ତି। ଅନେକ ଥର ସେମାନେ ପୋଲିସ, କର୍ତ୍ତୃପକ୍ଷ ଏବଂ ପ୍ରଶାସନିକ ଅଧିକାରୀଙ୍କୁ ବନ୍ଦ ପାଇଁ ଦାବି କରିଛନ୍ତି, କିନ୍ତୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ। ଏହି ହୋଟେଲଗୁଡ଼ିକରେ ଯୁବକ ଓ ଯୁବତୀମାନେ ଦିନସାରା ସନ୍ଦେହଜନକ ଅବସ୍ଥାରେ ବୁଲନ୍ତି । ସେକ୍ଟରରେ ପରିବେଶ ଖରାପ ହେତୁ ଲୋକମାନେ ଏବେ ଆକ୍ରୋଶରେ ରହିଛନ୍ତି।
ଗ୍ରେଟର ନୋଏଡାର ଡେଲଟା-୨ ସେକ୍ଟରର ବାସିନ୍ଦା ଆଲୋକ ନାଗର କହିଛନ୍ତି ଯେ ସେକ୍ଟରରୁ ଓୟୋ ହୋଟେଲ ବନ୍ଦକୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା। ଓୟୋ ହୋଟେଲ ବନ୍ଦ କରିବା ଏବଂ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଗ୍ରେଟର ନୋଏଡା ପ୍ରାଧିକରଣକୁ ଏକ ସପ୍ତାହ ସମୟ ଦିଆଯାଇଛି। ଯଦି କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରା ନ ଯାଏ ତେବେ କର୍ତ୍ତୃପକ୍ଷଙ୍କ ବିରୋଧରେ ଆନ୍ଦୋଳନ ଆରମ୍ଭ ହେବ ବୋଲି ଚେତାବନୀ ଦେଇଛନ୍ତି।
