ମହିଳା ଜଣଙ୍କ ନିଜ ପାୱାର ଦେଖାଇ ଇନ୍ଦ୍ର, ଚନ୍ଦ୍ର ମାନୁନାହାନ୍ତି, ଯୁବକଙ୍କୁ ମାଡ଼ ମାରିବା ପଡ଼ିଲା ମହଙ୍ଗା, ଦେଖନ୍ତୁ Video
ନୂଆଦିଲ୍ଲୀ: ଆଜିକାଲି ସାମାନ୍ୟ କଥାକୁ କେନ୍ଦ୍ର କରି ଲୋକମାନଙ୍କୁ ପିଟିବା ଏକ ସାଧାରଣ କଥା ହୋଇଗଲାଣି । ଅନେକ ସମୟରେ ଏନେଇ ଅନେକ ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇଥାଏ । ତେବେ ଏପରି ଏକ ଘଟଣା ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ଦେଖିବାକୁ ମିଳିଛି । ଭିଡିଓରେ ଜଣେ ମହିଳା ଜଣେ ଯୁବକଙ୍କୁ ପିଟୁଥିବା ଦେଖିବାକୁ ମିଳୁଛି ।
ତେବେ ଆଲମବାଗ ବସଷ୍ଟାଣ୍ଡରେ ଏହି ଘଟଣା ଘଟିଥିବା କୁହାଯାଉଛି । ମହିଳା ଜଣଙ୍କ ବସ୍ ଷ୍ଟେସନ ଇନଚାର୍ଜ ହୋଇଥିବା ବେଳେ ସେ ଜଣେ ପୁରୁଷ ଯାତ୍ରୀଙ୍କୁ ପିଟି ଚାଲିଥିଲେ । ଉକ୍ତ ମହିଳାଙ୍କ ନାମ ଜ୍ୟୋତି ଅବସ୍ଥି ଓ ତାଙ୍କୁ ଏହି କାଣ୍ଡ ପାଇଁ ଟ୍ରାନ୍ସଫର କରି ଦିଆଯାଇଛି । ଏଥିସହ ଏହି ଘଟଣାର ଯାଞ୍ଚ ପାଇଁ ନିର୍ଦ୍ଦେଶ ଦିଆଯାଇଛି ।
ଘଟଣା ଅନୁଯାୟୀ, ଯୁବକ ଜଣଙ୍କ ବସରେ ଯାତ୍ରା କରିବା ପାଇଁ ଷ୍ଟେସନ ଆସିଥିଲେ । ଯୁବକ ଜଣଙ୍କ ଜ୍ୟୋତିଙ୍କୁ କିଛି ପ୍ରଶ୍ନ କରିଥିଲେ ଓ ଏହାର ସଠିକ୍ ଉତ୍ତର ନ ମିଳିବାରୁ ଦୁହିଁଙ୍କ ମଧ୍ୟରେ ବଚସା ଆରମ୍ଭ ହୋଇଥିଲା । ଏହାପରେ ଷ୍ଟେସନ ଇନଚାର୍ଜ ନିଜର ପାୱାର ଦେଖାଇ ଯୁବକଙ୍କ ସାର୍ଟ କଲର ଧରି ଚାପୁଡ଼ା ମାରିବାରେ ଲାଗିଥିଲେ ।
ତେବେ ଏହି ଘଟଣାଟି ଗତ ମାର୍ଚ୍ଚ ମାସରେ ଘଟିଥିଲା ବୋଲି କୁହାଯାଉଛି । ମାତ୍ର ତାହା ଏବେ ଭାଇରାଲ୍ ହେବାରେ ଲାଗିଛି । ତେବେ ପୂର୍ବରୁ ଅନେକ ବିବାଦୀୟ ଘଟଣାରେ ଜ୍ୟୋତି ନିନ୍ଦିତ ହୋଇଥିବା କୁହାଯାଉଛି । ସଂରକ୍ଷଣ ଆଧାରରେ ଏକ ବଡ଼ ପଦବୀ ପାଇଥିବା ଜ୍ୟୋତି ଯେ କୌଣସି କର୍ମଚାରୀଙ୍କ ଉପରକୁ କଥା କଥାକେ ହାତ ଉଠାଇଥାନ୍ତି ବୋଲି କୁହାଯାଉଛି ।
ये लखनऊ का सबसे प्रतिष्ठित बस स्टैंड आलमबाग का दृश्य है, एक व्यक्ति को पीटते हुए जी महिला है वो इस बस स्टैंड की incharge ज्योति मिश्रा बतायी जा रही हैं।
भाजपा शासन में सरकारी गुंडई अब आम बात हो गयी है क्या? योगी जी क्या परिवहन विभाग @Uppolice हो गया है?pic.twitter.com/8ngp0uEAYq— Surendra Rajput (@ssrajputINC) July 18, 2022
