ଡାଇବେଟିସ୍ ରୋଗୀ ଖାଇପାରିବେ କି ଆଳୁ ? ରିସର୍ଚ୍ଚରୁ ହେଲା ଆଶ୍ଚର୍ଯ୍ୟକର ଖୁଲାସା
ଡାଇବେଟିସ୍ ବା ମଧୁମେହ ରୋଗୀଙ୍କ ଖାଇବା-ପିଇବା ଉପରେ ବଡ଼ ଦ୍ୱନ୍ଦ୍ୱ ରହିଛି । କାହିଁକି ନା, ଏହା ଏପରି ଏକ ରୋଗ, ଯାହାକି ଖାଇବା ପିଇବା ପରେ ତୁରନ୍ତ ପ୍ରଭାବ ପଡ଼ିଥାଏ । ଭୁଲ ଜିନିଷ ଖାଇବା ଦ୍ୱାରା ସୁଗାର ଲେବଲ ଶୀଘ୍ର ବଢ଼ିପାରେ ବା ପରେ ଏହା ମାରାତ୍ମକ ପ୍ରମାଣିତ ହୋଇପାରେ । ଆଳୁ ଭାରତ ସମେତ ବିଶ୍ୱର ସବୁଠାରୁ ଅଧିକ ଖିଆଯାଉଥିବା ଖାଦ୍ୟ ପଦାର୍ଥ ମଧ୍ୟରୁ ଗୋଟିଏ । ଭାରତ ଏବଂ ଆମେରିକାରେ ଖାଉଥିବା ସବୁଠାରୁ ଲୋକପ୍ରିୟ ପନିପରିବା ମଧ୍ୟରୁ ଆଳୁ ଅନ୍ୟତମ । କେବଳ ଏତିକି ନୁହେଁ, ଏହି ଦେଶରେ ଆଳୁ ତରକାରୀ ବ୍ୟତୀତ ଚିପ୍ସ ଏବଂ ଫ୍ରାଇଜ ଆକାରରେ ମଧ୍ୟ ଅନେକ ବ୍ୟବହାର ହୋଇଥାଏ ।
ଆଳୁ ବିଷୟରେ ଲୋକଙ୍କ ମଧ୍ୟରେ ଏକ ଭୁଲ ଧାରଣା ଅଛି ଯେ ହାଇ କାର୍ବୋ ଆଳୁ ମଧୁମେହ ରୋଗୀଙ୍କ ପାଇଁ ଭଲ ନୁହେଁ । କିନ୍ତୁ ଅନୁସନ୍ଧାନରୁ ଜଣାପଡିଛି ଯେ ଧାରଣା ସମ୍ପୂର୍ଣ୍ଣ ସତ୍ୟ ନୁହେଁ, ଅର୍ଥାତ୍ ମଧୁମେହ ରୋଗୀଙ୍କ ପାଇଁ ଆଳୁ ସମ୍ପୂର୍ଣ୍ଣ କ୍ଷତିକାରକ ବୋଲି କୁହାଯାଇପାରିବ ନାହିଁ । ବାସ୍ତବରେ, ଯେକୌଣସି ଖାଦ୍ୟ ପଦାର୍ଥ ଯେଉଁଥିରେ ଆପଣଙ୍କର ଆଲର୍ଜି ନଥିବ, ଏସବୁକୁ ସୀମିତ ପରିମାଣରେ ମଧୁମେହ ରୋଗୀ ମଧ୍ୟ ଖାଇ ପାରିବେ । ଯଦି ମଧୁମେହ ରୋଗୀ ଆଳୁ ଖାଇଲେ କ୍ଷତି ହେଉନଥିବ ଓ ଏହାର ପୁଷ୍ଟିକର ତତ୍ତ୍ୱ ମିଳୁଥିବ, ତଥାପି ଏହାକୁ ସଠିକ୍ ଭାବରେ ଖାଇବା ଆବଶ୍ୟକ । ବୈଜ୍ଞାନିକମାନେ କହିଛନ୍ତି ଯେ ଆଳୁରେ ଷ୍ଟାର୍ଚ ମିଳିଥାଏ, ତେଣୁ ଏହାକୁ ପନିପରିବା ସହିତ ଖାଇବା ଉଚିତ୍ ଯେଉଁଥିରେ ଷ୍ଟାର୍ଚ ନଥିବ । ଆହୁରି ମଧ୍ୟ, ଏହାକୁ ପ୍ରୋଟିନ୍ ଏବଂ ଭିଟାମିନ୍ ଭରପୂର ଖାଦ୍ୟ ସହିତ ମିଶ୍ରଣ କରି ଖାଇବା ଉଚିତ୍ ।
ଗୋଟିଏ ଆଳୁରେ ଥାଏ ଏତେ ପରିମାଣର ପୁଷ୍ଟିକର ତତ୍ତ୍ୱ । ୧୬୮ କ୍ୟାଲୋରୀ, ଚାରି ଗ୍ରାମ ପ୍ରୋଟିନ୍, ୦.୨ ଗ୍ରାମ ଚର୍ବି, ୩୯ ଗ୍ରାମ କାର୍ବସ୍, ତିନି ଗ୍ରାମ ଫାଇବର, ୧.୮୩ ମିଲିଗ୍ରାମ ଆଇରନ, ୮୮୮ ମିଲିଗ୍ରାମ ପୋଟାସିୟମ୍ ଏବଂ ୧୨ ମିଲିଗ୍ରାମ ଭିଟାମିନ୍ ସି ମିଳିଥାଏ ।
ଆଳୁରେ ଥିବା କାର୍ବସ୍ ପ୍ରୋଟିନ୍ ଏବଂ ଫାଇବର ପରି ଶରୀର ପାଇଁ ମଧ୍ୟ ଆବଶ୍ୟକ, ଏହାର ଅତ୍ୟଧିକ ମାତ୍ରାରେ ସୁଗାର ଲେବଲ ବଢ଼ାଇପାରେ । ଆଳୁରେ ପୋଷକ ତତ୍ତ୍ୱ ଭରପୂର ମାତ୍ରାରେ ରହିଛି । ଏଥିରେ ମ୍ୟାଗ୍ନେସିୟମ୍, ପୋଟାସିୟମ୍, ଫସଫରସ୍, ଆଇରନ୍ ଏବଂ ଜିଙ୍କ ପରି ଅନେକ ପୋଷକ ତତ୍ତ୍ୱ ରହିଥାଏ ଯାହା ସ୍ୱାସ୍ଥ୍ୟ ପାଇଁ ଲାଭଦାୟକ ଅଟେ । ଏଥିରେ ଥିବା କାର୍ବୋହାଇଡ୍ରେଟ୍ ମଧ୍ୟ ଶରୀରକୁ ଶକ୍ତି ଦେବା ଆବଶ୍ୟକ । ଆଳୁରେ ଭିଟାମିନ୍ ସି ଏବଂ ଆଣ୍ଟିଅକ୍ସିଡାଣ୍ଟ ମଧ୍ୟ ଥାଏ, ଯାହା ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ ।