ବନ୍ଦ ହୋଇଯିବ PF ଖାତା! ଏହି ତାରିଖ ପୂର୍ବରୁ କରି ନିଅନ୍ତୁ ଆଧାର ସହିତ ପାନ୍ ଲିଙ୍କ୍
ନୂଆଦିଲ୍ଲୀ :ଆୟକର ବିଭାଗ ସେହି ଟିକସଦାତାମାନଙ୍କୁ ଏକ ଚେତାବନୀ ଦେଇଛି ଯେଉଁମାନେ ଏପର୍ଯ୍ୟନ୍ତ ସେମାନଙ୍କ ପ୍ୟାନକୁ ଆଧାର ସହିତ ଲିଙ୍କ କରି ନାହାଁନ୍ତି। ଟିକସ ବିଭାଗର ଇ-ଫାଇଲ୍ ୱେବସାଇଟ୍ ର ସର୍ବଶେଷ ଅଦ୍ୟତନ ଅନୁଯାୟୀ, ଯେଉଁମାନେ ଏପର୍ଯ୍ୟନ୍ତ ସେମାନଙ୍କର ଆଧାର ସହିତ ପ୍ୟାନ ଲିଙ୍କ୍ କରିନାହାଁନ୍ତି ସେମାନଙ୍କୁ ତୁରନ୍ତ ଏହା କରିବାକୁ ଅନୁରୋଧ କରାଯାଇଛି। ତାହା ନକରିବା ଦ୍ୱାରା ଲିଙ୍କ୍ ହୋଇନଥିବା ପାନ୍ ନିଷ୍କ୍ରିୟ ହେବ। ଆଧାର ସହିତ ପ୍ୟାନକୁ ସଂଯୋଗ କରିବାର ଶେଷ ତାରିଖ ହେଉଛି ମାର୍ଚ୍ଚ ୩୧, ୨୦୨୩ ।
ଆୟକର ବିଭାଗ ଏହାର ଅଫିସିଆଲ୍ ଟ୍ୱିଟର ଆକାଉଣ୍ଟରୁ ସମାନ ଚେତାବନୀ ଦେଇଛି। ଏହି ଟୁଇଟରେ ଲେଖାଅଛି, ‘ଆୟକର ଅଧିନିୟମ, ୧୯୬୧ ଅନୁଯାୟୀ, ସମସ୍ତ ପ୍ୟାନ ଧାରକ, ସେମାନଙ୍କ ପ୍ୟାନକୁ ୩୧.୩.୨୦୨୩ ପୂର୍ବରୁ ଆଧାର ସହିତ ଯୋଡିବା ବାଧ୍ୟତାମୂଳକ ଅଟେ। ୧.୪.୨୦୨୩ ରୁ ଲିଙ୍କ୍ ହୋଇନଥିବା ପାନ୍ କାର୍ଯ୍ୟକ୍ଷମ ହେବ ନାହିଁ ।
ଯଦି ଆଧାର PF ଖାତା ସହିତ ସଂଯୁକ୍ତ ନୁହେଁ ତେବେ କଣ ହେବ?
ଗଣମାଧ୍ୟମ ରିପୋର୍ଟ ଅନୁଯାୟୀ, ‘ଯଦି ଆପଣ ଆପଣଙ୍କର ଆଧାରକୁ PF ଆକାଉଣ୍ଟ୍ ସହିତ ଲିଙ୍କ୍ କରନ୍ତି ନାହିଁ, ତେବେ ଆପଣ PF ଆକାଉଣ୍ଟ୍ ସହିତ ଜଡିତ କିଛି ବିଶେଷ ସୁବିଧାରୁ ବଞ୍ଚିତ ହୋଇପାରନ୍ତି । କର୍ମଚାରୀଙ୍କ ପ୍ରୋଭିଡେଣ୍ଟ ଫଣ୍ଡ ସଂଗଠନ ମାର୍ଚ୍ଚ ୩୧, ୨୦୨୩ କୁ ସମସ୍ତ PF ଆକାଉଣ୍ଟଧାରୀଙ୍କ ପାଇଁ ଆଧାରକୁ PAN ସହିତ ସଂଯୋଗ କରିବାର ତାରିଖ ଭାବରେ ସ୍ଥିର କରିଛି। ଯଦି ଆପଣ ଏହି ସମୟ ସୀମା ମଧ୍ୟରେ ତାହା କରନ୍ତି ନାହିଁ, ତେବେ ଆପଣଙ୍କର PF ଖାତା ମଧ୍ୟ ନିଷ୍କ୍ରିୟ ହୋଇପାରେ।
ସୂଚନାମୁତାବକ ଲିଙ୍କ୍ ପାଇଁ ପୂର୍ବ ଯେଉଁ ତାରିଖ ଦିଆ ଯାଇଥିଲା , ଏହା ପରେ ସମୟସୀମା ଆହୁରି ବୃଦ୍ଧି କରାଯାଇଥିଲା । ସେବା ପୋର୍ଟାଲରେ ଏହା ପୂର୍ବରୁ କର୍ମଚାରୀଙ୍କ ପ୍ରୋଭିଡେଣ୍ଟ ଫଣ୍ଡ ସଂଗଠନ (ଇପିଏଫଓ) କହିଥିଲା, ‘ଯଦି ଆପଣଙ୍କର UAN ଆଧାର ନମ୍ବର ସହିତ ସଂଯୁକ୍ତ ନୁହେଁ, ତେବେ ଆପଣଙ୍କର ନିଯୁକ୍ତିଦାତା / ପ୍ରତିଷ୍ଠାନ ୦୧.୦୧.୨୦୨୨ ରୁ ଆପଣଙ୍କର ମାସିକ ଅବଦାନକୁ ଶ୍ରେୟ ଦେବ ନାହିଁ। ତେଣୁ, ତୁମ ଆଧାରକୁ UAN ସହିତ ୩୧.୧୨.୨୦୨୧ ରେ କିମ୍ବା ପୂର୍ବରୁ ଲିଙ୍କ୍ କରିବାକୁ ଅନୁରୋଧ କରାଯାଇଛି।
