ରାହୁଲ ଗାନ୍ଧୀ ୧୧୩ ଥର ଭାଙ୍ଗି ସାରିଲେଣି ସିକ୍ୟୁରିଟି ପ୍ରୋଟୋକୋଲ.. ସୁରକ୍ଷା ଅଭାବରୁ କଂଗ୍ରେସ ଅଭିଯୋଗ ଉପରେ CRPFର ମତ
ନୂଆଦିଲ୍ଲୀ : ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କ ସୁରକ୍ଷା ସମ୍ପର୍କରେ କଂଗ୍ରେସର ଅଭିଯୋଗର ଉତ୍ତରରେ CRPF କହିଛି ଯେ, ସେ ୨୦୨୦ ପରଠାରୁ ପ୍ରାୟ ୧୧୩ ଥର ସୁରକ୍ଷା ପ୍ରୋଟୋକଲ ଭାଙ୍ଗିଛନ୍ତି । କେନ୍ଦ୍ରୀୟ ସୁରକ୍ଷା ବଳ CRPF କହିଛି ଯେ, ନିର୍ଦ୍ଦେଶାବଳୀ ଅନୁଯାୟୀ ରାହୁଲ ଗାନ୍ଧୀଙ୍କୁ ସୁରକ୍ଷା ଦିଆଯାଉଛି। ରାଜ୍ୟ ପୋଲିସ ଏବଂ ସୁରକ୍ଷା ଏଜେନ୍ସି ସହିତ ସମନ୍ୱୟ ରକ୍ଷା କରି CRPF ସୁରକ୍ଷା ବ୍ୟବସ୍ଥା କରିଥାଏ ।
କୈନ୍ଦ୍ରୀୟ ସୁରକ୍ଷା ବଳ କହିଛନ୍ତି ଯେ, ସବୁ ଯାତ୍ରା ପାଇଁ ଗୃହମନ୍ତ୍ରଣାଳୟ ତରଫରୁ ଅସୁରକ୍ଷା ଆକଳନକୁ ନେଇ ଜାରି ହୋଇଥିବା ଆଡ୍ଭାଇଜରୀ ଆଧାର ଉପରେ ରାଜ୍ୟ ସରକାର ସହିତ ମିଶି ଆଡ୍ଭାନ୍ସ ସିକ୍ୟୁରିଟି ଯୋଗାଯୋଗ ପ୍ରସ୍ତୁତ କରାଯାଉଛି । ୨୪ ଡ଼ିସେମ୍ବରରେ ଭାରତ ଯୋଡୋ ଯାତ୍ରାପାଇଁ ଆଡଭାନ୍ସ ସିକ୍ୟୁରିଟି ଯୋଗାଯୋଗ ୨୨ଡିସେମ୍ବରରେ ସମାପ୍ତ ହୋଇସାରିଛି । ସମସ୍ତ ସୁରକ୍ଷା ନିୟମକୁ ଦିଲ୍ଲୀ ପୋଲିସ କଡାକଡି ଭାବରେ ପାଳନ କରିଥିଲା ଏବଂ ପର୍ଯ୍ୟାପ୍ତ ସଂଖ୍ୟକ ସୁରକ୍ଷା କର୍ମୀ ନିୟୋଜିତ ହୋଇଥିଲେ। ଯେକୌଣସି ବ୍ୟକ୍ତିର ସୁରକ୍ଷା ପାଇଁ ବ୍ୟବସ୍ଥା ଭଲ କାମ କରେ ଯେତେବେଳେ ସେହି ବ୍ୟକ୍ତି ନିଜେ ସୁରକ୍ଷା ନିର୍ଦ୍ଦେଶାବଳୀକୁ ସଠିକ୍ ଭାବରେ ଅନୁସରଣ କରନ୍ତି ।
ଏହା ସହିତ ରାହୁଲ ଗାନ୍ଧୀ ନିଜେ ଅନେକ ସମୟରେ ସୁରକ୍ଷା ନିର୍ଦ୍ଦେଶାବଳୀ ଉଲ୍ଲଂଘନ କରିଛନ୍ତି ବୋଲି ମଧ୍ୟ କୁହାଯାଇଛି । ତାଙ୍କୁ ଏ ବିଷୟରେ ଅନେକ ଥର ସୂଚନା ଦିଆଯାଇଛି। ୨୦୨୦ରୁ ବର୍ତ୍ତମାନ ପର୍ଯ୍ୟନ୍ତ, ୧୧୩ ଏପରି ଉଲ୍ଲଂଘନ ଦେଖିବାକୁ ମିଳିଥିଲା ଏବଂ ସେମାନଙ୍କୁ ସେମାନଙ୍କ ବିଷୟରେ ଅବଗତ କରାଯାଇଥିଲା ।
‘ଭାରତ ଯୋଡୋ’ ଯାତ୍ରା ସମୟରେ ମଧ୍ୟ ରାହୁଲ ଗାନ୍ଧୀ ସୁରକ୍ଷା ନିର୍ଦ୍ଦେଶାବଳୀ ଉଲ୍ଲଂଘନ କରିଛନ୍ତି ଏବଂ CRPF ପୃଥକ ଭାବରେ ଏହି ପ୍ରସଙ୍ଗ ଉଠାଇବ। କହିବାକୁ ଗଲେ ରାହୁଲ ଗାନ୍ଧୀଙ୍କ ସୁରକ୍ଷା ସମ୍ପର୍କରେ କଂଗ୍ରେସ ପକ୍ଷରୁ ଗୃହମନ୍ତ୍ରୀ ଅମିତ ଶାହାଙ୍କୁ ଏକ ଚିଠି ଦିଆଯାଇଛି। କଂଗ୍ରେସର ସାଧାରଣ ସମ୍ପାଦକ କେ.ସି ଭେନୁଗୋପାଲ ଏକ ଚିଠି ଲେଖି ଅଭିଯୋଗ କରିଛନ୍ତି । ଅଭିଯୋଗରେ କୁହାଯାଇଛି ଯେ, ୨୪ ଡିସେମ୍ବରରେ ଦିଲ୍ଲୀରେ ଚାଲିଥିବା ‘ଭାରତ ଯୋଡା’ ଯାତ୍ରା ସମୟରେ ରାହୁଲ ଗାନ୍ଧୀଙ୍କ ସୁରକ୍ଷା ଅଭାବ ରହିଛି ।
