ଘରେ ବସି କିପରି ପାଇବେ VIP Mobile Number ? ଏପରି କରନ୍ତୁ ଆବେଦନ, ଲାଗିବନି ଅତିରିକ୍ତ ଚାର୍ଜ
ନୂଆଦିଲ୍ଲୀ: ଆମେ ଯେତେ ବି ଦୂରେଇବାକୁ ଚେଷ୍ଟା କଲେ ବି VIP ସଂସ୍କୃତି ଆମ ସମାଜରେ ଗଭୀର ଭାବରେ ଜଡ଼ିତ ହେବାରେ ଲାଗିଛି । କିଛି VIP ଭାବରେ ବ୍ୟବହାର କରନ୍ତି ତ’ କିଛି ଲୋକ ଭିଆଇପି ମୋବାଇଲ ନମ୍ବରର ସନ୍ଧାନ କରନ୍ତି । ଯଦି ଆପଣ ଏକ ଭିଆଇପି ଫୋନ୍ ନମ୍ବର ଚାହୁଁଛନ୍ତି, ତେବେ ଏହି ପ୍ରକ୍ରିୟା ବହୁତ ସହଜ ଏବଂ ଘରେ ବସି ଆପଣ ଏହାକୁ କରିପାରିବେ । ପୂର୍ବରୁ ଭିଆଇପି ନମ୍ବର ପାଇଁ ହଜାର ହଜାର ଟଙ୍କା ଖର୍ଚ୍ଚ ହେଉଥିଲା, କିନ୍ତୁ ବର୍ତ୍ତମାନ ତାହା ନୁହେଁ । ଏହି ଖବର ଭୋଡାଫୋନ୍ ଆଇଡିଆ (ଠଓ) ବ୍ୟବହାରକାରୀଙ୍କ ପାଇଁ ରହିଛି । ଯଦି ଆପଣ ଭିଆଇପି ନମ୍ବର କିଣିବାକୁ ଚାହୁଁଛନ୍ତି, ତେବେ ଆପଣ କିଛି ବେସିକ୍ ପ୍ରୋସେସ୍ ବିଷୟରେ ଜାଣିବା ଉଚିତ୍ । ଯେଉଁମାନେ ଏହା ଜାଣନ୍ତି ସେମାନେ ମାଗଣାରେ ଫ୍ୟାନ୍ସି ସିମ୍ ନମ୍ବର ହାସଲ କରିଥାନ୍ତି ।
ଏହାର ପ୍ରକ୍ରିୟା କ’ଣ?
ଏବେ ଆପଣ ଚାହୁଁଥିବା ଫୋନ୍ ନମ୍ବର ପାଇବା ପାଇଁ ହଜାରେ ଟଙ୍କା ଖର୍ଚ୍ଚ କରିବାର ଆବଶ୍ୟକତା ନାହିଁ । ଭିଆଇ ବ୍ୟବହାରକାରୀଙ୍କ ପାଇଁ ଭାରତରେ ଭିଆଇପି ମୋବାଇଲ୍ ନମ୍ବର କିଣିବାର ଉପାୟ ବିଷୟରେ କୁହାଯାଇଛି । ପ୍ରଥମେ ଆପଣଙ୍କୁ ଭୋଡାଫୋନର ଅଫିସିଆଲ୍ ୱେବସାଇଟକୁ ଯିବାକୁ ପଡିବ । ନୂଆ ସଂଯୋଗ ଏବଂ ତା’ପରେ ଫ୍ୟାନି୍ସ ମୋବାଇଲ୍ ନମ୍ବର ଉପରେ କ୍ଲିକ୍ କରନ୍ତୁ । ଏହା ପରେ ଆପଣଙ୍କୁ ଆପଣଙ୍କର ପିନ୍ କୋଡ୍ ଏବଂ ମୋବାଇଲ୍ ନମ୍ବର ଏଣ୍ଟର କରିବାକୁ ପଡିବ । ଏହା ପରେ ଆପଣଙ୍କୁ ମାଗଣା ପ୍ରିମିୟମ୍ ମୋବାଇଲ୍ ନମ୍ବର ତାଲିକାରୁ ନିଜ ପାଇଁ ଏକ ନମ୍ବର ବାଛିବାକୁ ପଡିବ । ଏହି ପ୍ରକ୍ରିୟା ପରେ ଓଟିପି ଆସିବ ଓ ନୂଆ ସଂଯୋଗ ସହିତ ଆପଣଙ୍କୁ ଭିଆଇପି ନମ୍ବର କିଣିବାକୁ ପଡିବ ।
ଭିଆଇ ଭୋଡାଫୋନ୍ ଆଇଡିଆରେ ଏହି ସୁବିଧା ମିଳୁଛି :-
ଏବେ ଭିଆଇ (ଭୋଡାଫୋନ୍-ଆଇଡିଆ) ଏହି ଯୋଜନା ପ୍ରଦାନ କରୁଛି । ଏହି କମ୍ପାନୀ ଗ୍ରାହକଙ୍କୁ ମାଗଣାରେ ଭିଆଇପି ନମ୍ବର ଦେଉଛି । ଏଥିପାଇଁ ଆପଣଙ୍କଠାରୁ କୌଣସି ଅତିରିକ୍ତ ଶୁଳ୍କ ଆଦାୟ କରାଯିବ ନାହିଁ । ଆପଣ ମୋବାଇଲ୍ ନମ୍ବର ଘରକୁ ମଧ୍ୟ ମଗାଇପାରିବେ ।
