ଅପରାଧୀଙ୍କର ମଧ୍ୟ ରହିଛି ମାନବାଧିକାର! ହତ୍ୟାକାରୀଙ୍କୁ ପାରୋଲ ପ୍ରଦାନ କରିଛନ୍ତି କୋର୍ଟ, ଝିଅର ବାହାଘରରେ ହେବେ ସାମିଲ
ନୂଆଦିଲ୍ଲୀ: ଆଜୀବନ କାରାଦଣ୍ଡ ଭୋଗୁଥିବା କୁଖ୍ୟାତ ଅପରାଧୀ ଜୟନନ୍ଦନଙ୍କୁ ତାଙ୍କ ଝିିଅର ବିବାହ ଉତ୍ସବରେ ଯୋଗଦେବା ପାଇଁ କେରଳ ହାଇକୋର୍ଟ ପାରୋଲ ପ୍ରଦାନ କରିଛନ୍ତି । ଅପରାଧ ପାଇଁ ଦଣ୍ଡ ଭୋଗୁଥିବା ଅଭିଯୁକ୍ତର ମାନବାଧିକାର ରହିଛି ବୋଲି କହିବା ସହ ପାରୋଲ ମଞ୍ଜୁର କରିଛନ୍ତି କୋର୍ଟ ।
ଜୟନନ୍ଦନଙ୍କ ପତ୍ନୀଙ୍କ ଆବେଦନ ଉପରେ ଶୁଣାଣି ଚାଲିଥିବା ବେଳେ କେରଳର ଥ୍ରୀସୁର ଜିଲ୍ଲାରେ ଏକ ହାଇ ସିକ୍ୟୁରିଟି ଜେଲରେ ଥିବା କୁଖ୍ୟାତ ହତ୍ୟାକାରୀ ଜୟନନ୍ଦଙ୍କୁ ଆରାମ ପ୍ରଦାନ କରାଯାଇଛି ।
ଜୟନନ୍ଦନଙ୍କୁ ପୋଲିସର ତତ୍ତ୍ୱାବଧାନରେ ବିବାହ ଉତ୍ସବରେ ଯୋଗଦେବାକୁ ଅନୁମତି ଦିଆଯାଇଛି । ଜୟନନ୍ଦଙ୍କ ଓକିଲ ଝିିଅ ତାଙ୍କ ପିତାମାତାଙ୍କ ପକ୍ଷ ନେଇଥିଲେ । ଏହି ଦମ୍ପତିଙ୍କର ଦୁଇଟି ଝିିଅ ଅଛନ୍ତି । କୋର୍ଟରେ ତାଙ୍କ ପିଟିସନରେ ଜୟନନ୍ଦନଙ୍କ ପତ୍ନୀ ତାଙ୍କ ସ୍ୱାମୀଙ୍କୁ ବିବାହ ଉତ୍ସବରେ ଯୋଗଦେବା ପାଇଁ ଅଧିକାରୀଙ୍କ ଅନିଚ୍ଛାକୁ ଚ୍ୟାଲେଞ୍ଜ କରିଥିଲେ ।
ଶୁଣାଣି ସମୟରେ ଜଷ୍ଟିସ୍ ବେଚୁ କୁରିଆନ୍ ଥୋମାସ୍ ତାଙ୍କ ଆଦେଶରେ କହିଛନ୍ତି ଯେ, ଯେହେତୁ ଝିିଅର ବିବାହ ଏକ ଶୁଭ ଉତ୍ସବ ଏବଂ ସେହି ସମାରୋହରେ କନ୍ୟାର ପିତାଙ୍କ ଉପସ୍ଥିତି ସବୁଠାରୁ ଉପଯୁକ୍ତ । ତେଣୁ କୋର୍ଟର ମତ ରହିଛି ଯେ, ତାଙ୍କ ଝିଅର ବିବାହରେ ଯୋଗଦେବା ପାଇଁ ଆବେଦନକାରୀଙ୍କ ସ୍ୱାମୀଙ୍କୁ ପାରୋଲ ଦିଆଯିବା ଉଚିତ ।
ଅଦାଲତ ଏହି ଆଦେଶରେ କହିଛନ୍ତି ଯେ, ବିବାହ କାର୍ଯ୍ୟ ଉଦ୍ଦେଶ୍ୟରେ ଜୟନନ୍ଦନଙ୍କୁ ୨୧ ମାର୍ଚ୍ଚ ୨୦୨୩ ରେ ସକାଳ ୯ ଟାରୁ ୫ ଟା ପର୍ଯ୍ୟନ୍ତ ତାଙ୍କ ଘରକୁ ଯିବାକୁ ଅନୁମତି ଦିଆଯାଇଛି ଏବଂ ସେହି ଦିନ ତାଙ୍କୁ ଜେଲକୁ ପଠାଯିବ । ଏହା ପରେ ତାଙ୍କୁ ମାର୍ଚ୍ଚ ୨୨ ରେ ସକାଳ ୯ ଟାରୁ ୫ ଟା ପର୍ଯ୍ୟନ୍ତ ବିବାହ ଉତ୍ସବରେ ଯୋଗଦେବାକୁ ମଧ୍ୟ ଅନୁମତି ଦିଆଯାଇଛି ।
