ବଡ଼ ଧରଣର ଅଗ୍ନିକାଣ୍ଡ: ଜଳିଗଲା ଶାଢ଼ୀ ଶୋ’ ରୁମ୍, ମାଲିକଙ୍କ ମୁଣ୍ଡରେ ପଡ଼ିଲା ଚଡ଼କ
ଭୁବନେଶ୍ୱର(ଓଡ଼ିଶା ଭାସ୍କର): ଅନୁଗୁଳରୁ ଏକ ବଡ଼ ଖବର ଆସିଛି । ଅଗ୍ନିକାଣ୍ଡରେ ଏକ ଶାଢ଼ୀ ଶୋ’ ରୁମ୍ ଜଳିଯାଇଛି । ଶୋ’ ରୁମରେ କୌଣସି କାରଣବଶତଃ ନିଆଁ ଲାଗି ଏକ ବଡ଼ ଧରଣର ଅଗ୍ନିକାଣ୍ଡ ଘଟିଯାଇଛି । ଜିଲ୍ଲା ସ୍ଥିତ ଶଙ୍କର ସିନେମା ରୋଡ୍ ମଙ୍ଗଳମ ଶାଢ଼ୀ ଶୋ’ ରୁମରେ ଏହି ଅଗ୍ନିକାଣ୍ଡ ହୋଇଥିବା ଜଣାପଡ଼ିଛି । ଏହି ଅଗ୍ନିକାଣ୍ଡ ଏବେ ଶୋ’ ରୁମ ମାଲିକଙ୍କ ଚିନ୍ତା ବଢ଼ାଇ ଦେଇଛି ।
ତେବେ ଅଗ୍ନିକାଣ୍ଡରେ ଶୋ’ ରୁମରେ ଥିବ ଅନେକ ଦାମୀ ଶାଢ଼ୀ ଜଳି ପୋଡ଼ି ପାଉଁଶ ହୋଇଛି । ଫଳରେ ଶୋ’ ରୁମ୍ ମାଲିକ ଏବେ ମୁଣ୍ଡରେ ହାତ ଦେଇ ବସିଛନ୍ତି । ଏତେ ବଡ଼ କ୍ଷତିକୁ କେମିତି ଭରଣା କରିବେ ସେନେଇ ତାଙ୍କ ମୁଣ୍ଡରେ ଏବେ ଚଡ଼କ ପଡ଼ିଛି । ଏହି କ୍ଷତିର ପରିମାଣ କେତେ ହେବ ସେନେଇ କିଛି ତଥ୍ୟ ମିଳି ପରିନାହିଁ ।
ସାଧାରଣ ଭାବେ ଅନେକ ଲୋକ ଶୋ’ ରୁମ ମାଧ୍ୟମରେ ନିଜର ପରିବାର ପ୍ରତିପୋଷଣ କରିବା ସହିତ ଅନ୍ୟମାନଙ୍କୁ ଚାକିରି ଦେବାରେ ମଧ୍ୟ ସହାୟକ ହୋଇଥାନ୍ତି । ତେଣୁ ଏଭଳି ସ୍ଥିତିରେ ଏହି ଅଗ୍ନିକାଣ୍ଡ ଏକାଧିକ ପରିବାରର ଦୁଃଖ ବଢ଼ାଇ ଦେଇଛି । ସୂଚନାଯୋଗ୍ୟ ଯେ, ଏହା ପୂର୍ବରୁ ଗତ ୩ ତାରିଖରେ ମଧ୍ୟ କେନ୍ଦୁଝର ଜିଲ୍ଲା ଡେଲି ମାର୍କେଟରେ ନିଆଁ ଲାଗିଯାଇଥିଲା । ଫଳରେ ଅଗ୍ନିକାଣ୍ଡରେ ୫୦ଟି ଦୋକାନର ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ନଷ୍ଟ ହୋଇଯାଇଥିଲା ।
ସେହିପରି ଏହା ପୂର୍ବରୁ ଗତ ମାସ ୮ ତାରିଖ ରାତି ପାଖାପାଖି ୭ଟା ସମୟରେ ପୁରୀ ବଡ଼ଦାଣ୍ଡ ସ୍ଥିତ ସମ୍ରାଟ ମାର୍କେଟ କମ୍ପ୍ଲେକ୍ସରେ ମଧ୍ୟ ନିଆଁ ଲାଗିଯାଇଥିଲା । ଉକ୍ତ ଅଗ୍ନିକାଣ୍ଡ ଏତେ ଭୟଙ୍କର ଥିଲା ଯେ ୧୦ରୁ ଅଧିକ ଦମକଳ ବାହିନୀ ମଧ୍ୟ ତାହାକୁ ଅଟକାଇବାରେ ବିଫଳ ହୋଇଥିଲେ । ପାଖାପାଖି ୩୬ ଘଣ୍ଟାର ଅନବରତ ପ୍ରୟାସ ପରେ ନିଆଁକୁ ଆୟତ୍ତ କରାଯାଇଥିଲା । ଏହି ଘଟଣାର ଗୋଟିଏ ଦିନ ପରେ ପୁଣି ପୁରୀ ନିଳାଦ୍ରୀ କମ୍ପ୍ଲେକ୍ସ ହାଣ୍ଡଲୁମ ଶୋ’ ରୁମରେ ନିଆଁ ଲାଗିଥିଲା ।
