ଭାଗ୍ୟ ଉପରେ ବିଶ୍ୱାସ ନଥିଲେ ନିଶ୍ଚୟ ଦେଖନ୍ତୁ ଏହି ଭିଡିଓ…. ଅତି ନିକଟରୁ ଅତିକ୍ରମ କଲା ମୃତ୍ୟୁ ! ଆନନ୍ଦ ମହିନ୍ଦ୍ରା ସେୟାର କରିଛନ୍ତି
ନୂଆଦିଲ୍ଲୀ : ଦୁନିଆରେ ଦୁଇ ପ୍ରକାରର ଲୋକଥାଆନ୍ତି । ଗୋଟିଏ ହେଉଛି ଯେଉଁମାନେ ନିଜ ପରିଶ୍ରମ ଉପରେ ବିଶ୍ୱାସ କରନ୍ତି, ଭାଗ୍ୟରେ ବିଶ୍ୱାସ ରଖନ୍ତ ନାହିଁ ଏବଂ ଅନ୍ୟମାନେ ହେଉଛନ୍ତି ଭାଗ୍ୟ ଉପରେ ବିଶ୍ୱାସ କରନ୍ତି, ସେହି ଅନୁଯାୟୀ କାର୍ଯ୍ୟ ମଧ୍ୟ କରନ୍ତି । କିନ୍ତୁ କିଛି ଲୋକ ଉଭୟ ଭାଗ୍ୟ ଏବଂ ପରିଶ୍ରମକୁ ବିଶ୍ୱାସ କରନ୍ତି । ଭାଗ୍ୟ ଭଳି କୌଣସି ଜିନିଷ ନାହିଁ ବୋଲି ଏମାନେ କେବେବି ସଂପୂର୍ଣ୍ଣ ଭାବରେ ଅବିଶ୍ୱାସ କରନ୍ତି ନାହିଁ । ଯଦି ଆପଣ ମଧ୍ୟ ଏହିପରି ଅଟନ୍ତି, ତେବେ ନିଶ୍ଚିତ ଭାବରେ ଏହି ଭିଡିଓ ଦେଖିବା ଉଚିତ୍, ଯାହା ଦେଖିବା ପରେ ଆପଣ ନିଶ୍ଚିତ ହେବେ ଯେ, ଯେତେବେଳ କର୍ମ ଓ ଭାଗ୍ୟ ମଣିଷ ସାଥିରେ ଥାଏ ସେତେବେଳେ ଜୀବନ ବଦଳିଯାଏ ।
ପ୍ରସିଦ୍ଧ ଶିଳ୍ପପତି ଆନନ୍ଦ ମହିନ୍ଦ୍ରା ଟ୍ୱିଟରରେ ଏଭଳି ଏକ ଭିଡିଓ ସେୟାର କରଛନ୍ତି । ମାନବ ଭାଗ୍ୟର ଏକ ଅନନ୍ୟ ଦୃଶ୍ୟ ଦେଖାଯାଉଥିବା ଭିଡିଓ ସେୟାର କରି ମହିନ୍ଦ୍ରା ଲେଖିଛନ୍ତି- “ଯଦି ତୁମେ କର୍ମ କିମ୍ବା ଭାଗ୍ୟରେ ବିଶ୍ୱାସ ତେବେ ଏହି ଭିଡିଓ ଆପଣଙ୍କୁ ପୁନର୍ବାର ଚିନ୍ତା କରିବାକୁ ବାଧ୍ୟ କରିବ!”
If you didn’t believe in Karma or Destiny, this may make you think again… ! pic.twitter.com/OtPn1P4rhJ
— anand mahindra (@anandmahindra) May 5, 2023
ଏହି ଭାଇରାଲ୍ ଭିଡିଓ ହେଉଛି ଏକ ସିସିଟିଭି ଫୁଟେଜ୍ ଯେଉଁଥିରେ ଜଣେ ବାଳକ ଫୁଟପାଥରେ ଠିଆ ହୋଇଥିବା ନଜର ଆସିଛନ୍ତି। ସେ ଫୁଟପାଥରେ ଠିଆ ହୋଇ ବୋଧେ କାହାକୁ ଅପେକ୍ଷା କରିଛନ୍ତି କିମ୍ବା ବହୁତ ବିରକ୍ତ ହେଉଛନ୍ତି । ଜୋତା ସହିତ କିଛି ମାରିବା ପରେ ସେ ନିଜ ସ୍ଥାନରୁ ଦୂରେଇ ଯାଆନ୍ତି ଯେତେବେଳେ ଏକ ହାଇ ସ୍ପିଡ୍ କାର ଆସି ସେଠାରେ ଥିବା ପୋଲ ସହିତ ଧକ୍କା ହୁଏ । ଏହି ଦୁର୍ଘଟଣା ପରେ ଦେଖିବାକୁ ମିଳିଛି ଯେ କାରଟି ଅଳ୍ପ ମାତ୍ରାରେ କ୍ଷତିଗ୍ରସ୍ତ ହୋଇଛି, କିନ୍ତୁ ପିଲାଟି ସମ୍ପୂର୍ଣ୍ଣ ଭାବରେ ବର୍ତ୍ତି ଯାଇଛି । ଯଦି ପିଲାଟା ସେଠାରେ ଥାଆନ୍ତା ନିଶ୍ଚିତ ଭାବରେ ଗୁରୁତର ଆହତ ହୋଇଥାନ୍ତା ନହେଲେ ଜୀବନ ଚାଲି ଯାଇଥାନ୍ତା । ନିଶ୍ଚିତ ଅଘଟଣରୁ ଅଳ୍ପକେ ବର୍ତ୍ତି ଯାଇଛି ପିଲାଟା ।
ଏହି ଭାଇରାଲ୍ ଭିଡିଓରେ ୯ ଲକ୍ଷରୁ ଅଧିକ ଭ୍ୟୁ ମିଳିଥିବାବେଳେ ଅନେକ ଲୋକ ମନ୍ତବ୍ୟ ଦେଇ ନିଜର ମତାମତ ଦେଇଛନ୍ତି। ଜଣେ କହିଛନ୍ତି ଯେ ଏହା ଦେଖିବା ପରେ ନିଶ୍ଚିତ ଭାବରେ କର୍ମ ଏବଂ ଭାଗ୍ୟ ଉପରେ ବିଶ୍ୱାସ କରିବା ଆରମ୍ଭ କରିବେ ।
