କୁସ୍ତିଯୋଦ୍ଧାଙ୍କ ଆନ୍ଦୋଳନରୁ ବିରତି ନେଇ ରେଲୱେରେ ନିଜ ଚାକିରି କ୍ଷେତ୍ରକୁ ଫେରି ଆସିଲେ ସାକ୍ଷୀ, ସ୍ୱାମୀ ସତ୍ୟବ୍ରତ କିନ୍ତୁ କହିଲେ ଆନ୍ଦୋଳନ ଜାରି ରହିବ
ନୂଆଦିଲ୍ଲୀ:ବିନେଶ ଫୋଗଟ୍, ସାକ୍ଷୀ ମଲ୍ଲିକ, ବଜରଙ୍ଗ ପୁନିଆଙ୍କ ନେତୃତ୍ୱରେ ସମସ୍ତ କୁସ୍ତିଯୋଦ୍ଧା କୁସ୍ତି ସଂଘ ଅଧ୍ୟକ୍ଷ ତଥା ବିଜେପି ସାଂସଦ ବ୍ରଜଭୂଷଣ ଶରଣ ସିଂହଙ୍କ ବିରୁଦ୍ଧରେ ଆନ୍ଦୋଳନ ଜାରି ରଖିଛନ୍ତି । ଏ ସମସ୍ତ କୁସ୍ତିଯୋଦ୍ଧା ବ୍ରଜଭୂଷଣ ଶରଣଙ୍କ ଉପରେ ଯୌନ ଉତ୍ପୀଡନ ଅଭିଯୋଗ ଲଗାଇଛନ୍ତି । ବ୍ରଜଭୂଷଣ ଶରଣଙ୍କ ଗିରଫ ଦାବୀ କରି ସମସ୍ତ କୁସ୍ତିଯୋଦ୍ଧାଏପ୍ରିଲ ୨୩ରୁ ଜନ୍ତରମନ୍ତର ଠାରେ ଧାରଣା ଦେଇଥିଲେ । ମେ’ ୨୮ରେ ପୋଲିସ ଜନ୍ତର ମନ୍ତର ଠାରେ ପହଞ୍ôଚ ଏମାନଙ୍କୁ ସେଠାରୁ ଖାଲି କରିଥିଲା ।
ଏବେ ସୂଚନା ମିଳିଛି କୁସ୍ତିଯୋଦ୍ଧା ସାକ୍ଷୀ ଏହି ଆନ୍ଦୋଳନରୁ ସାମୟିକ ଭାବରେ ଦୂରେଇ ଯାଇ ନିଜ ଚାକିରୀରେ ଯୋଗ ଦେବାକୁ ନିଷ୍ପତ୍ତି ନେଇଛନ୍ତି । କେବଳ ଏତିକି ନୁହେଁ ସେ ରେଲୱେରେ ପୂର୍ବରୁ କରୁଥିବା ନିଜ ଚାକିରୀକୁ ଫେରି ଯାଇଛନ୍ତି । ତେବେ ଏହା ପଛରେ କଣ କାରଣ ରହିଛି ତାହା ଏବେ ସାମ୍ନାକୁ ଆସି ନାହିଁ ।
ये खबर बिलकुल ग़लत है। इंसाफ़ की लड़ाई में ना हम में से कोई पीछे हटा है, ना हटेगा। सत्याग्रह के साथ साथ रेलवे में अपनी ज़िम्मेदारी को साथ निभा रही हूँ। इंसाफ़ मिलने तक हमारी लड़ाई जारी है। कृपया कोई ग़लत खबर ना चलाई जाए। pic.twitter.com/FWYhnqlinC
— Sakshee Malikkh (@SakshiMalik) June 5, 2023
୭ ଜଣ କୁସ୍ତିଯୋଦ୍ଧା ୨୧ ଏପ୍ରିଲରେ କନଟ୍ ପ୍ଲେସ୍ ଥାନାରେ ବ୍ରଜଭୂଷଣ ଶରଣଙ୍କ ବିରୁଦ୍ଧରେ ଅଭିଯୋଗ ପତ୍ର ଦାଖଲ କରିଥିଲେ । ଅଭିଯୋଗ ଆଧାରରେ ୨୮ ଏପ୍ରିଲରେ ଦିଲ୍ଲୀ ପୋଲିସ ବ୍ରଜଭୂଷଣ ଶରଣଙ୍କ ବିରୁଦ୍ଧରେ ମାମଲା ଦାୟର କରିଥିଲା । ନାବାଳିକା ଦ୍ୱାରା କରାଯାଇଥିବା ଅଭିଯୋଗ ଉପରେ ପୋସ୍କୋ ଆକ୍ଟ ଜରିଆରେ ମାମଲା ରୁଜୁ କରାଯାଇଛି ଓ ଅନ୍ୟ ଏକ ଏଫ୍ଆଇଆର୍ ଅନ୍ୟ କୁସ୍ତିଯୋଦ୍ଧାଙ୍କ ଅଭିଯୋଗ ଆଧାରରେ ରୁଜୁ କରାଯାଇଛି । ଏହି ମାମଲାରେ ପୋଲିସର ଯାଞ୍ଚ ଜାରି ରହିଛି ।
ଏହା ପୂର୍ବରୁ ଶନିବାର ରାତିରେ ସମସ୍ତ କୁସ୍ତିଯୋଦ୍ଧା ଗୃହମନ୍ତ୍ରୀ ଅମିତ ଶାହଙ୍କୁ ଭେଟି ଆଲୋଚନା କରିଥିଲେ । କିନ୍ତୁ ଏହି ଆଲୋଚନାରୁ କୌଣସି ନିଷ୍କର୍ଷ ବାହାରି ନ ଥିଲା । ଅନ୍ୟପକ୍ଷରେ ସାକ୍ଷୀଙ୍କ ସ୍ୱାମୀ ସତ୍ୟବ୍ରତ କହିଛନ୍ତି ଏହି ଆନ୍ଦୋଳନ ଜାରି ରହିବ ଏବଂ ଆମେ ଏଥିଲାଗି ନୂତନ ରଣନୀତି ପ୍ରସ୍ତୁତ କରୁଛୁ । ଏଠାରେ ସୂଚାଇ ଦିଆଯାଇପାରେ ସାକ୍ଷୀ ୨୦୧୬ ଅଲମ୍ପିକ୍ ରେ ବ୍ରୋଞ୍ଜ ପଦକ ଜିତିଥିଲେ ।
