ସାଧାରଣ ସମାରୋହରେ ବିବାହ କଲେ ଅର୍ଥମନ୍ତ୍ରୀର ନିର୍ମଳା ସୀତାରମଣଙ୍କ ଝିଅ: ସାମ୍ନାକୁ ଆସିଲା ଫଟୋ
ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଝିଅ ପରକଳା ୱାଙ୍ଗମଇ ଗୁରୁବାର (ଜୁନ୍ ୮) ରେ ବିବାହ ବନ୍ଧନରେ ବାନ୍ଧି ହୋଇଛନ୍ତି । ବାଙ୍ଗାଲୋର ସ୍ଥିତ ଘରେ ହିଁ ଏହି ବିବାହ ସମ୍ପର୍ଣ୍ଣ ହୋଇଛି । ବିବାହ ସମାରୋହର ଫଟୋ ଏବେ ସାମ୍ନାକୁ ଆସିଛି । କୁହାଯାଉଛି ଯେ ପରକଳା ୱାଙ୍ଗମଇ ଘରେ ଏକ ସାଧାରଣ ସମାରୋହରେ ବିବାହ କରିଥିଲେ, ଯେଉଁଥିରେ କେବଳ ପରିବାର ସଦସ୍ୟ ଏବଂ ବନ୍ଧୁମାନେ ଯୋଗ ଦେଇଥିଲେ ।
ବିବାହ ସମାରୋହରେ ରାଜନୈତିକ ବ୍ୟକ୍ତିତ୍ୱଙ୍କୁ ଦେଖିବାକୁ ମିଳି ନଥିଲା । ପରକଳା ୱାଙ୍ଗମଇଙ୍କ ସ୍ୱାମୀଙ୍କ ନାମ ପ୍ରତୀକ । ଅର୍ଥମନ୍ତ୍ରୀଙ୍କ ଝିଅର ବିବାହ ବ୍ରାହ୍ମଣ ପରମ୍ପରା ଅନୁଯାୟୀ ଏବଂ ଉଦୁପି ଅଦାମାରୁ ମଠଙ୍କ ଆଶୀର୍ବାଦରେ ହୋଇଛି ।
ତେବେ ପରକଳା ୱାଙ୍ଗମଇ ବୃତ୍ତି ଅନୁଯାୟୀ ମଲ୍ଟିମିଡିଆ ସାମ୍ବାଦିକ । ସେ ଉତ୍ତର-ପଶ୍ଚିମ ବିଶ୍ୱବିଦ୍ୟାଳୟ, ବୋଷ୍ଟନ୍, ମାସାଚୁସେଟ୍ସରୁ ସାମ୍ବାଦିକତାରେ ମାଷ୍ଟର ଅଫ୍ ସାଇନ୍ସ କରିଛନ୍ତି । ସେ ଦିଲ୍ଲୀ ବିଶ୍ୱବିଦ୍ୟାଳୟରୁ ଇଂରାଜୀ ସାହିତ୍ୟରେ ବିଏସ ଏବଂ ଏମଏ କରିଛନ୍ତି । ସେ ଲାଇଭ ମେଣ୍ଟ, ଭଏସ୍ ଅଫ୍ ଫ୍ୟାଶନ୍ ଏବଂ ଦି ହିନ୍ଦୁ ଭଳି ସଂଗଠନ ସହ କାମ କରିଛନ୍ତି ।
