୧୦ ବର୍ଷ ପରେ ବାପା ହେଲେ ରାମ ଚରଣ, ଉପାସନା ଦେଲେ କନ୍ୟା ଶିଶୁକୁ ଜନ୍ମ
ନୂଆଦିଲ୍ଲୀ: ସାଉଥ ଚଳଚ୍ଚିତ୍ର ଜଗତର ସୁପରଷ୍ଟାର ରାମ ଚରଣଙ୍କ ଘରେ ଶିଶୁ କନ୍ୟା ଜନ୍ମ ନେଇଛି । ରାମ ଚରଣଙ୍କ ପତ୍ନୀ ଉପାସନାଙ୍କୁ ପ୍ରସବ ପାଇଁ ଗତକାଲି ରାତିରେ ହସ୍ପିଟାଲରେ ଭର୍ତ୍ତି କରାଯାଇଥିଲା । ଖବର ଅନୁଯାୟୀ, ଆଜି ଅର୍ଥାତ ୨୦ ଜୁନ ସକାଳେ ତାଙ୍କ ଘରକୁ ଖୁସି ଖବର ଆସିଛି । କୁହାଯାଉଛି ଏହି ଖୁସି ୧୦ ବର୍ଷ ପରେ ରାମ ଚରଣଙ୍କୁ ମିଳିଛି । RRR ଅଭିନେତା ରାମ ଚରଣଙ୍କ ଘରେ ଖୁସିର ବାତାବରଣ ରହିବା ସହ ପ୍ରଶଂସକମାନେ ଉତ୍ସାହର ସହିତ ଅଭିନେତାଙ୍କୁ ଅଭିନନ୍ଦନ ଜଣାଇବା ପାଇଁ ଅପେକ୍ଷା କରିଛନ୍ତି।
ନିକଟରେ ରାମ ଚରଣ ଏବଂ ଉପସାନା ସେମାନଙ୍କର ଏକାଦଶ ବିବାହ ବାର୍ଷିକୀ ପାଳନ କରିଥିଲେ। ଦୀର୍ଘ ଦିନ ଧରି ଉପସାନାଙ୍କ ଗର୍ଭଧାରଣ ବିଷୟରେ ଏକ ଆଲୋଚନା ହୋଇଥିଲା। ନିକଟରେ, ଉପସାନା ଡାକ୍ତରଖାନା ଗସ୍ତ ପରେ ଖବର ସାମ୍ନାକୁ ଆସିଥିଲା ଯେ, ୧୬ ଜାନୁୟାରୀ ପରେ ରାମ ଚରଣଙ୍କ ଘରେ ଯେକୌଣସି ସମୟରେ ଖୁସି ଖବର ଆସିପାରେ। ଉପସାନା ଏବଂ ରାମ ଚରଣ ୧୯ ଜୁନ୍ ରାତିରେ ଡାକ୍ତରଖାନାରେ ପହଞ୍ଚିଥିଲେ। ଏହି ସମୟରେ ଉପାସାନା ଗୋଲାପୀ ଟି-ସାର୍ଟ ଏବଂ କଳା ଟ୍ରାଉଜରରେ ଦେଖାଯାଇଥିଲେ।
ସାଉଥ ମେଗା ତାରକା ଚିରଞ୍ଜୀବୀ ଏବଂ ତାଙ୍କ ପତ୍ନୀ ସୁରେଖା ବର୍ତ୍ତମାନ ଜେଜେବାପା ହୋଇଛନ୍ତି। ଏହି ଖବର ପରଠାରୁ ରାମ ଚରଣ ଏବଂ ଉପାସାନାଙ୍କର ସମଗ୍ର ପରିବାର ଖୁସି ଅଛନ୍ତି। ଡିସେମ୍ବର ୨୦୨୨ ରେ ରାମ ଚରଣ ଏବଂ ଉପସାନା ସମସ୍ତଙ୍କ ସହ ଖୁସି ଖବର ବାଣ୍ଟିଛନ୍ତି। ଉଭୟ ୧୪ ଜୁନ୍ ୨୦୧୨ ରେ ବିବାହ କରିଥିଲେ। ଏଭଳି ପରିସ୍ଥିତିରେ, ୧୦ ବର୍ଷ ପରେ, ତାଙ୍କ ଘରେ ନୂଆ ଖୁସି ଆସିଛି।
