ଆଜି ଅମୃତ ଭାରତ ଷ୍ଟେସନ ଯୋଜନାକୁ ଉନ୍ମୋଚନ କରିବେ ପ୍ରଧାନମନ୍ତ୍ରୀ ମୋଦୀ, ଦେଶରେ ୫୦୮ଟି ଷ୍ଟେସନର ହେବ ନବୀକରଣ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଭିଡିଓ କନଫରେନ୍ସିଂ ଜରିଆରେ ଅମୃତ ଭାରତ ଯୋଜନାକୁ ଉନ୍ମୋଚନ କରିବେ । ଏକ ସାଙ୍ଗରେ ସାରା ଦେଶରେ ୫୦୮ଟି ଷ୍ଟେସନକୁ ନବୀକରଣ କରାଯିବ । ଏନେଇ ଷ୍ଟେସନରେ କାର୍ଯ୍ୟକ୍ରମର ବ୍ୟବସ୍ଥା କରାଯାଇଛି । ଏଥିରେ ସେହି ଅଞ୍ଚଳର କେନ୍ଦ୍ରୀୟ ମନ୍ତ୍ରୀ, ସାଂସଦ ଏବଂ ବିଧାୟକ ଉପସ୍ଥିତ ରହିବେ । ଏହିସବୁ ଷ୍ଟେସନରେ ଏହି ଭବ୍ୟ କାର୍ଯ୍ୟକ୍ରମର ଲାଇଭ ପ୍ରସାରଣ ଜାରି ରହିବ । ଏହି ଯୋଜନା ଅନୁଯାୟୀ, ରେଲୱେ ଷ୍ଟେସନ ଗୁଡିକରେ ବଡ଼ ବଡ଼ ସ୍କ୍ରିନ ଲଗାଯିବ, ଯେଉଁଥିରେ ଲୋକମାନେ ରେଲୱେର ସଂପୂର୍ଣ୍ଣ ଯୋଜନା ବିଷୟରେ ଲୋକେ ଅବଗତ ରହିବେ ।
ଉତ୍ତର ରେଳବାଇର ଜେନେରାଲ୍ ମ୍ୟାନେଜର ଶୋଭାନ୍ ଚୌଧୁରୀଙ୍କ ଅନୁଯାୟୀ, ଏହା ଦେଶର ହଜାର ହଜାର ସହରକୁ ସହର ସହ ସଂଯୋଗ କରି ଲକ୍ଷ ଲକ୍ଷ ଲୋକଙ୍କ ପାଇଁ ପରିବହନର ଏକ ଗୁରୁତ୍ୱପୂର୍ଣ୍ଣ ମାଧ୍ୟମ ଯୋଗାଇବା ଏବଂ ଏହା ବିଶ୍ୱର ସବୁଠୁ ବଡ ତଥା ବ୍ୟସ୍ତବହୁଳ ରେଳ ନେଟୱାର୍କ ହେବ। ଗତ ନଅ ବର୍ଷ ଧରି ଭାରତୀୟ ରେଳର ଆଧୁନିକୀକରଣ ପ୍ରକ୍ରିୟା ଚାଲିଛି। ଏହା ଅଧୀନରେ ଭିତ୍ତିଭୂମି, ପ୍ରଯୁକ୍ତିବିଦ୍ୟା ଏବଂ ଯାତ୍ରୀ ସୁବିଧା ସୁଧାରିବା ପାଇଁ ପ୍ରୟାସ କରାଯାଉଛି। ଏହି ଉଚ୍ଚାଭିଳାଷୀ ଯୋଜନାରେ ରେଳ ଷ୍ଟେସନକୁ ନବୀକରଣ, ନୂତନ ରେଳ ଲାଇନ ସ୍ଥାପନ, ଶତପ୍ରତିଶତ ବିଦ୍ୟୁତିକରଣ ଏବଂ ଯାତ୍ରୀ ଏବଂ ସମ୍ପତ୍ତିର ସୁରକ୍ଷା ବୃଦ୍ଧି ଭଳି ବିଭିନ୍ନ କାର୍ଯ୍ୟକଳାପ ଅନ୍ତର୍ଭୁକ୍ତ।
ପ୍ରଧାନମନ୍ତ୍ରୀ ୫୦୮ ଷ୍ଟେସନର ପୁନଃନିର୍ମାଣ କାର୍ଯ୍ୟ ଆରମ୍ଭ କରିବା ସହିତ ସମଗ୍ର ଭାରତରେ ‘ଅମୃତ ଭାରତ ଷ୍ଟେସନ ଯୋଜନା’ ଉଦ୍ଘାଟନ କରିବେ, ସେଥିମଧ୍ୟରୁ ୭୧ଟି ରେଳ ଷ୍ଟେସନ ଉତ୍ତର ରେଳ ଜୋନରେ ଅଛି। ଏହାକୁ ଦୃଷ୍ଟିରେ ରଖି ରେଳବାଇ ଦିଲ୍ଲୀ କ୍ୟାଣ୍ଟ, ଦିଲ୍ଲୀ ସାବଜୀ ମାଣ୍ଡି ଏବଂ ନରେଲା ଠାରେ କାର୍ଯ୍ୟକ୍ରମ ଆୟୋଜନ କରିବ।
ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ଏକ ବିବୃତ୍ତିରେ କହିଛି ଯେ, ପୁନଃ ନିର୍ମାଣ ପ୍ରକଳ୍ପର ମୂଲ୍ୟ ୨୪,୪୭୦ କୋଟି ଟଙ୍କା ହେବ ଏବଂ ଏହା ଯାତ୍ରୀମାନଙ୍କୁ ଆଧୁନିକ ସୁବିଧା ଯୋଗାଇବ। ରେଳ ଷ୍ଟେସନ ଯେଉଁଥି ପାଇଁ ପ୍ରଧାନମନ୍ତ୍ରୀ ପୁନଃନିର୍ମାଣ ପାଇଁ ଭିତ୍ତି ପ୍ରସ୍ତର ସ୍ଥାପନ କରିବେ, ଯଥା- ଉତ୍ତରପ୍ରଦେଶ ଏବଂ ରାଜସ୍ଥାନରେ ୫୫ଟି, ବିହାରରେ ୪୯, ମହାରାଷ୍ଟ୍ରରେ ୪୪, ପଶ୍ଚିମବଙ୍ଗରେ ୩୭, ମଧ୍ୟପ୍ରଦେଶରେ ୩୪, ଆସାମରେ ୩୨, ଓଡିଶାରେ ୨୫, ପଞ୍ଜାବ, ଗୁଜୁରାଟ ଏବଂ ତେଲେଙ୍ଗାନାରେ ୨୨ ଟି, ଝାଡଖଣ୍ଡ ୨୦, ଆନ୍ଧ୍ରପ୍ରଦେଶ ଏବଂ ତାମିଲନାଡୁ ୧୮, ହରିୟାଣା ୧୫ ଏବଂ କର୍ଣ୍ଣାଟକ ୧୩ ରେ କରାଯିବ।
