ଦଶମ ପାସ୍ କରିଥିବା ପ୍ରାର୍ଥୀଙ୍କ ପାଇଁ ସେନାରେ ବିଭିନ୍ନ ପଦବୀ ପାଇଁ ନିଯୁକ୍ତି: ଆଜିଠୁ କରନ୍ତୁ ଆବେଦନ

ନୂଆଦିଲ୍ଲୀ: ଦଶମ ପାସ୍ କରିବା ପରେ ସେନା ନିଯୁକ୍ତି ପାଇଁ ପ୍ରସ୍ତୁତ ହେଉଥିବା ଯୁବକମାନଙ୍କ ପାଇଁ ଆସିଛି ଏକ ଖୁସି ଖବର । ମୁଖ୍ୟାଳୟ ସାଉଥ୍ କମାଣ୍ଡ (ଆର୍ମି) ଏନଟିଏମ ସମେତ ବିଭିନ୍ନ ପଦବୀରେ ନିଯୁକ୍ତି ପାଇଁ ଆବେଦନ ମାଗିଛି । ଆଗ୍ରହୀ ପ୍ରାର୍ଥୀମାନେ ଆଜିଠାରୁ ଅର୍ଥାତ୍ ୧୮ ସେପ୍ଟେମ୍ବର ୨୦୨୩ ରୁ ଆବେଦନ କରିପାରିବେ । ଆବେଦନ ଫର୍ମ ଦାଖଲ କରିବାର ଶେଷ ତାରିଖ ୮ ଅକ୍ଟୋବର ୨୦୨୩ ବୋଲି ସ୍ଥିର କରାଯାଇଛି ।

ଜାରି ହୋଇଥିବା ସରକାରୀ ନିଯୁକ୍ତି ବିଜ୍ଞାପନ ଅନୁଯାୟୀ, ଯେଉଁ ଖାଲି ପଦବୀଗୁଡ଼ିକ ପାଇଁ ଆବେଦନ ମଗାଯାଇଛି, ସେଥିମଧ୍ୟରେ ଏମଟିଏସ(ମେସେଞ୍ଜର)ର ୧୩ ଟି ପଦ, ଏମଟିଏସ (ଅଫିସ୍)ର ୩ ଟି ପଦ, ୱାଶରମ୍ୟାନ୍ଙ୍କ ୨ ଟି ପୋଷ୍ଟ, କୁକ ପାଇଁ ୨ ଟି ପଦ, ଲେବର ପାଇଁ ୩ ଟି ପଦ ଏବଂ ଏମଟିଏସ ଗାର୍ଡେନର ୧ ଟି ପଦ ରହିଛି । ମୁଖ୍ୟାଳୟ ସାଉଥ୍ କମାଣ୍ଡ (ଆର୍ମି)ର ଅଫିସିଆଲ୍ ୱେବସାଇଟ୍ hqscrecruitment.in ମାଧ୍ୟମରେ ଆବେଦନ କରିବାକୁ ପଡିବ ।

ଯୋଗ୍ୟତା :-
ଏହି ସମସ୍ତ ପଦବୀ ପାଇଁ ଆବେଦନ କରୁଥିବା ପ୍ରାର୍ଥୀଙ୍କ ପାଇଁ ଦଶମ ପାସ୍ କରିବା ବାଧ୍ୟତାମୂଳକ । ଏହା ବ୍ୟତୀତ ପ୍ରାର୍ଥୀଙ୍କର ସମ୍ପୃକ୍ତ ପଦବୀରେ କାର୍ଯ୍ୟ କରିବାର ଅଭିଜ୍ଞତା ମଧ୍ୟ ରହିବା ଉଚିତ୍ ।

ବୟସ ସୀମା – ଆବେଦନ କରୁଥିବା ଯୁବକମାନଙ୍କର ବୟସ ୧୮ ବର୍ଷରୁ ୨୫ ବର୍ଷ ମଧ୍ୟରେ ହେବା ଉଚିତ୍ । ଏଥି ସହିତ, ଓବିସି ବର୍ଗକୁ ଉପର ବୟସ ସୀମାରେ ୩ ବର୍ଷର ଆରାମ ଏବଂ ଏସସି ଏବଂ ଏସଟି ବର୍ଗକୁ ୫ ବର୍ଷ ରିଲିଫ୍ ଦିଆଯାଇଛି ।

ଏପରି କରନ୍ତୁ ଆବେଦନ :-
-ଅଫିସିଆଲ୍ ୱେବସାଇଟ୍ hqscrecruitment.inକୁ ଯାଆନ୍ତୁ ।
-ହୋମପେଜରେ ଦିଆଯାଇଥିବା ନିଯୁକ୍ତି ସେକ୍ସନରେ କ୍ଲିକ୍ କରନ୍ତୁ ।
-ବର୍ତ୍ତମାନ ଏମଟିଏନ ନିଯୁକ୍ତି ବିଜ୍ଞପ୍ତିରେ କ୍ଲିକ୍ କରନ୍ତୁ ।
-ବିଜ୍ଞପ୍ତିରେ ଉଲ୍ଲେଖ କରାଯାଇଥିବା ନିୟମ ଅନୁଯାୟୀ ଆପ୍ଲାଏ କରନ୍ତୁ ।

କିପରି କରାଯିବ ଚୟନ?
ଏହି ବିଭିନ୍ନ ପଦବୀ ପାଇଁ ଆବେଦନକାରୀଙ୍କୁ ଲିଖିତ ପରୀକ୍ଷା ଏବଂ ଦକ୍ଷତା ପରୀକ୍ଷା ମାଧ୍ୟମରେ ଚୟନ କରାଯିବ । ଲିଖିତ ପରୀକ୍ଷାରେ ଜେନେରାଲ ଇଣ୍ଟେଲିଜେନ୍ସ, ରିଜିଙ୍ଗ୍, ଜେନେରାଲ୍ ନଲେଜ୍ ଏବଂ ଇଂରାଜୀ ଭାଷାରୁ ପ୍ରଶ୍ନ ପଚରାଯିବ । ଲିଖିତ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ପ୍ରାର୍ଥୀମାନେ ଦକ୍ଷତା ପରୀକ୍ଷାରେ ସାମିଲ ହେବେ । ଅଧିକ ସୂଚନା ପାଇଁ ପ୍ରାର୍ଥୀମାନେ ପ୍ରକାଶିତ ନିଯୁକ୍ତି ବିଜ୍ଞପ୍ତି ଯାଞ୍ଚ କରିପାରିବେ ।