‘ବେଶ୍ୟାବୃତ୍ତି’କୁ ନେଇ ସମ୍ବେଦନହୀନ ଓ ମଜାଳିଆ ମନ୍ତବ୍ୟ ଦେଇ ସମାଲୋଚିତ ହେଲେ ହାସ୍ୟ ଅଭିନେତ୍ରୀ ବିଦୁଷୀ ସ୍ୱରୂପ
ଓଡ଼ିଶା ଭାସ୍କର: ଷ୍ଟାଣ୍ଡଅପ୍ କମେଡି ଆଜିକାଲି ମନୋରଞ୍ଜନର ଏକ ଜଣାଶୁଣା ମାଧ୍ୟମ ପାଲଟିଛି । ଆଜିକାଲି ଅଧିକାଂଶ ଲୋକ, ଖାଲି ସମୟ ମିଳିଲେ ନିଜକୁ ଟିକେ ଖୁସି ରଖିବାକୁ ଷ୍ଟାଣ୍ଡଅପ୍ କମେଡି ଭିଡିଓ ଦେଖୁଛନ୍ତି। ଏମିତି ବି ଲୋକ ଅଛନ୍ତି ଯେଉଁମାନେ ଏହି ସୋ ଗୁଡ଼ିକୁ ଲାଇଭ୍ ଦେଖିବା ପାଇଁ ବିଭିନ୍ନ ସ୍ଥାନକୁ ଯାଆନ୍ତି। ଏବେ ଏକ ଷ୍ଟାଣ୍ଡଅପ୍ କମେଡିର ଭିଡିଓ ଭାଇରାଲ ହେବାରେ ଲାଗିଛି ଏବଂ ତାକୁ ସମାଲୋଚନା ମଧ୍ୟ କରାଯାଉଛି। ଏଥିରେ ଷ୍ଟାଣ୍ଡଅପ୍ କମେଡି ଅଭିନେତ୍ରୀ ବିଦୁଷୀ ସ୍ୱରୂପ ନଜର ଆସିଛନ୍ତି । ଏହି ଭିଡିଓଟି ତାଙ୍କର ଏକ ୟୁଟ୍ୟୁବର ଭିଡିଓ ଯାହାର ଶୀର୍ଷକ ହେଉଛି ‘ବେଶ୍ୟାବୃତ୍ତି’। ଏହି ଭିଡିଓରେ ସେ ବେଶ୍ୟାବୃତ୍ତିକୁ ନେଇ ମଜାଳିଆ କଥା କହିଥିବାର ଦେଖିବାକୁ ମିଳିଛି।
କମେଣ୍ଟରେ ଲୋକମାନେ ତାଙ୍କ ‘ସମ୍ବେଦନହୀନ’ ଆଭିମୁଖ୍ୟକୁ ସମାଲୋଚନା କରୁଥିବା ଦେଖିବାକୁ ମିଳୁଛି। ଅନେକ ଲୋକ ଏଥି ପାଇଁ ତାଙ୍କୁ ସମାଲୋଚନା ମଧ୍ୟ କରିଥିଲେ। ଦୀପିକା ନାରାୟଣ ଭରଦ୍ୱାଜ ନାମକ ଜଣେ ୟୁଜର ଏହି ଭିଡିଓକୁ ‘ଏକ୍ସ’ରେ ଅପଲୋଡ୍ କରିଛନ୍ତି।
5 minute se soch rahi hu ki kya likhu isko describe karne ke liye lekin itni vaahiyaat comedy hai ki shabd hi nahi mil rahe pic.twitter.com/lRLX6YBFv2
— Deepika Narayan Bhardwaj (@DeepikaBhardwaj) October 22, 2023
ପ୍ରଥମତଃ, ସେ ଯେଭଳି ଭାବରେ ‘ବେଶ୍ୟାବୃତ୍ତି’କୁ ଏକ ବୃତ୍ତି ଭାବରେ ଅନ୍ତର୍ଭୁକ୍ତ କରିଛନ୍ତି, ତାହା ଦୁନିଆର ଅନ୍ୟ କୌଣସି ବୃତ୍ତି ପ୍ରତି ଏକ ବଡ଼ ଅସମ୍ମାନ। ଅଶ୍ଳୀଳ ଜିନିଷକୁ ସ୍ୱାଭାବିକ କରିବା,” ଜଣେ ‘ଏକ୍ସ’ ବ୍ୟବହାରକାରୀ କମେଣ୍ଟ କରିଛନ୍ତି। ଆଉ ଜଣେ ବ୍ୟକ୍ତି ଲେଖିଛନ୍ତି, “ୱାଓ ଏବେ ଆମେ ଷ୍ଟାଣ୍ଡଅପ୍ କମେଡି ପାଇଁ ବେଶ୍ୟାବୃତ୍ତିକୁ ଏକ ବିଷୟ ଭାବରେ ବ୍ୟବହାର କରୁଛୁ?”
