ମଡେଲ୍ ଦିବ୍ୟା ପାହୁଜାଙ୍କୁ ହତ୍ୟା ମାମଲା; ହୋଟେଲରୁ ମିଲିଲା ମୃତଦେହ

ନୂଆଦିଲ୍ଲୀ: ମଡେଲ୍ ଦିବ୍ୟା ପାହୁଜାଙ୍କୁ ହତ୍ୟା । ଗୁରୁଗ୍ରାମର ଏକ ହୋଟେଲରୁ ତାଙ୍କ ମୃତଦେହ ମିଳିଛି । ଦିବ୍ୟାଙ୍କୁ କେହି ଗୁଳିକରି ହତ୍ୟା କରିଥିବା ଜଣାପଡ଼ିଛି । ଏକ ହତ୍ୟା ମାମଲାରେ ଗିରଫ ଦିବ୍ୟାଙ୍କୁ କିଛି ମାସ ତଳେ ଜାମିନ ମିଳିଥିଲା । ୨୦୧୬ ଫେବ୍ରୁଆରି ୭ ତାରିଖରେ ମୁମ୍ବାଇର ଏକ ହୋଟେଲରେ ପୋଲିସ ଏନକାଣ୍ଟରରେ ପ୍ରାଣ ହରାଇଥିଲା ଗୁରୁଗ୍ରାମର ମୋଷ୍ଟ ୱାଣ୍ଟେଡ୍ ଗ୍ୟାଙ୍ଗଷ୍ଟର୍ ସନ୍ଦୀପ ଗଡ଼ୋଲି । ସନ୍ଦୀପର ପ୍ରେମିକା ଥିଲେ ଦିବ୍ୟା । ମୁମ୍ବାଇ ହୋଟେଲରେ ସନ୍ଦୀପକୁ ଏନକାଣ୍ଟର ବେଳେ ଦିବ୍ୟା ମଧ୍ୟ ସେଠାରେ ଥିଲେ । ମଡେଲ ଦିବ୍ୟାଙ୍କୁ ହନି ଟ୍ରାପ ଭାବେ ବ୍ୟବହାର କରି ସନ୍ଦୀପକୁ ହୋଟେଲକୁ ଡାକିଥିଲା ମୁମ୍ବାଇ ପୋଲିସ । ସେହିଠାରେ ହିଁ ତାକୁ କରାଯାଇଥିଲା ଏନକାଉଣ୍ଟର ।

ତେବେ ଏହି ଏନକାଉଣ୍ଟର ମିଥ୍ୟା ପ୍ରମାଣିତ ହେବା ପରେ ଦିବ୍ୟା, ତାଙ୍କ ମାଆ ଓ ୫ ଜଣ ପୋଲିସ କର୍ମଚାରୀଙ୍କୁ ଗିରଫ କରାଯାଇ ଥିଲା । ସେହି ମାମଲାରେ ଦିବ୍ୟାଙ୍କୁ କିଛି ମାସ ତଳେ ଜାମିନ ମିଳିଥିଲା । କିନ୍ତୁ ଏବେ ଗୁରୁଗ୍ରାମ ହୋଟେଲରୁ ତାଙ୍କ ମୃତଦେହ ମିଳିଛି । ୬ ବର୍ଷ ଜେଲରେ ରହିବା ପରେ ଗତବର୍ଷ ଜୁନ ମାସରେ ବମ୍ବେ ହାଇକୋର୍ଟରୁ ତାଙ୍କୁ ଜାମିନ ମିଳିଥିଲା । ରାତିରେ ଜଣେ ୨୭ ବର୍ଷୀୟା ଯୁବତୀଙ୍କୁ ହତ୍ୟା ମାମଲାରେ ଅତି କମ୍ରେ ୩ ଜଣଙ୍କୁ ଗିରଫ କରାଯାଇଛି। ହୋଟେଲର ମାଲିକ ଅଭିଜିତ ସିଂହ ହତ୍ୟା କରିଥିବା ଅଭିଯୋଗ ହୋଇଛି। ସିସିଟିଭି ଫୁଟେଜ୍ ଆଧାରରେ ଅଭିଯୁକ୍ତମାନେ ମୃତଦେହକୁ ହୋଟେଲରୁ କାର୍ କୁ ଟାଣି ନେଇଥିବା ଦେଖିବାକୁ ମିଳିଥିଲା।