ଡାଏଟରେ ଏହି ଖାଦ୍ୟ ସାମିଲ କଲେ ନିୟନ୍ତ୍ରଣକୁ ଆସିଥାଏ ଖରାପ କୋଲେଷ୍ଟ୍ରଲ, ମିଳିଥାଏ ଅନେକ ସମସ୍ୟାରୁ ମୁକ୍ତି
ଖରାପ ଖାଦ୍ୟ ଅଭ୍ୟାସ ହେତୁ ଅନେକ ପ୍ରକାରର ଅନାବଶ୍ୟକ ଜିନିଷ ଶରୀରରେ ଜମା ହେବା ଆରମ୍ଭ କରେ ଯାହା ଶରୀରକୁ କ୍ଷତି ପହଞ୍ଚାଇଥାଏ । ଅନେକ ଥର ଫାଷ୍ଟଫୁଡ୍ କିମ୍ବା ବାହାର ଖାଦ୍ୟ ଖାଇବା ଦ୍ୱାରା ଶରୀରରେ କୋଲେଷ୍ଟ୍ରଲ୍ର ସ୍ତର ବଢି ଯାଇଥାଏ, ଯାହା ଆପଣଙ୍କ ପାଇଁ ମଧ୍ୟ ସାଂଘାତିକ ହୋଇପାରେ । ଏହା ଦୀର୍ଘ ସମୟ ମଧ୍ୟରେ ଷ୍ଟ୍ରୋକ ଭଳି ସମସ୍ୟା ସୃଷ୍ଟି କରିଥାଏ । କୋଲେଷ୍ଟ୍ରଲ ହେଉଛି ଏକ ପ୍ରକାର ଚର୍ବି ଯାହା ରକ୍ତରେ ଥାଏ । ଶରୀରର ସ୍ୱାସ୍ଥ୍ୟ ପାଇଁ କୋଲେଷ୍ଟ୍ରଲ ଅତ୍ୟନ୍ତ ଗୁରୁତ୍ୱପୂର୍ଣ୍ଣ କିନ୍ତୁ ଯେତେବେଳେ ଏହା ଅତ୍ୟଧିକ ବୃଦ୍ଧି ପାଇବା ଆରମ୍ଭ କରେ, ସେତେବେଳେ ଏହାକୁ ନିୟନ୍ତ୍ରଣ କରିବା ଆବଶ୍ୟକ ହୋଇଥାଏ । ଆସନ୍ତୁ ଜାଣିିବା ଏପରି କିଛି ଖାଦ୍ୟ ଅଛି ଯାହା ଉଚ୍ଚ ସ୍ତରର କୋଲେଷ୍ଟ୍ରଲ ହ୍ରାସ କରିବାରେ ସାହାଯ୍ୟ କରେ ।
ଡ୍ରାଏ ଫୁଟ୍ସ ଖାଇବା ଦ୍ୱାରା ଉଚ୍ଚ କୋଲେଷ୍ଟ୍ରଲ କମିଯାଏ :-
ଶୀତ ଋତୁରେ ଡ୍ରାଏ ଫ୍ରୁଟ୍ସ ଆପଣଙ୍କ ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ । ଡ୍ରାଏ ଫ୍ରୁଟ୍ସ ଖାଇବା ଦ୍ୱାରା ଶରୀରର ଖରାପ କୋଲେଷ୍ଟ୍ରଲ କମିବା ଆରମ୍ଭ କରେ । ଏଥିରେ ସୁସ୍ଥ ଚର୍ବି ପ୍ରଚୁର ଥାଏ । ଏଥିରେ ଥିବା ଫାଇବର ପେଟ ଜନିତ ସମସ୍ୟାରୁ ମୁକ୍ତି ଦେଇଥାଏ ।
ସୋୟାବିନକୁ ଖାଦ୍ୟର ଏକ ଅଂଶ କରନ୍ତୁ :-
ସୋୟାବିନ୍ କିମ୍ବା ସୋୟା ଉଚ୍ଚ କୋଲେଷ୍ଟ୍ରଲ ସ୍ତରକୁ ହ୍ରାସ କରିବା ପାଇଁ କାମ କରେ । ଏହା ଖାଇବାରେ ସ୍ୱାଦିଷ୍ଟ ଏବଂ ଏଥିରେ ପ୍ରୋଟିନ୍ ମଧ୍ୟ ସଠିକ୍ ପରିମାଣରେ ମିଳିଥାଏ, ଯାହା ମାଂସପେଶୀ ପାଇଁ ମଧ୍ୟ ଲାଭଦାୟକ ହୋଇଥାଏ ।
କଖାରୁ ପ୍ରସ୍ତୁତ ଖାଦ୍ୟ :_
ଶରୀରର ବଢୁଥିବା କୋଲେଷ୍ଟ୍ରଲକୁ ହ୍ରାସ କରିବା ପାଇଁ କଖାରୁ ଏକ ଭଲ ଖାଦ୍ୟ ହୋଇଥାଏ । ଏହା ବଦଳରେ ଆପଣ ଗାଜର, ଲେମ୍ବୁ ଏବଂ କମଳା ମଧ୍ୟ ବ୍ୟବହାର କରିପାରିବେ । ଏହି ସବୁ ଖାଦ୍ୟ ଖାଇବା ଦ୍ୱାରା ଖରାପ କୋଲେଷ୍ଟ୍ରଲ କମିବା ଆରମ୍ଭ କରେ । ଏହା ହୃଦୟ ପାଇଁ ମଧ୍ୟ ବହୁତ ଲାଭଦାୟକ ହୋଇଥାଏ ।
