ଚେନ୍ନାଇକୁ ମାତ୍ ଦେବା ପାଇଁ ଦଳକୁ ଫେରିବେ ବିରାଟଙ୍କ ସାଥୀ! କାହାକୁ ମିଳିବ ପ୍ଲେ-ଅଫ୍ ଟିକେଟ?
ନୂଆଦିଲ୍ଲୀ: ଆଜି ଚିନ୍ନାସ୍ୱାମୀ ଷ୍ଟାଡିୟମରେ ଶେଷ ପ୍ଲେଅଫ୍ ଟିକେଟ ପାଇଁ ଲଢିବେ ଚେନ୍ନାଇ ଏବଂ ବେଙ୍ଗଲୁରୁ । ତେଣୁ ଏହି ମ୍ୟାଚ ଉପରେ ସମସ୍ତଙ୍କର ନଜର ରହିଛି । ଉଭୟ ଦଳ ମ୍ୟାଚରେ ବିଜୟ ହାସଲ କରି ପ୍ଲେ-ଅଫରେ ସ୍ଥାନ ପକ୍କା କରିବା ପାଇଁ ଚେଷ୍ଟା କରିବେ । ତେଣୁ ଏହି କର ବା ମର ସ୍ଥିତିରେ ବେଙ୍ଗଲୁରୁ ପ୍ଲେଇଙ୍ଗ-୧୧ରେ ପରିବର୍ତ୍ତନ କରିପାରେ । ବିରାଟ କୋହଲିଙ୍କ ସାଥୀ ଅଲରାଉଣ୍ଡରଙ୍କୁ ଏହି ଦଳରେ ସୁଯୋଗ ଦେଇପାରେ ଆରସିବି । ଚେନ୍ନାଇ ବିପକ୍ଷରେ ଲଢେଇ କରିବା ପାଇଁ ଗ୍ଲେନ ମ୍ୟାକ୍ସୱେଲଙ୍କୁ ପ୍ଲେଇଙ୍ଗ-୧ରେ ସାମିଲ କରିପାରନ୍ତି ଅଧିନାୟକ ଫାପ୍ ଡୁ ପ୍ଲେସିସ ।
ଆଇପିଏଲରେ ବର୍ତ୍ତମାନ ସୁଦ୍ଧା କୋଲକାତା, ରାଜସ୍ଥାନ ଏବଂ ହାଇଦ୍ରାବାଦ ପ୍ଲେଅଫରେ ପହଞ୍ଚି ସାରିଛନ୍ତି । ତେବେ ଚେନ୍ନାଇ ଏବଂ ବେଙ୍ଗଲୁରୁ ବ୍ୟତୀତ ବାକି ଅନ୍ୟ ସମସ୍ତ ଦଳ ପ୍ଲେଅଫରୁ ବାଦ୍ ପଡ଼ିଛନ୍ତି । ତେଣୁ ଚତୁର୍ଥ ସ୍ଥାନ ପାଇଁ ଏହି ଦୁଇ ଦଳ ମଧ୍ୟରେ ଆଜି କଡ଼ା ମୁକାବିଲା ଖେଳାଯିବ । ଚେନ୍ନାଇ ବର୍ତ୍ତମାନ ୧୪ ପଏଣ୍ଟ ସହ ଚତୁର୍ଥ ସ୍ଥାନରେ ରହିଥିବା ବେଳେ ନେଟ୍ ରନ୍ ରେଟ୍ ମଧ୍ୟ ଖୁବ ସୁନ୍ଦର ରହିଛି । ଅନ୍ୟପକ୍ଷରେ ବେଙ୍ଗଲୁରୁ ୧୨ ପଏଣ୍ଟ ସହିତ ଟେବୁଲର ସପ୍ତମ ସ୍ଥାନରେ ରହିଛି । ତେଣୁ ଏହି ମ୍ୟାଚରେ ଚେନ୍ନାଇକୁ ମାତ୍ ଦେବା ପାଇଁ ଷ୍ଟାର ଅଲରାଉଣ୍ଡର ଗ୍ଲେନ ମ୍ୟାକ୍ସୱେଲଙ୍କୁ ଦଳରେ କମବ୍ୟାକ କରିବାକୁ ସୁଯୋଗ ଦେଇପାରେ ଆରସିବି ।
ଗତ କିଛିଟା ମ୍ୟାଚରେ ବେଙ୍ଗଲୁରୁର ବ୍ୟାଟର ଦମଦାର ପ୍ରଦର୍ଶନ ଜାରି ରଖିଛନ୍ତି । ଷ୍ଟାର ବ୍ୟାଟର ବିରାଟ କୋହଲିଙ୍କ ପରେ ମଧ୍ୟକ୍ରମରେ ରଜତ ପାଟିଦାର ଦଳକୁ ବଡ଼ ସ୍କୋରରେ ପହଞ୍ଚିବାରେ ମୁଖ୍ୟ ଭୂମିକା ତୁଲାଇଛନ୍ତି । ତେବେ ମ୍ୟାକ୍ସୱେଲ ଖରାପ ଫର୍ମ ଯୋଗୁଁ ଦଳରୁ ଓହରି ଯାଇଥିବା ବେଳେ ବର୍ତ୍ତମାନ ୱିଲ ଜ୍ୟାକ୍ସଙ୍କ ସ୍ଥାନରେ କମବ୍ୟାକ କରିପାରନ୍ତ ମ୍ୟାକ୍ସୱେଲ । ସେପଟେ ଚେନ୍ନାଇର ଷ୍ଟାର ବ୍ୟାଟର ମୋଇନ୍ ଅଲୀ ମଧ୍ୟ ଇଂଲଣ୍ଡ ପ୍ରତ୍ୟାବର୍ତ୍ତନ କରିଥିବା ବେଳେ ତାଙ୍କ ସ୍ଥାନରେ ରିଚାର୍ଡ ଗ୍ଲିସନଙ୍କୁ ଦଳରେ ସୁଯୋଗ ମିଳିପାରେ ।
ଆରସିବି ପ୍ଲେଇଙ୍ଗ-୧୧: ଫାଫ୍ ଡୁପ୍ଲେସିସ(ଅଧିନାୟକ), ବିରାଟ କୋହଲି, ରଜତ ପାଟିଦାର, ଗ୍ଲେନ ମ୍ୟାକ୍ସୱେଲ, କ୍ୟାମରନ୍ ଗ୍ରୀନ, ମହିପାଲ ଲାମରୋର, ଦିନେଶ କାର୍ତ୍ତିକ, ସ୍ୱପ୍ନିଳ ସିଂହ, କର୍ଣ୍ଣ ଶର୍ମା, ମହମ୍ମଦ ସିରାଜ, ଲକି ଫର୍ଗୁସନ୍
ଚେନ୍ନାଇ ପ୍ଲେଇଙ୍ଗ-୧୧: ଋତୁରାଜ ଗାଏକ୍ୱାଡ(ଅଧିନାୟକ), ରଚିନ୍ ରବିନ୍ଦ୍ର, ଡାରିଲ ମିଚେଲ, ଶିବମ ଦୁବେ, ସମୀର ରିଜଭୀ, ରବିନ୍ଦ୍ର ଜାଡେଜା, ଏମ.ଏସ ଧୋନୀ, ଶାର୍ଦ୍ଦୁଳ ଠାକୁର, ତୁଷାର ଦେଶପାଣ୍ଡେ, ରିଚାର୍ଡ ଗ୍ଲିସନ୍, ମହୀଷ ଥୀକ୍ଷଣା, ସିମରଜିତ ସିଂହ