ସୁଧୁରୁନି ପାକିସ୍ତାନ: କଶ୍ମୀରୀ କାର୍ଯ୍ୟକର୍ତ୍ତା ଅମଜଦ ଅୟୁବ ମିର୍ଜାଙ୍କ ଚାଞ୍ଚଲ୍ୟକର ବୟାନ, ଜମ୍ମୁ- କାଶ୍ମୀରସ୍ଥିତ କୁପୱାଡାରେ ଆତଙ୍କୀଙ୍କ ପ୍ରବେଶରେ ରହିଛି ପାକିସ୍ତାନର ହାତ…
.
ଓଡିଶା ଭାସ୍କର: ପାକିସ୍ତାନ ଅଧିକୃତ କାଶ୍ମୀର ( ପିଓକେ) ର ଜଣେ ପ୍ରସିଦ୍ଧ କାର୍ଯ୍ୟକର୍ତ୍ତା ଡ. ଅମଜଦ ଅୟୁବ ମିର୍ଜା ଜମ୍ମୁ-କାଶ୍ମୀରରେ ବଢୁଥିବା ଆତଙ୍କୀ ଅନୁପ୍ରବେଶକୁ ନେଇ ଜଣାଇଛନ୍ତି । ସେ କହିଛନ୍ତି ଯେ ଏହି ଆକ୍ରମଣ ଆତଙ୍କବାଦୀଙ୍କର ନୁହେଁ ବରଂ ପାକିସ୍ତାନ ସେନାର । ମିର୍ଜାଙ୍କ ଅନୁସାରେ, ଏଏସଜି ଜେନେରାଲ ଅଫିସର କମାଣ୍ଡିଂ(ଜିଓସି) ମେଜର ଅଦିଲ ରହମନୀ ଜମ୍ମୁ-କାଶ୍ମୀର କ୍ଷେତ୍ରରେ ଆକ୍ରମଣର ଷଡଯନ୍ତ୍ର ରଚିଛନ୍ତି ।
ଏହାବାଦ ସେ ଆହୁରି ଚାଞ୍ଚଲ୍ୟକର ବୟାନ ରଖିଛନ୍ତି । ପ୍ରାୟ ୬୦୦ କମାଣ୍ଡୋ ଥିବା ଏସଏସଜିର ଏକ ପୂର୍ଣ୍ଣ ବାଟାଲିୟନ ଭାରତରେ ପ୍ରବେଶ କରିଛନ୍ତି । ସେମାନେ କୁପୱାଡା କ୍ଷେତ୍ର ତଥା ଅନ୍ୟ ସ୍ଥାନରେ ଲୁଚି ରହିଛନ୍ତି । ପୀର ପଞ୍ଜାଲ ତଥା ଶମ୍ବବାରୀ ପାହାଡ ଆତଙ୍କବାଦୀଙ୍କ ଲୁଚିବା ପାଇଁ ସବୁଠୁ ଆଦର୍ଶ ସ୍ଥାନ ଅଟେ । ସ୍ଥାନୀୟ ଜିହାଦୀ ସେଲ ମଧ୍ୟ ସେମାନଙ୍କୁ ସହାୟତା ପ୍ରଦାନ କରୁଛନ୍ତି ବୋଲି ଅୟୁବ କହିଛନ୍ତି । ଫଳରେ ଭାରତରେ ସେମାନେ ସହଜରେ ନିଜର କାର୍ଯ୍ୟରେ ସଫଳ ହେଉଛନ୍ତି । ପାକିସ୍ତାନ ସେନାର ଲେଫ୍ଟିନେଣ୍ଟ କର୍ଣ୍ଣଲ ଶାହିଦ ସଲିମ ଜଞ୍ଜୁଆ ଏହି ଆକ୍ରମଣର ଭାର ସମ୍ଭାଳୁଛନ୍ତି । ଏମାନଙ୍କ ଉଦ୍ଦେଶ୍ୟ ରହିଛି ଭାରତୀୟ ସେନାର ୧୫ ତମ କୋର ସହ ଲଢେଇ ।
ଭାରତୀୟ ସେନାର ୧୫ ତନ କୋର ଭାରତର କାଶ୍ମୀରରେ ସୈନ୍ୟ ଅଭିଯାନ ପାଇଁ ଜଣା ଯାଆନ୍ତି । ମିର୍ଜା ଆହୁରି କହିଛନ୍ତି ଯେ, ମୁଜଫରବାଦ (ପିଓକେ) ରେ ଏସଏସଜିର ଆହୁରି ୨ ଟି ବାଟାଲିୟନ ପ୍ରବେଶ କରି କରିବାର ପ୍ରୟାସରତ ଅଛି ।
1. Allegedly SSG General Officer Commanding (GOC) Maj General Adil Rehmani is conducting the attacks in Jammu region.
2. one whole SSG battalion is said to have infiltrated that means at least 600 commandos are in Kupwara region and else where.
3. local jihadi sleeper cells… pic.twitter.com/ZI1yz63GdP— Amjad Ayub Mirza (@AMirza86155555) July 27, 2024