ପୂର୍ବତନ YouTube CEO ସୁଜେନ ୱୋଜସିକୀଙ୍କ ପରଲୋକ: ଭାବବିହ୍ୱଳ ପୋଷ୍ଟ ଶେୟାର କଲେ ସୁନ୍ଦର ପିଚାଇ
ନୂଆଦିଲ୍ଲୀ: ଆସିଛି ଏକ ବଡ଼ ଦୁଃଖ ଖବର । ୟୁଟ୍ୟୁବର ପୂର୍ବତନ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ସୁଜେନ ୱୋଜସିକୀଙ୍କ ପରଲୋକ ଘଟିଛି । ଦୀର୍ଘଦିନ ହେଲା ସୁଜେନ କର୍କଟ ରୋଗରେ ପୀଡ଼ିତ ହୋଇ ଜୀବନ ସହ ଲଢ଼େଇ କରି ଆସୁଥିଲେ । ମାତ୍ର ଶେଷରେ ସେ ଜୀବନ ଯୁଦ୍ଧରେ ହାରି ଯାଇଛନ୍ତି । ସୁଜେନଙ୍କ ପରଲୋକର ଗୁଗଲର ସିଇଓ ସୁନ୍ଦର ପିଚାଇ ଗଭୀର ଶୋକ ବ୍ୟକ୍ତ କରିବା ସହିତ ଭାବବିହ୍ୱଳ ପୋଷ୍ଟ ଶେୟାର କରିଛନ୍ତି । ଦୀର୍ଘ ଦୁଇବର୍ଷ ଧରି କ୍ୟାନସର ସହ ଲଢ଼େଇ କରିବା ପରେ ସେ ଆଜି ଜଣେ ଅତିନିକଟତମ ବନ୍ଧୁଙ୍କୁ ହରାଇଛନ୍ତି ବୋଲି ଶ୍ରୀ ପିଚାଈ କହିଛନ୍ତି ।
ଶ୍ରୀ ପିଚାଇ ତାଙ୍କର ପୋଷ୍ଟର ଲେଖିଛନ୍ତି, ‘ସୁଜେନଙ୍କ ଅଚାନକ ବିୟୋଗଙ୍କୁ ବିଶ୍ୱାସ କରିହେଉ ନାହିଁ । ତାଙ୍କ ଭଳିଜଣେ ଶକ୍ତିଶାଳୀ ମହିଳା ଲିଡର ଗୁଗଲ ଇତିହାସରେ ନିଜର ଅଲିଭା ଛାପ ଛାଡ଼ି ଯାଇଛନ୍ତି । ସେ ନିଜର ଜୀବନ କାଳ ମଧ୍ୟରେ ଦକ୍ଷତା ବଳରେ ସମଗ୍ର ବିଶ୍ୱରେ ଅନେକ ପ୍ରଭାବ ପକାଇ ପାରିଛନ୍ତି । ଗୁଗଲର ଲକ୍ଷାଧିକ କର୍ମଚାରୀ ସୁଜେନଙ୍କ ଅବଦାନକୁ କଦାପି ଭୁଲି ପାରିବେ ନାହିଁ । ସେମାନଙ୍କ ମଧ୍ୟରୁ ମୁଁ ହେଉଛି ଜଣେ । ମୁଁ ତାଙ୍କୁ ବହୁତ ମିସ୍ କରିବି । ତାଙ୍କର ପରିବାରବର୍ଗଙ୍କୁ ଈଶ୍ୱର ସହାୟ ହୁଅନ୍ତୁ ।’
ସେହିପରି ସୁଜେନଙ୍କ ପରଲୋକରେ ସମ୍ପୂର୍ଣ୍ଣ ଭାବେ ମର୍ମାହତ ହୋଇପଡ଼ିଛନ୍ତି ତାଙ୍କର ସବାମୀ ଡେନ୍ନିସ ଟ୍ରୋପର । ଏନେଇ ଡେନିସ ଫେସବୁକରେ ଏକ ଦୁଃଖଭରା ପୋଷ୍ଟ ଶେୟାର କରିଛନ୍ତି । ୨୬ ବର୍ଷ ଧରି ସୁଜେନ ଜଣେ ସ୍ନେହୀ ପତ୍ନୀ, ୫ ସନ୍ତାନଙ୍କର ମାଆ ଭାବେ ନିଜର କର୍ତ୍ତବ୍ୟ ସମ୍ପାଦନ କରିଆସିଥିଲେ । ଦୁଇବର୍ଷ ଧଣି କ୍ୟାନସରରେ ଲଢ଼େଇ କରିବା ପରେ ସେ ଆଜି ଆମ ସଭିଙ୍କୁ ଛାଡ଼ି ଚାଲିଯାଇଛନ୍ତି । ସୁଜେନ କେବଳ ମୋର ଜଣେ ଉତ୍ତମ ବନ୍ଧୁ ନଥିଲେ, ସେ ଜଣେ ଦକ୍ଷତା ସମ୍ପନ୍ନ ମହିଳା, ସ୍ନେହୀ ମାଆ ଓ ଭାବେ ଅନେକଙ୍କ ଜୀବନରେ ପ୍ରଭାବ ପକାଇ ପାରିଥିଲେ ।
Unbelievably saddened by the loss of my dear friend @SusanWojcicki after two years of living with cancer. She is as core to the history of Google as anyone, and it’s hard to imagine the world without her. She was an incredible person, leader and friend who had a tremendous…
— Sundar Pichai (@sundarpichai) August 10, 2024
