(video) ରେଳ ଧାରଣାରେ ଟ୍ରେନ୍ ନୁହେଁ ଚାଲିଲା ଥାର୍ ! ୩ ଜଣଙ୍କ ଉପରେ ଚଢ଼ିଗଲା, ଆଉ ଶେଷରେ…
ଜୟପୁର: ରାଜସ୍ଥାନ ଜୟପୁରରୁ ଏକ ଅଜବ ଘଟଣା ଏବେ ସାମ୍ନାକୁ ଆସିଛି । ସୋସିଆଲ ମିଡିଆରେ ଏହାର ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି । ବର୍ତ୍ତମାନର ପିଲାଠୁ ବୁଢ଼ା, ସମସ୍ତଙ୍କୁ ମଦ ନିଶା ପରେ ଯଦି ଆଉ କେଉଁ ନିଶା ଘାରିଛି ତାହା, ରିଲ୍ସ ନିଶା । ଏବେର ସମୟରେ ରିଲ୍ସର ଚାହିଦା ଏତେ ମାତ୍ରାରେ ବଢ଼ିଯାଇଛି ଯେ, ଯେ କେହି ବି ଯେ କୌଣସି ସ୍ଥାନକୁ ଯାଇ ରିଲ୍ସ କରୁଛନ୍ତି । ସେମିତି ରାଜସ୍ଥାନ ଜୟପୁରରେ ଜଣେ ବ୍ୟକ୍ତି ରିଲ୍ସ ତିଆରି କରିବା ପାଇଁ ନିଜ ଥର୍ କାର୍କୁ ନେଇ ରେଳ ଧାରଣାରେ ଚଲାଇବା ଆରମ୍ଭ କଲେ । ଆଉ ଯେତେବେଳେ ଗାଡ଼ି ଚକା ଧାରଣାରେ ଫସିଗଲା ସେତେବେଳେ ଅସୁବିଧା ଆହୁରି ବଢ଼ିଗଲା । ସେ ସମୟରେ ସାମ୍ନା ପଟୁ ଆସୁଥିବା ମାଲବାହୀ ଟ୍ରେନର ଲୋକପାଇଲଟ୍ ଟ୍ରାକରେ କାର୍ ଦେଖି କିଛି ଅଘଟଣା ଘଟିବା ଆଶଙ୍କାରେ ଟ୍ରେନଟିକୁ ଅଟକାଇ ଦେଇଥଲେ । ଆଉ ବ୍ୟକ୍ତିଙ୍କୁ ଧାରଣାରେ ଗାଡ଼ି ନ ଚଲେଇବାକୁ ବାରଣ କରିଥିଲେ । ରିଲ୍ସ ନିଶାରେ ଥିବା ବ୍ୟକ୍ତିଙ୍କୁ ଘାରିଥିଲା ମଦ ନିଶା । ଅମାନିଆ ହେବାରୁ ଲୋକପାଇଲଟଙ୍କୁ ରେଲୱେ ପୋଲିସକୁ ଡାକିବାକୁ ପଡ଼ିଥିଲା । ସ୍ଥାନୀୟ ଲୋକେ ମଧ୍ୟ ସେଠାରେ ଜମା ହୋଇ ଯାଇଥିଲେ । କଳ, ବଳ ଲଗେଇ ଯୁବକ ଜଣକ କାର୍ଟିକୁ ଟ୍ରାକ୍ରୁ ବାହାର କରି ଦେଲେ । କିନ୍ତୁ ପୋଲିସ ଧରିବା ଭୟରେ ଗାଡ଼ିରୁ ନ ଓହ୍ଲାଇ ଫୁଲ୍ ସ୍ପିଡ୍ରେ ଗହଳି ସ୍ଥାନରୁ ଚାଲିଗଲେ । ଭାଇରାଲ ଭିଡିଓ ଅନୁସାରେ ସେଠାରେ ଥିବା ଲୋକଙ୍କ ଭିତରୁ ପାଖାପାଖି ୩ ଜଣଙ୍କ ଉପରେ ମଦ୍ୟପ ଚାଳକ ଜଣକ ଗାଡ଼ି ଚଢ଼େଇ ନେଇଥିବା ଦେଖିବାକୁ ମିଳିଛି । ସେଠାରେ ପୋଲିସ ଉକ୍ତ ବ୍ୟକ୍ତିଙ୍କ ଟେର୍ ପାଇ ନ ଥିଲା । କିନ୍ତୁ କିଛି ଦୂର ଗଲା ପରେ ଓଭର ସିଡ୍ ଡ୍ରାଇଭିଂ ପାଇଁ ପୋଲିସ ତାଙ୍କୁ ଗିରଫ କରି ନେଇଥିଲେ ।
जब कुछ ना मिले तो
कुछ तूफानी करने का जुनून जाग जाता हैं युवाओ में
जयपुर का मामला
पटरी पर दौड़ाई थार!!#जयपुर #राजस्थान pic.twitter.com/mqvSepRVxc— Er._Deepak_Dogiyal (@Dpk_Dogiyal11) November 12, 2024
