SSB ଓଡ଼ିଶା ପକ୍ଷରୁ ସୂଚନା: ଜୁନିୟର ଆସିଷ୍ଟାଣ୍ଟ ସମେତ ୩ଟି ପଦର ଲିଖିତ ପରୀକ୍ଷା ତାରିଖ ଘୋଷଣା

ଭୁବନେଶ୍ୱର(ଓଡ଼ିଶା ଭାସ୍କର): ରାଜ୍ୟ ଚୟନ ବୋର୍ଡ (ଏସଏସବି), ଓଡ଼ିଶା ତରଫରୁ ଜୁନିୟର ଆସିଷ୍ଟାଣ୍ଟ ପଦର ଲିଖିତ ପରୀକ୍ଷା ତାରିଖ ଘୋଷଣା କରାଯାଇଛି । ମୋଟ ୧୦୧ଟି ପଦ ପୂରଣ ନିମନ୍ତେ ଗତ ମାର୍ଚ୍ଚ ମାସ ୬ ତାରିଖରେ ଏସଏସବି ତରଫରୁ ବିଜ୍ଞପ୍ତି ପ୍ରକାଶ ପାଇଥିଲା । ପ୍ରାର୍ଥୀଙ୍କୁ ସରକାରୀ ଡିଗ୍ରୀ କଲେଜମାନଙ୍କରେ ଜୁନିୟର ଆସିଷ୍ଟାଣ୍ଟ, ପିଇଟି, ଲାବୋଟୋରୀ ଆସିଷ୍ଟାଣ୍ଟ-କମ-ଷ୍ଟୋରକିପର ଆଦି ପଦରେ ନିଯୁକ୍ତି ଦିଆଯିବ ।

ଆସନ୍ତା ମାସରେ ଜୁନିୟର ଆସିଷ୍ଟାଣ୍ଟ ଓ ପିଇଟି ପଦ ପାଇଁ ଲିଖିତ ପରୀକ୍ଷା ଅନୁଷ୍ଠିତ ହେବ । ଡିସେମ୍ବର ମାସ ୨୯ ତାରିଖରେ ତିନୋଟି ଶିଟିଂରେ ଏହି ପରୀକ୍ଷା ଅନୁଷ୍ଠିତ ହେବ । ସକାଳ ୮ଟାରୁ ୧୦.୩୦ ପର୍ଯ୍ୟନ୍ତ ପ୍ରଥମ ଶିଟିଂରେ ଜୁନିୟର ଆସିଷ୍ଟାଣ୍ଟ ପରୀକ୍ଷା, ମଧ୍ୟାହ୍ନ ୧୨ଟାରୁ ୨ଟା ପର୍ଯ୍ୟନ୍ତ ଦ୍ୱିତୀୟ ଶିଟିଂରେ ପିଇଟି ପଦ ପାଇଁ ଲିଖିତ ପରୀକ୍ଷା ଓ ୩ଟାରୁ ସନ୍ଧ୍ୟା ୫ଟା ପର୍ଯ୍ୟନ୍ତ ତୃତୀୟ ଶିଟିଂରେ ଲାବୋରେଟୋରୀ ଆସିଷ୍ଟାଣ୍ଟ-କମ-ଷ୍ଟୋରକିପର ପଦର ଲିଖିତ ପରୀକ୍ଷା ଅନୁଷ୍ଠିତ ହେବ । ଡିସେମ୍ବର ୨୦ ତାରିଖ ପରଠାରୁ ପ୍ରାର୍ଥୀମାନେ ନିଜ ନିଜର ଆଡମିଟ୍ କାର୍ଡ ଏସଏସବି ୱେବସାଇଟରୁ ଡାଉନଲୋଡ୍ କରିପାରିବେ ।