ଧନୁଶ ମାଗିଲେ ୧୦ କୋଟି, ନୟନତାରା ଇନଷ୍ଟାରେ ପୋଷ୍ଟ କଲେ ଚିଠି

ହାଇଦ୍ରାବାଦ: ସାଉଥ୍ ଫିଲ୍ମ ଏବେ ସାରା ଦେଶରେ ଛାଇ ଯାଇଛି । କାରଣ ଦର୍ଶକଙ୍କୁ ସାଉଥ୍ ଫିଲ୍ମରୁ ମିଳୁଛି ସଠିକ୍ ମନୋରଞ୍ଜନର ଖୋରାକ । ଅନ୍ୟପକ୍ଷେ ଦେଖିବାକୁ ଗଲେ ସାଉଥ୍ ଷ୍ଟାରମାନଙ୍କ ଫ୍ୟାନ୍ ବେସ୍ ମଧ୍ୟ ବଢ଼ିବାରେ ଲାଗିଛି । ଫିଲ୍ମକୁ ନେଇ ଇଣ୍ଡଷ୍ଟ୍ରିରେ ଲାଗି ରହିଥିବା ରେସ୍ ଭିତରେ ଦେଖିବାକୁ ମିଳିଛି ନାୟକ ନାୟିକାଙ୍କ କଳି । ସେ ପୁଣି ଆଉ କେହି ନୁହଁନ୍ତି, ଧନୁଶ ଏବଂ ନୟନତାରା । ନିକଟରେ ନେଟଫ୍ଲିକ୍ସରେ ଷ୍ଟିମିଂ ହେଉଛି ନୟନତାରାଙ୍କ ଡକୁ୍ୟମେଣ୍ଟାରି । ଯାହା ହେଉଛି କଳିର ମୂଳ କାରଣ । ନୟନତାରା ନିଜ ଡକୁ୍ୟମେଣ୍ଟାରିରେ ସାଉଥ୍ ମୁଭି ‘ନାନୁମ ରାଓଡି ଧାମ’ର ଗୀତକୁ ବ୍ୟବହାର କରିଛନ୍ତି । ଏଥିରେ ଧନୁଶ ରାଗିଯାଇ ନୟନତାରାଙ୍କ ନାଁରେ ନୋଟିସ ପଠାଇବା ସହ ୧୦ କୋଟି ଦେବି କରିଛନ୍ତି । ଯାହାର ଜବାବ ଦେଇ ନୟନତାରା ନିଜ ଇନଷ୍ଟାଗ୍ରାମ ଆକାଉଣ୍ଟରେ ୩ ପୃଷ୍ଠାର ଏକ ଚିଠି ପୋଷ୍ଟ କରିଛନ୍ତି । ଯେଉଁଥିରେ ନାୟିକା ଜଣକ ଧନୁଶଙ୍କ କାମ ପାଇଁ ତାଙ୍କୁ ପ୍ରସଂଶା କରିବା ସହ ନିଜ ଫ୍ୟାନ୍ସଙ୍କ ପ୍ରତି ଥିବା ତାଙ୍କ ଦାୟିତ୍ୱ ସମ୍ପର୍କରେ କହିଛନ୍ତି । ଏହାଛଡ଼ା ‘ନାନୁମ ରାଓଡି ଧାମ’ର ଗୀତକୁ ବ୍ୟବହାର କରିବା ପୂର୍ବରୁ ନୟନତାରାଙ୍କ ଟିମ୍ ଧନୁଶଙ୍କଠାରୁ ଏନଓସି ମାଗିଥିଲା, କିନ୍ତୁ ଧନୁଶ ତାକୁ ପ୍ରତ୍ୟାକ୍ଷାନ କରିଥିବା ନୟନତାରା କହିଛନ୍ତି । ‘ନାନୁମ ରାଓଡି ଧାମ’ ୨୦୧୫ ଡିସେମ୍ବର ୨୯ ତାରିଖରେ ରିଲିଜ ହୋଇଥିଲା । ଏଥିରେ ଲିଡ୍ କ୍ୟାରେକ୍ଟରରେ ଅଭିନୟ କରିଥିଲେ ନୟନତାରା ଓ ବିଜୟ ସେତୁପତି । ଫିଲ୍ମର ପ୍ରଯୋଜକ ଥିଲେ ଧନୁଶ ।